ନୂଆଦିଲ୍ଲୀ: ଫେବୃଆରୀ ୨୬ରେ ଫ୍ଲୋରିଡା ମହାକାଶକୁ ନ୍ୟାସନାଲ ଏରୋନଟିକ୍ସ ଆଣ୍ଡ ସ୍ପେସ୍ ଆଡମିନିଷ୍ଟ୍ରେସନ୍ ଏକ ଉପଗ୍ରହ ଉତକ୍ଷେପଣ କରିଛି। ଯାହାଦ୍ୱାରା ଚନ୍ଦ୍ରପୃଷ୍ଠରେ ପାଣି କେଉଁଠି ଅଛି ତାହା ଜାଣିବାକୁ ପ୍ରୟାସ କରାଯିବ। ତେବେ ଏହା ନାସାର ଡିସୱାସର ଆକାରର ଉପଗ୍ରହ ଅଟେ ବୋଲି ଜଣାପଡିଛି।
କେପ୍ କାନାଭେରାଲରେ ସ୍ପେସଏକ୍ସ ଫାଲକନ୍ ୯ ରକେଟ୍ କେନେଡି ସ୍ପେସ୍ ସେଣ୍ଟରରୁ ନାସାର ଲୁନାର ଟ୍ରେଲବ୍ଲେଜର ଅର୍ବିଟରକୁ ନେଇ ଉଡାଣ ଭରିଥିଲା। ତେବେ ଏହି ଲୁନାର ଟ୍ରେଲବ୍ଲେଜର ମହାକାଶଯାନକୁ ଲକହିଡ୍ ମାର୍ଟିନର LMT.N ମହାକାଶ ବିଭାଗ ନିର୍ମାଣ କରିଥିଲା। ଏହି ଉପଗ୍ରହଟି ରକେଟ୍ରେ ସେକେଣ୍ଡାରି ପେଲୋଡ୍।
ଚନ୍ଦ୍ରର ପୃଷ୍ଠକୁ ସାଧାରଣତଃ ଶୁଷ୍କ ବୋଲି ବିବେଚନା କରାଯାଏ କିନ୍ତୁ ପୂର୍ବରୁ ଏହି ସ୍ଥାନରେ କିଛି ପାଣି ଥିବା ଚିହ୍ନଟ କରାଯାଇଛି। ଏପରିକି ଖରା ପଡୁଥିବା ସ୍ଥାନ ମାନଙ୍କରେ ମଧ୍ଯ ପାଣି ଚିହ୍ନଟ ହୋଇଛି। ଚନ୍ଦ୍ର ମେରୁରେ ଥଣ୍ଡା ଏବଂ ସ୍ଥାୟୀ ଭାବରେ ଛାଇ ରହୁଥିବା ଯଥେଷ୍ଟ ପରିମାଣର ବରଫ ଥାଇପାରେ ବୋଲି ପୂର୍ବରୁ ଅନୁମାନ କରାଯାଉଛି।
ଲୁନାର ଟ୍ରେଲବ୍ଲେଜରର ଓଜନ ପ୍ରାୟ ୪୪୦ ପାଉଣ୍ଡ (୨୦୦ କିଲୋଗ୍ରାମ) ଏବଂ ଏହାର ସୌର ପ୍ୟାନେଲଗୁଡ଼ିକ ସମ୍ପୂର୍ଣ୍ଣ ଭାବରେ ନିୟୋଜିତ ହେବାପରେ ପରେ ଏହା ପ୍ରାୟ ୧୧.୫ ଫୁଟ (୩.୫ ମିଟର) ଚଉଡ଼ା ହୋଇଥାଏ। ଏହାକୁ ଚନ୍ଦ୍ରପୃଷ୍ଠରେ ପାଣି ଖୋଜିବା ସହ ମାନଚିତ୍ର ପ୍ରସ୍ତୁତ କରିବା ପାଇଁ ମଧ୍ଯ ବ୍ଯବହାର କରାଯାଇପାରିବ।
Comments are closed.