Ex-US envoy Rahm Emanuel: ‘ପାକିସ୍ତାନୀ ଟଙ୍କା, ନୋବେଲ୍ ଲୋଭ, ଭାରତ ସହ ସମ୍ପର୍କ ବିଗାଡିଲେ ଟ୍ରମ୍ପ…’

ନୂଆଦିଲ୍ଲୀ: ‘ଅହଂକାରୀ ଡୋନାଲ୍ଡ ଟ୍ରମ୍ପ…ଭାରତ ସହିତ ସମ୍ପର୍କକୁ ନଷ୍ଟ କରିଛନ୍ତି…ପାକିସ୍ତାନୀ ଟଙ୍କା ଲୋଭରେ ଭାରତର ସହ ସମ୍ପର୍କ ବିଗାଡିଛନ୍ତି ଟ୍ରମ୍ପ…ନୋବେଲ୍ ପାଇଁ ୪୦ ବର୍ଷର କଠିନ ପରିଶ୍ରମକୁ ନଷ୍ଟ କରିଛନ୍ତି’

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ବିରୁଦ୍ଧରେ ତାଙ୍କର ଟାରିଫ୍ ନୀତି ପାଇଁ ନିରନ୍ତର ସମାଲୋଚନାର ସମ୍ମୁଖୀନ ହେଉଛନ୍ତି। ଟ୍ରମ୍ପ ଆମେରିକା ଭିତରେ କଡ଼ା ବିରୋଧର ସମ୍ମୁଖୀନ ହେଉଛନ୍ତି। ଗତ କିଛି ଦିନ ମଧ୍ୟରେ, ପ୍ରାୟ ଦୁଇ ଡଜନ ଆମେରିକୀୟ ସାଂସଦ ଟ୍ରମ୍ପଙ୍କୁ ଚିଠି ଲେଖି ଭାରତ ସହିତ ସମ୍ପର୍କ ଉନ୍ନତ କରିବାକୁ ପରାମର୍ଶ ଦେଇଛନ୍ତି। ଏହି ସମୟରେ, ପୂର୍ବତନ ଆମେରିକା ରାଷ୍ଟ୍ରପତି ବାରାକ ଓବାମାଙ୍କ ପୂର୍ବତନ ସହାୟକ ଏବଂ ଟ୍ରମ୍ପ ପ୍ରଶାସନ ସମୟରେ ଜାପାନରେ ରାଷ୍ଟ୍ରଦୂତ ତଥା ଆମେରିକାର ଶୀର୍ଷ ଡେମୋକ୍ରାଟିକ୍ ନେତା ରାହମ୍ ଇମାନୁଏଲ୍ ମଧ୍ୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଟାର୍ଗେଟ କରିଛନ୍ତି।

ଡୋନାଲ୍ଡ ଟ୍ରମ୍ପଙ୍କୁ ଅହଂକାରୀ ବୋଲି କହି ରାହମ୍ ଇମାନୁଏଲ୍ କହିଛନ୍ତି ଯେ ସେ “ପାକିସ୍ତାନରୁ ଅଳ୍ପ ଟଙ୍କା ପାଇଁ ଅହଂକାର ଏବଂ ଲୋଭ” ଯୋଗୁଁ ଭାରତ ସହିତ ଆମେରିକାର ୪୦ ବର୍ଷର ରଣନୈତିକ ସମ୍ପର୍କକୁ ନଷ୍ଟ କରିଛନ୍ତି। ଇମାନୁଏଲ୍ କହିଛନ୍ତି ଯେ ଏହା କେବଳ ଏକ କୂଟନୈତିକ ଭୁଲ ନୁହେଁ ବରଂ ଚୀନ୍ ଦ୍ୱାରା ଶୋଷଣ କରାଯାଇଥିବା ଏକ ରଣନୈତିକ ଭୁଲ ମଧ୍ୟ ଥିଲା।

ଏଥିସହିତ ରାହମ୍ ଇମାନୁଏଲ୍ ପାକିସ୍ତାନ ପ୍ରତି ଟ୍ରମ୍ପଙ୍କ ବନ୍ଧୁତ୍ୱପୂର୍ଣ୍ଣ ମନୋଭାବ ଉପରେ ପ୍ରଶ୍ନ ଉଠାଇଛନ୍ତି। ରାହମ୍ କହିଛନ୍ତି ଯେ ଟ୍ରମ୍ପ ଦୟାଳୁ ହେଉଛନ୍ତି କାରଣ ତାଙ୍କ ପୁଅ ପାକିସ୍ତାନରୁ ଟଙ୍କା ପାଉଛି। ଇମାନୁଏଲ୍ ଏହା ବି ଦାବି କରିଛନ୍ତି ଯେ,  “ଟ୍ରମ୍ପ ସବୁକିଛି ନଷ୍ଟ କରିଦେଇଛନ୍ତି କାରଣ ମୋଦି କହିବେ ନାହିଁ ଯେ ରାଷ୍ଟ୍ରପତି ଟ୍ରମ୍ପ ପାକିସ୍ତାନ ସହିତ ଯୁଦ୍ଧବିରତିରେ ମଧ୍ୟସ୍ଥତା କରିଥିଲେ ଏବଂ ଟ୍ରମ୍ପ ନୋବେଲ ଶାନ୍ତି ପୁରସ୍କାର ପାଇବାକୁ ଯୋଗ୍ୟ।” ଏଥିପାଇଁ ପୂର୍ବ ଆମେରିକା ସରକାରଗୁଡ଼ିକ ଯେଉଁ ସମ୍ପର୍କକୁ ସୁଦୃଢ଼ ​​କରିବାରେ ୪୦ ବର୍ଷ ବିତାଇଥିଲେ, ସେ ସମସ୍ତ କଠିନ ପରିଶ୍ରମକୁ ପଣ୍ଡ କରିଦେଇଛନ୍ତି ରାଷ୍ଟ୍ରପତି ଟ୍ରମ୍ପ ।”

ତେବେ କହିରଖୁଛୁ,ରାହମ୍ ଇମାନୁଏଲ୍ ପୂର୍ବରୁ ଚିକାଗୋର ମେୟର ଏବଂ ବାରାକ ଓବାମାଙ୍କ ଚିଫ୍ ଅଫ୍ ଷ୍ଟାଫ୍ ଭାବରେ କାର୍ଯ୍ୟ କରିଛନ୍ତି। ରାହମ୍ ଇମାନୁଏଲ୍ଙ୍କ ବୟାନ ଆମେରିକାରେ ରାଜନୈତିକ ତାପମାତ୍ରା ବୃଦ୍ଧି କରିଛି। ଟ୍ରମ୍ପଙ୍କ ସ୍ୱର ସାମ୍ପ୍ରତିକ ଦିନରେ ପରିବର୍ତ୍ତନ ହୋଇଥିବା ପରି ମନେ ହେଉଛି, କେତେବେଳେ ଭାରତକୁ ଏକ ମହାନ ଦେଶ ବୋଲି କହୁଛନ୍ତି ତ କେତେବେଳେ ପ୍ରଧାନମନ୍ତ୍ରୀ ମୋଦିଙ୍କୁ ଜଣେ ମହାନ ନେତା ଏବଂ ତାଙ୍କର ବନ୍ଧୁ ବୋଲି କହୁଛନ୍ତି।