ନୂଆଦିଲ୍ଲୀ: ଲସ୍କର-ଏ-ତୈବା କମାଣ୍ଡର ସୈଫୁଲ୍ଲାହ କସୁରୀ ପୁଣି ଥରେ ଭାରତ ବିରୋଧୀ ରାଲିରେ ନଜର ଆସିଛି । ସେ ପାକିସ୍ତାନୀ ନେତାମାନଙ୍କ ସହିତ ଗୋଟିଏ ମଞ୍ଚରେ ଠିଆ ହୋଇ ଭାରତ ବିରୋଧରେ ପୁଣି ବିଶ ଉଗାରିଛି । ଯେଉଁଥିରେ ଜିହାଦୀ ସ୍ଲୋଗାନ ଏବଂ “ନାରା-ଏ-ତକବୀର” ରେ ପରିପୂର୍ଣ୍ଣ ଏକ ଜ୍ୱଳନ୍ତ ଭାଷଣ ଦେଇଥିଲା । ତେବେ କସୁରୀକୁ ପହଲଗାମ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ବୋଲି କୁହାଯାଉଥିବା ବେଳେ ସେ ଆକ୍ରମଣ ପରେ ଏହି ଭିଡିଓ ଜାରି କରି ଏଥିରେ ତାର ସପୃକ୍ତି ନଥିବା ଦାବି କରିଛି ।
ହେଲେ ଏବେ ଭାରତ ବିରୋଧରେ ପୁଣି ଲଜ୍ଜାଜନକ ବୟାନ ଦେଇଛି କସୁରୀ । ପାକିସ୍ତାନ ମରକାଜି ମୁସଲିମ ଲିଗ୍ ଏକ ରାଲି ଆୟୋଜନ କରିଥିଲା। ଆତଙ୍କବାଦୀ ହାଫିଜ୍ ସଇଦର ପୁଅ ତଲହା ସଇଦ ମଧ୍ୟ ଏଥିରେ ଅଂଶଗ୍ରହଣ କରିଥିଲା । ରାଲି ସମୟରେ ଜନସାଧାରଣଙ୍କୁ ସମ୍ବୋଧିତ କରିବା ସମୟରେ କସୁରୀ ଭାରତ ବିରୁଦ୍ଧରେ ବିଷ ଓଗାଳିଥିଲା। ସେ କହିଛି, ପହଲଗାମ ଆତଙ୍କବାଦୀ ଆକ୍ରମଣ ପାଇଁ ମୋତେ ଦାୟୀ କରାଯାଇଥିଲା, ଏବେ ମୋର ନାମ ସାରା ବିଶ୍ୱରେ ପ୍ରସିଦ୍ଧ ହୋଇଯାଇଛି। ଭାରତର ଅପରେସନ ସିନ୍ଦୁରରେ ହାଇପ୍ରୋଫାଇଲ ଆତଙ୍କବାଦୀ ମୁଦାସିର ଅହମ୍ମଦ ନିହତ ହୋଇଥିଲେ।
ଏଥିସହିତ ଜନସମାବେଶକୁ ସମ୍ବୋଧିତ କରି, କସୁରୀ କହିଛି, ଯାହାଙ୍କୁ ତାଙ୍କ ଓରଫ ଖାଲିଦ ମଧ୍ୟ କୁହାଯାଏ, ସେ କାଳେ ଆହ୍ଲାବାଦରେ “ମୁଦାସିର ସହିଦ” ନାମରେ ଏକ କେନ୍ଦ୍ର, ରାସ୍ତା ଏବଂ ହସ୍ପିଟାଲ ନିର୍ମାଣ କରିବ । ଗୁଇନ୍ଦା ସୂତ୍ରରୁ ମିଳିଥିବା ସୂଚନା ଅନୁଯାୟୀ, ପହଲଗାମ ହତ୍ୟାକାଣ୍ଡ ପରେ ଭାରତର ପ୍ରତିଶୋଧମୂଳକ ଅପରେସନ ସିନ୍ଦୁର ଆକ୍ରମଣରେ ନିହତ ହୋଇଥିବା ଅନେକ ହାଇ-ପ୍ରୋଫାଇଲ୍ ଆତଙ୍କବାଦୀଙ୍କ ମଧ୍ୟରୁ ମୁଦାସିର ଅହମଦ ଜଣେ ଥିଲେ।
ଭାରତର ମୋଷ୍ଟ ୱାଣ୍ଟେଡ୍ ତାଲିକାରେ ୩୨ ତମ ସ୍ଥାନରେ ଥିବା ଆତଙ୍କବାଦୀ ତଲହା ସଇଦ ମଧ୍ୟ ରାଲିର ଏକ ଅଂଶ ଥିଲେ। ସେ ତକବୀର ସ୍ଲୋଗାନ ଦେଇ ତାଙ୍କ ଭାଷଣ ଆରମ୍ଭ କରିଥିଲେ। ତଲହା ମଧ୍ୟ ଭାରତ ବିରୋଧୀ ଭାଷଣ ଦେଇଥିଲେ। ଗୁରୁତ୍ୱପୂର୍ଣ୍ଣ କଥା ହେଉଛି ଯେ ଆତଙ୍କବାଦୀଙ୍କ ଏହି ରାଲିରେ ପାକିସ୍ତାନୀ ନେତାମାନେ ମଧ୍ୟ ଅଂଶଗ୍ରହଣ କରିଥିଲେ। କସୁରୀଙ୍କ ବିଷୟରେ କହିବାକୁ ଗଲେ, ତାଙ୍କ ସମେତ ଅନେକ ଆତଙ୍କବାଦୀ ପାକିସ୍ତାନରେ ନିର୍ବାଚନ ଲଢ଼ିଛନ୍ତି, ଯଦିଓ ଅଧିକାଂଶ ଆତଙ୍କବାଦୀ ନିର୍ବାଚନ ଜିତିପାରି ନଥିଲେ।
ପାକିସ୍ତାନ ବର୍ଷ ବର୍ଷ ଧରି ଆତଙ୍କବାଦୀଙ୍କୁ ପାଣ୍ଠି ଯୋଗାଇ ଆସୁଛି ଏବଂ ଏହା ଯୋଗୁଁ କ୍ଷତି ମଧ୍ୟ ହୋଇଛି। ପାକିସ୍ତାନର ବୈଦେଶିକ ମନ୍ତ୍ରୀ ନିଜେ ସମ୍ପ୍ରତି ସ୍ୱୀକାର କରିଥିଲେ ଯେ ପାକିସ୍ତାନ ବର୍ଷ ବର୍ଷ ଧରି ଆତଙ୍କବାଦୀଙ୍କୁ ପୋଷଣ କରିଆସୁଛି। ପହଲଗାମ ଆକ୍ରମଣ ପରେ ଭାରତ ଅପରେସନ ସିନ୍ଦୁର ଆରମ୍ଭ କରିଥିଲା। ଯେଉଁଥିରେ ୧୦୦ ରୁ ଅଧିକ ଆତଙ୍କବାଦୀ ନିହତ ହୋଇଥିଲେ। ଭାରତୀୟ ସେନା ପାକିସ୍ତାନ ଏବଂ ପିଓକେରେ ଅନେକ ଆତଙ୍କବାଦୀ ଆଡ୍ଡାକୁ ନଷ୍ଟ କରିଦେଇଥିଲା।
Comments are closed.