ହଠାତ୍ ଟ୍ରେନରୁ ନିଖୋଜ ହୋଇଗଲେ କେନ୍ଦ୍ରମନ୍ତ୍ରୀ ଜୁଏଲ ଓରାମ!୩ ଘଣ୍ଟା ପରେ ଆହତ ଅବସ୍ଥାରେ ଉଦ୍ଧାର

ଜବଲପୁର: କେନ୍ଦ୍ରମନ୍ତ୍ରୀ ଜୁଏଲ ଓରାମ୍ ଦିଲ୍ଲୀରୁ ଜବଲପୁର ଯାଉଥିବା ବେଳେ ହଠାତ୍ ଟ୍ରେନ୍‌ରୁ ନିଖୋଜ ହୋଇଯାଇଥିଲେ। ଏହି ଘଟଣା ଶନିବାର ରାତିରେ ଘଟିଥିଲା। ରବିବାର ସକାଳେ ସେ ଦମୋହରେ ତାଙ୍କ ସ୍ଥାନରେ ନଥିଲେ। ଏହା ଦେଖି ରେଳବାଇ ପକ୍ଷରୁ ତୁରନ୍ତ ଏକ ସନ୍ଧାନ ଅଭିଯାନ ଆରମ୍ଭ କରିଥିଲା। ୩ ଘଣ୍ଟା ପରେ, ସିହୋରା ଷ୍ଟେସନରେ ସମ୍ପର୍କ କ୍ରାନ୍ତି ଏକ୍ସପ୍ରେସରେ ଆହତ ଅବସ୍ଥାରେ ମନ୍ତ୍ରୀଙ୍କ ପତା ମିଳିଥିଲା। ତାଙ୍କ ହାତ ଏବଂ ଗୋଡରେ ଆଘାତ ଲାଗିଥିଲା।

କେନ୍ଦ୍ରମନ୍ତ୍ରୀ ଜୁଏଲ ଓରାମ ଗୋଣ୍ଡୱାନା ଏକ୍ସପ୍ରେସରେ ଦିଲ୍ଲୀରୁ ଜବଲପୁର ଯାଉଥିଲେ। ସେ ଶନିବାର ରାତିରେ ହଜରତ ନିଜାମୁଦ୍ଦିନ ଷ୍ଟେସନରୁ ବାହାରିଥିଲେ। ରବିବାର ସକାଳେ ଦମୋହରେ ତାଙ୍କର ବର୍ଥ ଖାଲି ପଡ଼ିଥିଲା। ଏହି ଘଟଣାଟି ଉତ୍ତେଜନା ସୃଷ୍ଟି କରିଥିଲା। ପରେ ରେଳବାଇ ତୁରନ୍ତ ସନ୍ଧାନ ଅଭିଯାନ ଆରମ୍ଭ କରିଥିଲା। ପ୍ରାୟ ୩ ଘଣ୍ଟା ଧରି ସନ୍ଧାନ ଜାରି ରହିଲା। ଏହା ପରେ ମନ୍ତ୍ରୀ ୧୬୨ କିଲୋମିଟର ଦୂର ସିହୋରା ଷ୍ଟେସନରୁ ଉଦ୍ଧାର ହେଲେ। ସେ ସମ୍ପର୍କ କ୍ରାନ୍ତି ଏକ୍ସପ୍ରେସର କୋଚ୍ B3ରେ ୫୭ ନମ୍ବର ବର୍ଥରେ ଥିଲେ।

ସୂଚନା ଅନୁଯାୟୀ, ମନ୍ତ୍ରୀ ଭୋର ୩:୪୫ ରେ ଦାମୋହ ଷ୍ଟେସନରେ ଓହ୍ଲାଇଥିଲେ। ସେହି ସମୟରେ ତାଙ୍କର ସୁଗାର ସ୍ତର ହ୍ରାସ ପାଇଥିଲା। ଅଚାନକ ତାଙ୍କ ଟ୍ରେନ୍ ଛାଡିବାକୁ ଲାଗିଲା ଏବଂ ସେ ସେଥିରେ ଚଢ଼ିବାକୁ ଯାଇ ତାଙ୍କ ଗଡ଼ ଖସିଗଲା ଏବଂ ସେ ଆହତ ହୋଇପଡିଲେ। ସେ ଆଉ ଟ୍ରେନ ଚଢିପାରିନଥିଲେ। ଠିକ୍ ସେହି ସମୟରେ ସମ୍ପର୍କ କ୍ରାନ୍ତି ଏକ୍ସପ୍ରେସ୍ ଅନ୍ୟ ପ୍ଲାଟଫର୍ମରେ ପହଞ୍ଚିଲା। ମନ୍ତ୍ରୀ ସେଥିରେ ବସିଗଲେ।

ମନ୍ତ୍ରୀଙ୍କ ପିଏ କହିଛନ୍ତି ଯେ ସେ ହରଦୁଆରୁ ନିଖୋଜ ଥିଲେ। ପରେ ଜଣାପଡିଲା ଯେ ଟ୍ରେନଟି ସେଠାରେ ଅଟକି ନଥିଲା। ସକାଳ ୬:୫୫ ରେ ସିହୋରା ଷ୍ଟେସନରେ ମନ୍ତ୍ରୀଙ୍କୁ ଉଦ୍ଧାର କରାଗଲା। ତାଙ୍କୁ ପ୍ରାଥମିକ ଚିକିତ୍ସା ଦିଆଯାଇ ଜବଲପୁର ଅଣାଯାଇଥିଲା। ମନ୍ତ୍ରୀ ଜବଲପୁରରେ ପହଞ୍ଚିବା ମାତ୍ରେ ତାଙ୍କୁ ସୁରକ୍ଷା ଯୋଗାଇ ଦିଆଯାଇଥିଲା। ଏହି ସମ୍ପୂର୍ଣ୍ଣ ଘଟଣା ଉପରେ ମନ୍ତ୍ରୀ ଜୁଏଲ୍ ଓରାମଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ।