କାନାଡ଼ାରେ ଭାରତୀୟଙ୍କୁ ଛୁରି ଭୁସି ହତ୍ୟା

ଓଟାଓ୍ବା: କାନାଡାର ରକଲ୍ୟାଣ୍ଡରେ ଜଣେ ଭାରତୀୟ ନାଗରିକଙ୍କୁ ଛୁରି ଭୁସି ହତ୍ୟା  କରାଯାଇଛି। ଜଣେ ସନ୍ଦିଗ୍ଧ ଆକ୍ରମଣକାରୀଙ୍କୁ ପୋଲିସ ଗିରଫ କରିଛି। ଏହି ଘଟଣାରେ ଭାରତୀୟ ଦୂତାବାସ ଦୁଃଖ ପ୍ରକାଶ କରିଛି ଓ ପୀଡିତାଙ୍କ ପରିବାରକୁ ଯଥା ସମ୍ଭବ ସାହାଯ୍ୟ ଯୋଗାଇଦେବାକୁ ପ୍ରତିଶୃତି ଦେଇଛି।

କାନାଡାର ଭାରତୀୟ ଦୂତାବାସ ଏକ୍ସରେ ଏକ ପୋଷ୍ଟରେ ଲେଖିଛନ୍ତି ଯେ, ଓଟାଓ୍ବା ନିକଟ ରକଲ୍ୟାଣ୍ଡରେ ଜଣେ ଭାରତୀୟ ନାଗରିକଙ୍କ ଦୁଃଖଦ ମୃତ୍ୟୁରେ ଆମେ ଗଭୀର ଦୁଃଖିତ। ଜଣେ ସନ୍ଦିଗ୍ଧଙ୍କୁ ଗିରଫ କରାଯାଇଥିବା ପୋଲିସ କହିଛି। ସମସ୍ତ ସମ୍ଭାବ୍ୟ ସହାୟତା ଯୋଗାଇବା ପାଇଁ ଆମେ ସ୍ଥାନୀୟ ସମ୍ପ୍ରଦାୟ ସଂଘ ମାଧ୍ୟମରେ ଶୋକସନ୍ତପ୍ତ ପରିବାର ସହିତ ଯୋଗାଯୋଗରେ ଅଛୁ ।

We are deeply saddened by the tragic death of an Indian national in Rockland near Ottawa, due to stabbing. Police has stated a suspect has been taken into custody. We are in close contact through a local community association to provide all possible assistance to the bereaved…

— India in Canada (@HCI_Ottawa) April 5, 2025

ଛୁରାମାଡ଼ ଘଟଣା ପରେ ଏହି ଅଞ୍ଚଳରେ ଉତ୍ତେଜନା ଦେଖାଦେଇଛି, ସବୁ ସ୍ଥାନରେ ପୋଲିସ ଫୋର୍ସ ମୁତୟନ କରାଯାଇଛି। ଭାରତୀୟ ଦୂତାବାସର ହସ୍ତକ୍ଷେପ ପରେ ପୋଲିସ ଏହି ମାମଲାରେ ଅଧିକ କଠୋର ହୋଇଛି। ଏହି କାରଣରୁ ଆକ୍ରମଣକାରୀ ଯୁବକଙ୍କୁ କାହିଁକି ଟାର୍ଗେଟ କରିଛନ୍ତି ସେନେଇ ଅନୁସନ୍ଧାନ କରାଯାଉଛି, ଏହା ସହିତ, ପୂର୍ବ ଶତ୍ରୁତା ଅଛି ନା ଅନ୍ୟ କିଛି ସମସ୍ୟା ଅଛି ତାହା ମଧ୍ୟ ତଦନ୍ତ କରାଯାଉଛି । ପୋଲିସ ଟିମ୍ ଘଟଣାର ତଦନ୍ତ କରୁଛି।

ସୂଚନାନୁସାରେ, ଅଣ୍ଟାରିଓ ପ୍ରୋଭିନ୍ସିଆଲ ପୋଲିସ (OPP) କହିଛି ଯେ ଗୁଳିକାଣ୍ଡଟି ରାତି ପ୍ରାୟ ୩ଟା ସମୟରେ ରକଲ୍ୟାଣ୍ଡର ଲାଲୋଣ୍ଡେ ଷ୍ଟ୍ରିଟ ନିକଟରେ ଘଟିଥିଲା। ଏହି ସ୍ଥାନଟି ଓଟାୱା ସହରରୁ ପ୍ରାୟ ୪୦କିଲୋମିଟର ପୂର୍ବରେ ଅବସ୍ଥିତ।