ନୂଆଦିଲ୍ଲୀ: ନୋବେଲ୍ ପୁରସ୍କାର କମିଟି ଭେନେଜୁଏଲାର ବିରୋଧୀ ଦଳ ନେତା ମାରିଆ କୋରିନା ମାଚାଡୋଙ୍କୁ ୨୦୨୫ ନୋବେଲ ଶାନ୍ତି ପୁରସ୍କାର ବିଜେତା ଘୋଷଣା କରିବା ପରେ ଡୋନାଲ୍ଡ ଟ୍ରମ୍ପଙ୍କ ନୋବେଲ ଶାନ୍ତି ପୁରସ୍କାର ଜିତିବାର ଆଶା ମଉଳି ଯାଇଥିଲା। ଆଉ ଏହା ପରେ ଭେନେଜୁଏଲାର ବିରୋଧୀ ଦଳ ନେତା ମାରିଆ କୋରିନା ମାଚାଡୋ ନୋବେଲ, ଶାନ୍ତି ପୁରସ୍କାର ନ ପାଇ ନିରାଶ ହୋଇଥିବା ଡୋନାଲ୍ଡ ଟ୍ରମ୍ପଙ୍କ କ୍ଷତରେ ମଲମ ମାରିବାକୁ ଚେଷ୍ଟା କରିଥିଲେ। ସେ ତାଙ୍କର ନୋବେଲ ଶାନ୍ତି ପୁରସ୍କାର ଡୋନାଲ୍ଡ ଟ୍ରମ୍ପଙ୍କୁ ଉତ୍ସର୍ଗ କରିଥିଲେ। ମାରିଆଙ୍କ ପଦକ୍ଷେପରେ ଏବେ ଟ୍ରମ୍ପଙ୍କ ନିରାଶପଣକୁ ଉପଶମ ଦେଇଥିବା ମନେହେଉଛି। ଏନେଇ ପ୍ରତିକ୍ରିୟା ଦେଇ ଡୋନାଲ୍ଡ ଟ୍ରମ୍ପ କହିଛନ୍ତି ଯେ ନୋବେଲ ପୁରସ୍କାର ପାଇଥିବା ବ୍ୟକ୍ତି ଆଜି ମୋତେ ଫୋନ୍ କରି କହିଥିଲେ, “ମୁଁ ଆପଣଙ୍କ ସମ୍ମାନରେ ଏହାକୁ ଗ୍ରହଣ କରୁଛି କାରଣ ଆପଣ ପ୍ରକୃତରେ ଏହାର ଯୋଗ୍ୟ।” ତଥାପି, ମୁଁ କହି ନଥିଲି, “ଏହା ମୋତେ ଦିଅ।” ମୁଁ ଭାବୁଛି ସେ କରିଥିଲେ। ମୁଁ ତାଙ୍କୁ ସାହାଯ୍ୟ କରିଆସୁଛି। ମୁଁ ଖୁସି କାରଣ ମୁଁ ଲକ୍ଷ ଲକ୍ଷ ଜୀବନ ବଞ୍ଚାଇଛି।”
ତେବେ ମାରିଆ କୋରିନା ମାଚାଡୋଙ୍କୁ ଭେନେଜୁଏଲା ଲୋକଙ୍କ ପାଇଁ ଗଣତାନ୍ତ୍ରିକ ଅଧିକାରକୁ ପ୍ରୋତ୍ସାହିତ କରିବା ପାଇଁ 2025 ନୋବେଲ ଶାନ୍ତି ପୁରସ୍କାର ପ୍ରଦାନ କରାଯାଇଥିଲା। ଏହା ପରେ ମାରିଆ ଏହାକୁ ଡୋନାଲ୍ଡ ଟ୍ରମ୍ପଙ୍କୁ ଉତ୍ସର୍ଗ କରି ଏକ୍ସରେ କହିଥିଲେ, ମାରିଆ ମାଚାଡୋ ଏହାକୁ ଭେନେଜୁଏଲାର “ନିଷ୍ପେଷିତ” ଲୋକଙ୍କୁ ଏବଂ ଭେନେଜୁଏଲା ସ୍ୱାଧୀନତା ପାଇଁ ସେମାନଙ୍କ ଲଢ଼େଇରେ ସେମାନଙ୍କୁ ସମର୍ଥନ କରିଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଉତ୍ସର୍ଗ କରିଥିଲେ। ଏକ ପୋଷ୍ଟରେ, ମାଚାଡୋ କହିଛନ୍ତି, “ସମସ୍ତ ଭେନେଜୁଏଲାବାସୀଙ୍କ ସଂଘର୍ଷର ଏହି ସ୍ୱୀକୃତି ସ୍ୱାଧୀନତା ହାସଲ କରିବା ପାଇଁ ଲକ୍ଷ୍ୟ ରଖିଥିବା ଆମର