ଭୁବନେଶ୍ୱର: ଜଣେ ବ୍ୟକ୍ତି ଋଣ ଆଦାୟ ଏଜେଣ୍ଟ ଭାବରେ ନିଜକୁ ପରିଚୟ ଦେଇ ଜୋରଜବରଦସ୍ତ ଗାଡି ଛଡାଇ ନେବା ଅଭିଯୋଗରେ ଗିରଫ ହୋଇଛନ୍ତି। ଗାଡି ମାଲିକ କିସ୍ତି ଦେଇଥିଲେ ମଧ୍ୟ ସେ ଜବରଦସ୍ତି ଟାଣି ନେଇଥାନ୍ତି।
ସୂତ୍ର ଅନୁସାରେ ଇଏମଆଇ ଦେବା ପରେ ମଧ୍ୟ ନକଲି ଏଜେଣ୍ଟ ଅତିରିକ୍ତ ଟଙ୍କା ଦାବି କରୁଥିବା ଅଭିଯୋଗ ହୋଇଛି। ଗିରଫ ବ୍ୟକ୍ତି ଦୀପକ ବଳିଆରସିଂ ଏକ ଋଣ ଆଦାୟ-ଏଜେଣ୍ଟ ଗ୍ୟାଙ୍ଗର ମାଷ୍ଟରମାଇଣ୍ଡ ବୋଲି ଅଭିଯୋଗ ହୋଇଛି। ଜଣେ ଗାଡି ମାଲିକଙ୍କ ଅଭିଯୋଗ ପରେ ସହିଦ ନଗର ପୋଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି।
ସୂଚନା ଅନୁଯାୟୀ, ଦୀପକ ମା’ ଭାଗବତୀ ଆସୋସିଏଟ୍ସ ନାମକ ଏକ ଏଜେନ୍ସିରେ ଜଣେ ଆଦାୟ ଏଜେଣ୍ଟ ଭାବରେ କାମ କରୁଥିବା ଜଣାପଡିଛି। ସେ ମଙ୍ଗଳବାର ଦିନ ଏକ ଗାଡି ଉଠାଇ ନେଇଥିବା ଜଣାପଡିଛି ଯାହା ପରେ ଗାଡି ମାଲିକ ସହିଦ ନଗର ପୋଲିସ ଷ୍ଟେସନରେ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଦୀପକଙ୍କୁ ଗିରଫ କରିଛି।
ଦୀପକ ସମାନ ଭାବରେ ଅନେକ ଲୋକଙ୍କୁ ଶୋଷଣ କରିଥିବା ଅଭିଯୋଗ ହୋଇଛି। ପୋଲିସ ତାଙ୍କ କବଜାରୁ ଦୁଇଟି ଗାଡି ଜବତ କରିଛି। ଗ୍ୟାଙ୍ଗର ଅନ୍ୟ ସଦସ୍ୟମାନଙ୍କୁ ଗିରଫ କରିବା ପାଇଁ ଖୋଜା ଚାଲିଛି।
ଅନ୍ୟପକ୍ଷରେ ଅଭିଯୁକ୍ତ ଦାବି କରିଛି ଯେ ସେ ଜୋରଜବରଦସ୍ତ କିଛି କରିନାହାଁନ୍ତି। ସେ ଆହୁରି ମଧ୍ୟ କହିଛନ୍ତି ଯେ ସେ ବ୍ୟାଙ୍କ ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ବ୍ୟାଙ୍କ ତାଙ୍କୁ ଅନୁମତି ଦେବା ପରେ ଗାଡ଼ିଟିକୁ ସଠିକ୍ ଉପାୟରେ ଜବତ କରାଯାଇଥିଲା।