ହର୍ମୁଜ ଉପରେ ଯୁଦ୍ଧ… ଇରାନର ବାୟୁ ପ୍ରତିରକ୍ଷା, ରାଡାର ସାଇଟ୍ସ ଉପରେ ଆମେରିକାର ବୋମା ବର୍ଷା  

ନୂଆଦିଲ୍ଲୀ: ଓମାନ ଉପକୂଳରେ ଆମେରିକୀୟ ସେନାର ଏକ ଆପାଚି ହେଲିକପ୍ଟରକୁ ଖସାଇବା ଅଭିଯୋଗ ପରେ ଆମେରିକା ଏବଂ ଇରାନ ମଧ୍ୟରେ ଯୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିର୍ଦ୍ଦେଶରେ, ଆମେରିକାର କେନ୍ଦ୍ରୀୟ କମାଣ୍ଡ ଇରାନ ବିରୁଦ୍ଧରେ ଏକ ସାମରିକ ଆକ୍ରମଣ ଆରମ୍ଭ କରିଛି।

ଆମେରିକାର କେନ୍ଦ୍ରୀୟ କମାଣ୍ଡରଙ୍କ ଏକ ବିବୃତ୍ତି ଅନୁଯାୟୀ, ଓମାନ ଉପକୂଳରେ ଆମେରିକୀୟ ସେନାର ଏକ ଆପାଚି ହେଲିକପ୍ଟରକୁ ଖସାଇ ଦେଇଛି ଇରାନ। ଯାହାର ଜବାବରେ ଆମେରିକା ଇରାନ ଉପରେ ଆକ୍ରମଣ କରିଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରତିଶୋଧକୁ “ଅତ୍ୟନ୍ତ ଶକ୍ତିଶାଳୀ” ବୋଲି ବର୍ଣ୍ଣନା କରିଛନ୍ତି।

ସୋସିଆଲ ମିଡିଆରେ ପ୍ରକାଶିତ ଏକ ବିବୃତ୍ତିରେ, ଆମେରିକାର କେନ୍ଦ୍ରୀୟ କମାଣ୍ଡ କହିଛି ଯେ ଏହି ଆକ୍ରମଣ “ଇରାନର ଅଯଥା ଆକ୍ରମଣର ଉପଯୁକ୍ତ ଜବାବ” ହେବ।

ଅପରପକ୍ଷରେ ହେଲିକପ୍ଟର ଖସାଇ ଦେବା ପାଇଁ ଇରାନକୁ ଟ୍ରମ୍ପ ଦାୟୀ କରିବା ଏବଂ ଆମେରିକାର ପ୍ରତିଶୋଧର ଧମକ ଦେବା ପରେ ଏହି ଘଟଣା ଘଟିଛି।