ଘର କାମ କରୁଛି ରୋବୋଟ୍; ଭିଡିଓ ସେୟାର କଲେ ମସ୍କ

ନୂଆଦିଲ୍ଲୀ: ଏଲନ ମସ୍କ ପୁଣିଥରେ ଇଣ୍ଟରନେଟରେ ହଇଚଇ ସୃଷ୍ଟି କରିଛନ୍ତି। ସେ ଏକ୍ସରେ ଏକ ରୋବୋଟ୍ ର ଭିଡିଓ ପୋଷ୍ଟ କରିଛନ୍ତି।

ତାଙ୍କ କମ୍ପାନୀର ମାନବକୃତ୍ ରୋବୋଟ୍ (ଅପ୍ଟିମସ୍) ଦୈନନ୍ଦିନ ଜୀବନର ଅନେକ କାର୍ଯ୍ୟ କରୁଛି। ଯେପରିକି ଘରକୁ ଭାକ୍ୟୁମ୍ କରିବା, ସଫା କରିବା ଏବଂ ଡଷ୍ଟପ୍ୟାନ୍ ସାହାଯ୍ୟରେ ଟେବୁଲ ସଫା କରିବା ଏବଂ ଚାମଚ ସାହାଯ୍ୟରେ ରୋଷେଇ କରିବା। ଆଉ ଏହି ଭିଡିଓଟି ଖୁବ୍ ଭାଇରାଲ ମଧ୍ୟ ହୋଇଛି।

The biggest product ever
pic.twitter.com/AgmU7AjcDT

— Kekius Maximus (@elonmusk) May 21, 2025

ଭିଡିଓ ପୋଷ୍ଟ ସହ ସେ କ୍ୟାପ୍ସନରେ ଲେଖିଛନ୍ତି ଯେ, “ଏବେ ପର୍ଯ୍ୟନ୍ତ ନିର୍ମିତ ସର୍ବୋତ୍ତମ ଉତ୍ପାଦ। ଭିଡିଓଟିରେ ଦେଖାଯାଉଛି ଯେ ଅପ୍ଟିମସ୍ ଧୈର୍ଯ୍ୟର ସହିତ ନିର୍ଦ୍ଦେଶଗୁଡ଼ିକୁ ପାଳନ କରୁଛି।

ଭିଡିଓରେ, ରୋବୋଟ୍ ଟି ନିରବରେ ଘରର କାମ ସାରିବା ସହିତ ଠିକ୍ ଠିକ୍ ନିର୍ଦ୍ଦେଶାବଳୀ ମଧ୍ୟ ପାଳନ କରୁଛି। ତେବେ କିଛି ଘଣ୍ଟା ମଧ୍ୟରେ, ଏକ୍ସରେ ପୋଷ୍ଟଟିକୁ ୯.୫ ନିୟୁତରୁ ଅଧିକ ଲୋକ ଦେଖିସାରିଛନ୍ତି।