ନୂଆଦିଲ୍ଲୀ: ଭାରତରେ ଥିବା ସଂରକ୍ଷିତ ଐତିହ୍ୟସ୍ଥଳ ମାନଙ୍କରୁ ଗତ ୫ ବର୍ଷ ମଧ୍ୟରେ ତାଜମହଲ ସର୍ବଧିକ ରାଜସ୍ବ ଆୟ କରିଥିବା ସ୍ମାରକୀ ବୋଲି ଜଣାପଡ଼ିଛି। ଟିକଟ ବିକ୍ରିରୁ ତାଜମହଲ ସର୍ବାଧିକ ଆୟ କରୁଛି। ଆର୍ଥିକ ବର୍ଷ ୧୯-୨୦ ରୁ ୨୩-୨୪ ପର୍ଯ୍ୟନ୍ତ ତଥ୍ୟ ଅନୁଯାୟୀ, ଗତ ପାଞ୍ଚ ବର୍ଷ ମଧ୍ୟରେ ଟିକେଟ୍ ବିକ୍ରି ଦୃଷ୍ଟିରୁ ଏଏସଆଇ ସଂରକ୍ଷିତ ସ୍ମାରକୀ ମଧ୍ୟରେ ତାଜମହଲ ସର୍ବାଧିକ ଆୟ କରିଛି।
ଏହି ସଂରକ୍ଷିତ ସ୍ମାରକୀରୁ ଏଏସ୍ଆଇ ଗତ ୫ ବର୍ଷରେ ୨୯୭ କୋଟି ଟଙ୍କା ରାଜସ୍ୱ ଆୟ କରିଛି ।
ଆର୍ଥିକ ବର୍ଷ୨୦-୨୧ରେ, ତାମିଲନାଡୁର ମମଲ୍ଲାପୁରମ ଏବଂ କୋଣାର୍କର ସୂର୍ଯ୍ୟ ମନ୍ଦିର ଦ୍ୱିତୀୟ ଏବଂ ତୃତୀୟ ସ୍ଥାନରେ ଥିଲେ ବୋଲି କେନ୍ଦ୍ର ସଂସ୍କୃତି ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ ଗୁରୁବାର ରାଜ୍ୟସଭାରେ ଏକ ପ୍ରଶ୍ନର ଲିଖିତ ଉତ୍ତରରେ ଏହି ତଥ୍ୟ ପ୍ରଦାନ କରିଛନ୍ତି।
ଆର୍ଥିକ ବର୍ଷ ୨୩-୨୪ରେ ଟିକଟ ବିକ୍ରିରୁ ରାଜସ୍ବ ଆୟ ତାଲିକାରେ ଦିଲ୍ଲୀର କୁତୁବ ମିନାର ଏବଂ ଲାଲକିଲ୍ଲା ଯଥାକ୍ରମେ ଦ୍ୱିତୀୟ ଏବଂ ତୃତୀୟ ସ୍ଥାନରେ ରହିଥିଲା; ଯାହା ଯଥାକ୍ରମେ ୨୩,୮୦,୧୬,୯୮୩ ଟଙ୍କା ଏବଂ ୧୮,୦୮,୯୦,୮୨୫ ଟଙ୍କା ରାଜସ୍ୱ ଆୟ କରିଥିଲା।
କେନ୍ଦ୍ର ସଂସ୍କୃତି ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ ଗୁରୁବାର ଦିନ ରାଜ୍ୟସଭାରେ ଏକ ପ୍ରଶ୍ନର ଲିଖିତ ଉତ୍ତରରେ ଏହି ତଥ୍ୟ ବାଣ୍ଟିଛନ୍ତି। ତାଙ୍କୁ ପଚରାଯାଇଥିଲା ଯେ ଗତ ପାଞ୍ଚ ବର୍ଷ ମଧ୍ୟରେ ବିଭିନ୍ନ ସ୍ମାରକୀକୁ ପ୍ରବେଶ ଟିକେଟ୍ ବିକ୍ରୟରୁ ପ୍ରତ୍ନତାତ୍ତ୍ୱିକ ସର୍ଭେ ଅଫ୍ ଇଣ୍ଡିଆ (ASI) କେତେ ଟଙ୍କା ପାଇଛି; ଏବଂ କେଉଁ ସ୍ମାରକଗୁଡିକ ଗତ ପାଞ୍ଚ ବର୍ଷ ମଧ୍ୟରେ ପ୍ରବେଶ ଟିକେଟ୍ ବିକ୍ରି ମାଧ୍ୟମରେ ସର୍ବାଧିକ ଆୟ କରିଛି ।
Comments are closed.