ମାଆ କାଳରାତ୍ରୀଙ୍କ ନିକଟରେ ଦେଶର ସୁଖ ସମୃଦ୍ଧି କାମନା କଲେ ପିଏମ ମୋଦି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚୈତ୍ର ନବରାତ୍ରି ଅବସରରେ ମା କାଳରାତ୍ରୀଙ୍କ ପୂଜା-ଅର୍ଚ୍ଚନା କରି ଦେଶବାସୀଙ୍କ ସୁଖ-ସମୃଦ୍ଧି ପାଇଁ କାମନା କରିଛନ୍ତି। ପ୍ରଧାନମନ୍ତ୍ରୀ ‘ଏକ୍ସ’ରେ ସଂସ୍କୃତ ଶ୍ଲୋକ ସେୟାର କରି ମା କାଳରାତ୍ରୀଙ୍କ ମହିମା ବର୍ଣ୍ଣନା କରିଛନ୍ତି।
ସେ ଲେଖିଛନ୍ତି ଯେ ମା କାଳରାତ୍ରୀଙ୍କ ରୂପ ଭୟକୁ ନାଶ କରୁଥିବା ଓ ସେ ନିଜ ଭକ୍ତମାନଙ୍କୁ ସୁରକ୍ଷା ଦେଇଥାନ୍ତି।
ପ୍ରଧାନମନ୍ତ୍ରୀ ଏହି ଶ୍ଲୋକଟି ସେୟାର କରିଛନ୍ତି— “ବାମପାଦୋଲ୍ଲସଲ୍ଲୋହଲତାକଣ୍ଟକଭୂଷଣା। ବର୍ଧନ୍ମୂର୍ଧଧ୍ୱଜା କୃଷ୍ଣା
କାଳରାତ୍ରିର୍ଭୟଙ୍କରୀ॥”
ଏହାର ଅର୍ଥ ହେଉଛି ଯେ ମା କାଳରାତ୍ରୀଙ୍କ ରୂପ ଅତ୍ୟନ୍ତ ଭୟଙ୍କର ଓ ପ୍ରଭାବଶାଳୀ। ତାଙ୍କ ବାମ ପାଦରେ ଚମକୁଥିବା ଲୋହାର ଶୃଙ୍ଖଳ ଓ କାଣ୍ଟା ସଦୃଶ ଆଭୂଷଣ ଶୋଭା ପାଉଛି। ତାଙ୍କ ମୁଣ୍ଡରେ ଉଚ୍ଚ ଧ୍ୱଜ ବିରାଜମାନ ଅଛି ଏବଂ ତାଙ୍କର ବର୍ଣ୍ଣ କୃଷ୍ଣ (ଅତ୍ୟନ୍ତ କଳା) ଅଟେ। ସେ ଦେଖିବାକୁ ଭୟଙ୍କର ଲାଗୁଥିବା ସତ୍ତ୍ୱେ ମଧ୍ୟ ନିଜ
ଭକ୍ତମାନଙ୍କ ସମସ୍ତ ଭୟ ଓ ସଙ୍କଟକୁ ଦୂର କରୁଥିବା ମାତୃଶକ୍ତି ଅଟନ୍ତି।