ଭୁବନେଶ୍ୱର: ବିଜୁ ଜନତା ଦଳ (ବିଜେଡି) ସୋମବାର ଦିନ ଦଳର ସାଙ୍ଗଠନିକ ପୁନର୍ବିନ୍ୟାସ କରିଛି। ଏଥିସହିତ ୭୧ ଜଣ ରାଜ୍ୟ ପଦାଧିକାରୀଙ୍କ ଏକ ନୂତନ ଦଳ ଘୋଷଣା କରିଛି।
ଏଥିରେ ସାତ ଜଣ ବରିଷ୍ଠ ଉପସଭାପତି, ଆଠ ଜଣ ଉପସଭାପତି, ୨୦ ଜଣ ବରିଷ୍ଠ ସାଧାରଣ ସମ୍ପାଦକ, ୩୧ ଜଣ ସାଧାରଣ ସମ୍ପାଦକ ଏବଂ ଜଣେ କୋଷାଧ୍ୟକ୍ଷ ଅନ୍ତର୍ଭୁକ୍ତ।
ବରିଷ୍ଠ ନେତା ଦେବୀ ପ୍ରସାଦ ମିଶ୍ର, ପ୍ରଫୁଲ୍ଲ ସାମଲ, ଉଷା ଦେବୀ, ବିକ୍ରମ କେଶରୀ ଆରୁଖ, ପ୍ରମିଳା ମଲ୍ଲିକ, ନିରଞ୍ଜନ ପୂଜାରୀ ଏବଂ ଚନ୍ଦ୍ର ଶେଖର ସାହୁଙ୍କୁ ବରିଷ୍ଠ ଉପସଭାପତି ଭାବରେ ନିଯୁକ୍ତ କରାଯାଇଛି।
ପ୍ରତାପ ଜେନାଙ୍କୁ ଉପସଭାପତି (ମୁଖ୍ୟାଳୟ) ଭାବରେ ନିଯୁକ୍ତ କରାଯାଇଛି। ଉପସଭାପତି ପଦବୀରେ ନିଯୁକ୍ତ ଅନ୍ୟମାନେ ହେଲେ ଅତନୁ ସବ୍ୟସାଚୀ ନାୟକ, ରାଜେନ୍ଦ୍ର ଢୋଲକିଆ, ସଞ୍ଜୟ ଦାସ ବର୍ମା, ରବି ନାରାୟଣ ନନ୍ଦ, ଅଶ୍ୱିନୀ ପାତ୍ର ଏବଂ ସାରଦା ପ୍ରସାଦ ନାୟକ।
ସେହିପରି କଟକ ମେୟର ସୁଭାଷ ସିଂହ ନୂତନ କୋଷାଧ୍ୟକ୍ଷ ହୋଇଛନ୍ତି। ତେବେ ନବୀନ ପଟ୍ଟନାୟକ ଗତ ମାସରେ ସର୍ବସମ୍ମତିକ୍ରମେ ନବମ ଥର ପାଇଁ ଦଳର ସଭାପତି ଭାବରେ ପୁନଃନିର୍ବାଚିତ ହୋଇଥିଲେ।
Comments are closed.