କାର୍ଯ୍ୟ ପାଇଁ ଏକ ପ୍ରୋତ୍ସାହନ। ଆମେ ବିଜୟର ଦ୍ୱାରଦେଶରେ ଅଛୁ।” ଆଜି, ପୂର୍ବ ଅପେକ୍ଷା ଅଧିକ, ଆମେ ଆମର ସ୍ୱାଧୀନତା ଏବଂ ଗଣତନ୍ତ୍ର ହାସଲ କରିବାରେ ଆମର ମୁଖ୍ୟ ସହଯୋଗୀ ଭାବରେ ରାଷ୍ଟ୍ରପତି ଟ୍ରମ୍ପ, ଆମେରିକାର ଲୋକମାନେ, ଲାଟିନ୍ ଆମେରିକାର ଲୋକମାନେ ଏବଂ ବିଶ୍ୱର ଗଣତାନ୍ତ୍ରିକ ଦେଶଗୁଡ଼ିକୁ ଭରସା କରୁଛୁ।” ମୁଁ ଏହି ପୁରସ୍କାର ଭେନେଜୁଏଲାର ନିର୍ଯାତିତ ଲୋକଙ୍କୁ ଏବଂ ରାଷ୍ଟ୍ରପତି ଟ୍ରମ୍ପଙ୍କୁ ଉତ୍ସର୍ଗ କରୁଛି, ଯେଉଁମାନେ ନିର୍ଣ୍ଣାୟକ ଭାବରେ ଆମର ଉଦ୍ଦେଶ୍ୟକୁ ସମର୍ଥନ କରିଥିଲେ!”
ପୂର୍ବରୁ ଶୁକ୍ରବାର ହ୍ୱାଇଟ୍ ହାଉସ୍ ପୁରସ୍କାର କମିଟିକୁ ସମାଲୋଚନା କରିଥିଲା। ଆମେରିକା ରାଷ୍ଟ୍ରପତିଙ୍କ ସରକାରୀ ବାସଭବନ ଏବଂ କାର୍ଯ୍ୟାଳୟ ହ୍ୱାଇଟ୍ ହାଉସ୍ ଶୁକ୍ରବାର ନୋବେଲ୍ ଶାନ୍ତି ପୁରସ୍କାର କମିଟିକୁ ସମାଲୋଚନା କରି ଏହା ବିଶ୍ୱ ଶାନ୍ତି ପ୍ରତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଅବଦାନକୁ ଅଣଦେଖା କରୁଥିବା ଅଭିଯୋଗ କରିଛି। ଟ୍ରମ୍ପ ନିରନ୍ତର ନୋବେଲ୍ ଶାନ୍ତି ପୁରସ୍କାର ଖୋଜୁଛନ୍ତି, ଦାବି କରୁଛନ୍ତି ଯେ ସେ ବିଶ୍ୱବ୍ୟାପୀ ଶାନ୍ତି ପ୍ରତିଷ୍ଠା ପାଇଁ ତାଙ୍କ ପଦକ୍ଷେପ ପାଇଁ ନୋବେଲ୍ ଶାନ୍ତି ପୁରସ୍କାର ପାଇବାକୁ ଯୋଗ୍ୟ।
ହ୍ୱାଇଟ୍ ହାଉସ୍ ଯୋଗାଯୋଗ ନିର୍ଦ୍ଦେଶକ ଷ୍ଟିଭେନ୍ ଚେଙ୍ଗ୍ ଏକ ସାମାଜିକ ଗଣମାଧ୍ୟମ ପୋଷ୍ଟରେ କହିଛନ୍ତି, “ନୋବେଲ୍ କମିଟି ପ୍ରମାଣ କରିଛି ଯେ ସେମାନେ ଶାନ୍ତି ଅପେକ୍ଷା ରାଜନୀତିକୁ ପ୍ରାଥମିକତା ଦିଅନ୍ତି।” ଭେନେଜୁଏଲାର ବିରୋଧୀ ନେତା ମାରିଆ କୋରିନା ମାଚାଡୋଙ୍କୁ ୨୦୨୫ ନୋବେଲ୍ ଶାନ୍ତି ପୁରସ୍କାର ବିଜେତା ଭାବରେ ଘୋଷଣା କରାଯିବାର କିଛି ଘଣ୍ଟା ପରେ ଏହି ବିବୃତ୍ତି ଆସିଛି। ଚେଙ୍ଗ୍ କହିଛନ୍ତି ଯେ ଟ୍ରମ୍ପ “ଶାନ୍ତି ଚୁକ୍ତିନାମାରେ ମଧ୍ୟସ୍ଥତା, ଯୁଦ୍ଧ ଶେଷ ଏବଂ ଜୀବନ ରକ୍ଷା କରିବାରେ ଲାଗି ରହିବେ। ତାଙ୍କର ମାନବିକ ହୃଦୟ ଅଛି।”
Comments are closed.