ନୂଆଦିଲ୍ଲୀ: ଶନିବାର ଦିନ ମେକ୍ସିକୋର ସୋନୋରାର ହର୍ମୋସିଲୋ ସହରରେ ଥିବା ୱାଲଡୋସ୍ ସୁପରମାର୍କେଟ୍ରେ ଏକ ବଡ଼ ବିସ୍ଫୋରଣ ଘଟି ଅତି କମରେ ୨୩ ଜଣଙ୍କର ମୃତ୍ୟୁ ହୋଇଛି । ଏପଟେ ୧୧ ଜଣ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଅନେକ ଶିଶୁ ସାମିଲ ଅଛନ୍ତି। ବିସ୍ଫୋରଣର କାରଣ ଅସ୍ପଷ୍ଟ ରହିଛି ।
ସ୍ଥାନୀୟ ଗଣମାଧ୍ୟମ ଅନୁଯାୟୀ, ସହରର କେନ୍ଦ୍ରସ୍ଥଳରେ ଥିବା ଏକ ଡିପାର୍ଟମେଣ୍ଟଲ ଷ୍ଟୋରରେ ବିସ୍ଫୋରଣରେ ଚାରି ଜଣ ଶିଶୁଙ୍କ ସମେତ ଅତି କମରେ ୨୩ ଜଣଙ୍କର ମୃତ୍ୟୁ ହୋଇଛି। ଖବର ଅନୁଯାୟୀ, ସହରର କେନ୍ଦ୍ରସ୍ଥଳରେ ଥିବା ଏକ ଡିପାର୍ଟମେଣ୍ଟଲ ଷ୍ଟୋରରେ ମଧ୍ୟାହ୍ନ ସମୟରେ ବିସ୍ଫୋରଣ ଘଟିଥିଲା। ଏକ ନ୍ୟୁଜ୍ ଏଜେନ୍ସି ଅନୁଯାୟୀ, ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ନିଆଁ ଶୀଘ୍ର କୋଠା ଏବଂ ନିକଟସ୍ଥ ଯାନବାହନକୁ ବ୍ୟାପି ଯାଇଥିଲା।
ସୋନୋରା ଅଧିକାରୀମାନେ ଆତଙ୍କବାଦୀ ଆକ୍ରମଣର ସମ୍ଭାବନାକୁ ଖାରଜ କରିଛନ୍ତି।
କିଛି ଗଣମାଧ୍ୟମ ରିପୋର୍ଟରେ ଅଗ୍ନିକାଣ୍ଡକୁ ବିଦ୍ୟୁତ୍ ତ୍ରୁଟି ସହିତ ଯୋଡାଯାଇଛି। ଅଧିକାରୀମାନେ କହିଛନ୍ତି ଯେ ଦୋକାନ ଭିତରେ ଥିବା ଏକ ବିଦ୍ୟୁତ୍ ଟ୍ରାନ୍ସଫର୍ମର ଏହି ଅଘଟଣର କାରଣ ହୋଇପାରେ । ପ୍ରାଥମିକ ଆକଳନରୁ ଏହା ଏକ ଦୁର୍ଘଟଣା ବୋଲି ସୂଚିତ ହେଉଛି। ତଦନ୍ତ ଜାରି ରହିଛି।
Comments are closed.