ରାୟଗଡ଼ା:ଲାଞ୍ଚ ନେଇ ଧରାପଡ଼ିଲେ ବିଷମକଟକର ସିଡିପିଓ ସୁଶୀଳା ଶବର ଓ କିରାଣୀ ରାମଚନ୍ଦ୍ର ପାତ୍ର । CDPO ସୁଶୀଳା ଶବର ଓ କିରାଣୀ ରାମଚନ୍ଦ୍ର ପାତ୍ର ୮୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ଦ୍ବାରା ଧରାପଡ଼ିଛନ୍ତି । ଅଙ୍ଗନବାଡି ଚୟନ ପାଇଁ ଦୁହେଁ ନେଉ ଥିଲେ ଲାଞ୍ଚ ।
ଚାଟିକଣା ପଞ୍ଚାୟତ ହୁତେସି ଗାଁର ଶୀତା ୱାଡେକାଙ୍କ ଠାରୁ ୮୦ ହଜାର ଟଙ୍କା ଲାଞ୍ଚ ନେଉଥିଲେ । ସମ୍ପୂର୍ଣ୍ଣ ଲାଞ୍ଚ ଟଙ୍କା ଉଦ୍ଧାର ଏବଂ ଜବତ କରିଛି ଭିଜିଲାନ୍ସ।
ସୂଚନାଥାଉକି, ଜଣେ ଡୋଙ୍ଗାରିଆ କନ୍ଧ ମହିଳାଙ୍କୁ ଅଙ୍ଗନୱାଡି କର୍ମୀ ପଦବୀ ପାଇଁ ଚୟନ କରିବା ପାଇଁ ମୋଟ ୧,୦୦,୦୦୦ ଟଙ୍କା ଦାବିର ଦ୍ୱିତୀୟ ଏବଂ ଶେଷ କିସ୍ତି ଭାବରେ ୮୦,୦୦୦ ଟଙ୍କା ଲାଞ୍ଚ ନେଉଥିବା ସମୟରେ ଓଡ଼ିଶା ଭିଜିଲାନ୍ସ ଧରିଛି ।
ଖବରମୁତାବକ, ମହିଳା ଜଣକ ପ୍ରାୟ ଏକ ମାସ ପୂର୍ବରୁ ତାଙ୍କ ଗାଁରେ ଅଙ୍ଗନୱାଡି କର୍ମୀ ପଦବୀ ପାଇଁ ଆବେଦନ କରିଥିଲେ। ୨୦.୦୬.୨୦୨୫ ରେ ଅଭିଯୋଗକାରୀ ମହିଳା ବିଷମକଟକ ସିଡିପିଓଙ୍କ କାର୍ଯ୍ୟାଳୟରେ ନିଯୁକ୍ତିର ସ୍ଥିତି ବିଷୟରେ ପଚାରିଥିଲେ, ସେତେବେଳେ ନିଯୁକ୍ତି ପତ୍ର ପ୍ରଦାନ ପାଇଁ ୧ ଲକ୍ଷ ଟଙ୍କା ଲାଞ୍ଚ ଦାବି କରାଯାଇଥିଲା। ଉକ୍ତଦିନ କାର୍ଯ୍ୟାଳୟର କିରାଣୀ ରାମଚନ୍ଦ୍ର ପାତ୍ର ୟୁପିଆଇ ଟ୍ରାଞ୍ଜାକ୍ସନ୍ (ଫୋନପେ) ମାଧ୍ୟମରେ ଅଭିଯୋଗକାରୀଙ୍କଠାରୁ ପ୍ରଥମ କିସ୍ତି ଭାବରେ ୨୦ ହଜାର ଟଙ୍କା ଟଙ୍କା ନେଇଥିଲେ। ନିଯୁକ୍ତି ପତ୍ର ପାଇବା ପାଇଁ ଅବଶିଷ୍ଟ ୮୦ହଜାର ଟଙ୍କା ୨୩.୦୬.୨୦୨୫ସୁଦ୍ଧା ଦେବାକୁ ଅଭିଯୋଗକାରୀଙ୍କୁ ନିର୍ଦ୍ଦେଶ ଦିଆଯାଇଥିଲା। ଏତେ ବଡ଼ ଲାଞ୍ଚ ଦାବିର ସମ୍ମୁଖୀନ ହୋଇ ଆଦିବାସୀ ମହିଳା ଭିଜିଲାନ୍ସ କର୍ତ୍ତୃପକ୍ଷଙ୍କୁ ଘଟଣା ବିଷୟରେ ଜଣାଇଥିଲେ। ଏହି ଆଧାରରେ ଭିଜିଲାନ୍ସ ଦଳ
ବଳକା ୮୦ ହଜାର ଟଙ୍କା ନଗଦ ନେବାବେଳେ ରାୟଗଡ଼ା ଭିଜିଲାନ୍ସ ବିଭାଗର ସ୍ବତନ୍ତ୍ର ଟିମ୍ ତାଙ୍କୁ ଧରିଥିଲେ।
ବର୍ତ୍ତମାନ ଉଭୟଙ୍କୁ ଭିଜିଲାନ୍ସ କାର୍ଯ୍ଯାଳୟରେ ଜେରା କରାଯାଉଛି ।
Comments are closed.