ନୂଆଦିଲ୍ଲୀ: ପେସ ବୋଲର ବରୁଣ ଆରୋନ କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କରିଛନ୍ତି । ସୋସିଆଲ ମିଡିଆ ମାଧ୍ୟମରେ ସେ ଅବସର ନେବା କଥା ଜଣାଇଛନ୍ତି । ବାରମ୍ବାର ଆଘାତ ସମସ୍ୟା ଯୋଗୁ ବରୁଣ ତାଙ୍କ ଦକ୍ଷତା ମୁତାବକ ପ୍ରଦର୍ଶନ କରିପାରି ନ ଥିଲେ । ୧୫୦ରୁ ଊର୍ଦ୍ଧ୍ୱ କିଲୋମିଟର ପ୍ରତି ଘଂଟା ବେଗରେ ବୋଲିଂ କରି ସେ ଚର୍ଚ୍ଚାକୁ ଆସିଥିଲେ । ୨୦୧୧ରେ ଆନ୍ତର୍ଜାତୀୟ ମ୍ୟାଚ ଖେଳିଥିଲେ । ସେ ଭାରତ ପକ୍ଷରୁ ୧୮ଟି ମ୍ୟାଚ ଖେଳିବାକୁ ସକ୍ଷମ ହୋଇଥିଲେ । ସେ ଓଭରାଲ ୨୯ ଆନ୍ତର୍ଜାତୀୟ ୱିକେଟ ହାସଲ କରିଛନ୍ତି । ମୁଁ ମୋର ସଫଳ କ୍ରିକେଟ କ୍ୟାରିୟର ନେଇ ଗର୍ବିତ ।
ଏଥିପାଇଁ ଈଶ୍ୱର, ପରିବାର, ବନ୍ଧୁ, ସାଥୀ ଖେଳାଳି ଓ କୋଚଙ୍କୁ ଧନ୍ୟବାଦ ଜଣାଉଛି । ବରୁଣ ୫୨ଟି ଆଇପିଏଲ ମ୍ୟାଚ ଖେଳିଛନ୍ତି । ସେ ୩୩.୬୬ ଆଭରେଜରେ ୪୪ ୱିକେଟ ନେଇଛନ୍ତି । ତେବେ ଟି୨୦ରେ ସେ ଭାରତ ପକ୍ଷରୁ ଖେଳିବା ସୌଭାଗ୍ୟ ଅର୍ଜନ କରିପାରି ନାହାନ୍ତି । ସେ ନିୟମିତ ଭାବେ ଝାରଖଣ୍ଡ ପକ୍ଷରୁ ଘରୋଇ କ୍ରିକେଟ ଖେଳି ଆସୁଥିଲେ ।