ମୁମ୍ବାଇ: ‘ତୁ ମେରି ମୈଁ ତେରା ମୈଁ ତେରା ତୁ ମେରି’ ଏବଂ ‘ନାଗଜିଲା’ ଭଳି ଦୁଇଟି ବଡ଼ ପ୍ରୋଜେକ୍ଟରେ କାମ କରିବା ପରେ ଚଳଚ୍ଚିତ୍ର ନିର୍ମାତା କରଣ ଜୋହର ଏବଂ ଅଭିନେତା କାର୍ତ୍ତିକ ଆର୍ୟନ ତୃତୀୟ ଥର ପାଇଁ ଏକାଠି ଫିଲ୍ମ କରିବାକୁ ସଜବାଜ ହେଉଛନ୍ତି।
କାରଣ ଜୋହରଙ୍କ ପ୍ରଡକ୍ସନ ହାଉସ ଧର୍ମା ପ୍ରଡକ୍ସନରେ ବର୍ତ୍ତମାନ କାର୍ତ୍ତିକ ଆର୍ଯ୍ୟାନଙ୍କୁ ନୂଆ ପୋଷ୍ଟର ବୟ ଭାବରେ ସ୍ଥାନିତ କରାଯାଇଥିବା କୁହାଯାଉଛି। ବର୍ତ୍ତମାନ ସମୟରେ ବଲିଉଡରେ କାର୍ତ୍ତିକ ସବୁଠାରୁ ବ୍ୟାଙ୍କେବଲ୍ ହିରୋମାନଙ୍କ ମଧ୍ୟରେ ନିଜର ପରିଚୟ ସୃଷ୍ଟି କରି ସାରିଛନ୍ତି। ତାଙ୍କର ଆଗାମୀ ଦୁଇଟି ଫିଲ୍ମ ବକ୍ସ ଅଫିସରେ ଭଲ କଲେକ୍ସନ କରିବ ବୋଲି ସମସ୍ତେ ବେଶ୍ ଆଶା ରଖିଛନ୍ତି। ଏଥିସହିତ ଉଭୟ ଅଗଷ୍ଟ ୨୦୨୬ରେ ଏକ ନୂଆ ଫିଲ୍ମ ଆଣିବାକୁ ଯାଇଥିବା ନେଇ ମଧ୍ୟ କୁହାଯାଉଛି।
ନାଗଜିଲା ଫିଲ୍ମ ଲଞ୍ଚ ହେବା ପରେ ସିରିଜର ପରବର୍ତ୍ତୀ ଫିଲ୍ମର ପ୍ରି-ପ୍ରଡକ୍ସନ ଆରମ୍ଭ ହେବ ଓ ଏଥିରେ କାର୍ତ୍ତିକଙ୍କ ଭୂମିକା ଗୁରୁତ୍ୱପୂର୍ଣ୍ଣ ଓ ଅପରିବର୍ତ୍ତିତ ହୋଇ ରହିବ। କିନ୍ତୁ ବାକି କଳାକାର ଏବଂ କ୍ରୁ ପରିବର୍ତ୍ତନ ହେବା ନେଇ ସୂତ୍ରରୁ ଜଣା ପଡ଼ିଛି। ଏହି ଫିଲ୍ମରେ କାର୍ତ୍ତିକ ପ୍ରେମ୍ୟମେଶ୍ୱର ପ୍ୟାରେ ଚାନ୍ଦ ନାମକ ଭୂମିକାରେ ଅଭିନୟ କରିବେ ଯେଉଁଥିରେ ସେ ଜଣେ ଇଛାଧାରୀ ନାଗ ଭୂମିକାରେ ରହିବେ।
ତେବେ ମୋସନ୍ ପୋଷ୍ଟରର ଏକ ଫୋଟୋ ସେୟାର କରି କରଣ ଲେଖିଛନ୍ତି ମଣିଷ ଫଟୋ ମୁ ବହୁତ୍ ଦେଖାଇଛି ବର୍ତ୍ତମାନ୍ ଏକ ସାପ କୁ ଦେଖନ୍ତୁ #NaagZilla – ସାପ ଦୁନିଆର ପ୍ରଥମ ଏପିସୋଡ୍ …ପ୍ରେମ୍ୟମେଶ୍ୱର ପ୍ୟାରେ ଚାନ୍ଦ … ନାଗ ପଞ୍ଚମୀରେ ଆପଣଙ୍କ ନିକଟସ୍ଥ ସିନେମା ଘରେ ୧୪ ଅଗଷ୍ଟ ୨୦୨୬ ରେ ଆସିବାକୁ ଯାଉଅଛି।
ତେବେ କରଣ ଜୋହର, ମହାବୀର ଜୈନ, ଆଦର ପୁନାୱାଲା, ଆପୋର୍ଭା ମେହେଟ୍ଟା, ଶ୍ରୀଦୀପ ସିଂ ଲାମ୍ବା ଏବଂ ସୁଜିତ ଜୈନଙ୍କ ଦ୍ୱାରା ଏହି ଫିଲ୍ମ ନିର୍ମିତ ହୋଇଥିବା ରିପୋର୍ଟରୁ ଜଣାପଡ଼ିଛି।
Comments are closed.