ଏହି ରାଜ୍ୟରେ ଗୋଟିଏ ଦିନରେ ବସ୍ରେ ମାଗଣା ଯାତ୍ରା କଲେ ୧୮ ଲକ୍ଷରୁ ଅଧିକ ମହିଳା, ସୃଷ୍ଟି ହେଲା ରେକର୍ଡ
ଅମରାବତୀ: ସମସ୍ତେ ମାଗଣାରେ ଯାତ୍ରା କରିବାକୁ ଚାହାଁନ୍ତି । ଅନେକ ରାଜ୍ୟ ମହିଳାମାନଙ୍କୁ ବସରେ ମାଗଣାରେ ଯାତ୍ରା କରିବା ପାଇଁ ଏହି ସୁବିଧା ପ୍ରଦାନ କରିଛନ୍ତି । ଆନ୍ଧ୍ରପ୍ରଦେଶରେ ବର୍ତ୍ତମାନ ଆରମ୍ଭ ହୋଇଥିବା ସ୍ତ୍ରୀ ଶକ୍ତି ଯୋଜନା ଅଧୀନରେ, ସୋମବାର ୧୮ ଲକ୍ଷରୁ ଅଧିକ ମହିଳା ମାଗଣା ବସ୍ ଯାତ୍ରାର ଲାଭ ଉଠାଇଛନ୍ତି । ଯାହା ଏକ ପ୍ରକାର ରେକର୍ଡ କରିଛି ।
ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁ ୨୦୨୪ ନିର୍ବାଚନ ପୂର୍ବରୁ ମହିଳାମାନଙ୍କ ପାଇଁ ମାଗଣା ବସ୍ ଯାତ୍ରା ଯୋଜନାର ପ୍ରତିଶ୍ରୁତି ଦେଇଥିଲେ । ମୁଖ୍ୟମନ୍ତ୍ରୀ ନାଇଡୁ ତାଙ୍କ ରାଜ୍ୟର ମହିଳାମାନଙ୍କୁ ଏହି ପ୍ରତିଶ୍ରୁତି ପୂରଣ କରିଛନ୍ତି ।
ସୋମବାର ବିଳମ୍ବିତ ଏକ ସରକାରୀ ବିଜ୍ଞପ୍ତିରେ କୁହାଯାଇଛି, ‘କେବଳ ସୋମବାର ଦିନ ୧୮ ଲକ୍ଷରୁ ଅଧିକ ମହିଳା ମାଗଣା ବସ୍ ଯାତ୍ରାର ସୁବିଧା ପାଇଛନ୍ତି।’ ସ୍ୱାଧୀନତା ଦିବସରେ ଯୋଜନା ଆରମ୍ଭ ହେବା ପରଠାରୁ ସୋମବାର ପ୍ରଥମ କାର୍ଯ୍ୟ ଦିବସ ଥିଲା ।
ଯୋଜନା ଆରମ୍ଭ ହେବାର ମାତ୍ର ଚାରି ଦିନ ମଧ୍ୟରେ, ରାଜ୍ୟ ସାରା ୪୭ ଲକ୍ଷ ମହିଳା ଉପକୃତ ହୋଇଛନ୍ତି । ମୁଖ୍ୟମନ୍ତ୍ରୀ ନାଇଡୁ କହିଛନ୍ତି ଯେ, ମହିଳା ଯାତ୍ରୀମାନେ ସେମାନଙ୍କର ଖୁସି ବାଣ୍ଟୁଛନ୍ତି । ମୁଖ୍ୟମନ୍ତ୍ରୀ କହିଛନ୍ତି ଯେ, ସେମାନେ ଏହି ଯୋଜନା ମାଧ୍ୟମରେ ପ୍ରତିଦିନ ସଞ୍ଚୟ କରୁଛନ୍ତି ।
Comments are closed.