Iran War: ସକାଳୁ ସକାଳୁ ବଡ ଦାବି କରିଦେଲେ ଟ୍ରମ୍ପ, “ତେହେରାନ ଆଉ ଚାହୁଁନାହିଁ ପରମାଣୁ ଅସ୍ତ୍ର, ଆଜି ଯୁଦ୍ଧ ଶେଷ”…

ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଫେବୃଆରୀ ମାସରୁ ଲାଗି ରହିଥିବା ଉତ୍ତେଜନା ଆଜି ଶେଷ ହୋଇପାରେ। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ସହିତ ଶାନ୍ତି ଚୁକ୍ତି ସମ୍ପର୍କରେ ଏକ ବଡ଼ ଘୋଷଣା କରିଛନ୍ତି। ଟ୍ରମ୍ପ କହିଛନ୍ତି ଯେ ଇରାନ ସହିତ ଶାନ୍ତି ଚୁକ୍ତି ଆଜି ସ୍ୱାକ୍ଷରିତ ହେବ। ଏହାପରେ ହର୍ମୁଜ୍ ପ୍ରଣାଳୀ ତୁରନ୍ତ ଖୋଲିବ।

ଆଉ ସବୁଠୁ ବଡ ଚମକାଇ ଦେଲା ଭଳି ଦାବି ହେଉଛି ଯେ, ଟ୍ରମ୍ପ ଦୃଢୋକ୍ତି ବାଢିଛନ୍ତି, ଯେ ପରିସ୍ଥିତି ସ୍ୱାଭାବିକ ହେବା ପରେ, ଆମେରିକା ସିଧା ପରମାଣୁ ଧୂଳି ହାସଲ କରିବାକୁ ଇରାନ ଯିବ, ଆଉ ଏଥିପାଇଁ ଇରାନରୁ କାଳେ ସବୁଜ ସଙ୍କେତ ମିଳିଛି । ଟ୍ରମ୍ପ ଦାବି କରିଥିଲେ ଯେ ଇରାନ ଆଉ ପରମାଣୁ ଅସ୍ତ୍ର ଚାହେଁ ନାହିଁ, କିମ୍ବା ସେଗୁଡ଼ିକୁ କ୍ରୟ, ଉତ୍ପାଦନ କିମ୍ବା ଅନ୍ୟ କୌଣସି ଉପାୟରେ ପାଇବ ନାହିଁ।

ସେ ଆହୁରି ମଧ୍ୟ ଦାବି କରିଛନ୍ତି ଯେ ଇରାନ ଯୁଦ୍ଧ ଆଜି ଚୁକ୍ତି ସ୍ୱାକ୍ଷରିତ ହେବାକୁ ଯାଉଛି, ଏବଂ ଏହା ସ୍ୱାକ୍ଷରିତ ହେବା ମାତ୍ରେ, ହରମୁଜ୍ ପ୍ରଣାଳୀ ସମସ୍ତଙ୍କ ପାଇଁ ଖୋଲିଯିବ। ଇରାନ ସହିତ ଆମର ସମ୍ପର୍କ ପୂର୍ବ ସରକାରଗୁଡ଼ିକ ଅପେକ୍ଷା ବହୁତ ଭିନ୍ନ ଏବଂ ଭଲ। ଓବାମା ସେମାନଙ୍କୁ ଦେଇଥିବା କୋଟି କୋଟି ଡଲାର ପରି, ଯେଉଁଥିରେ ୧.୭ ବିଲିୟନ ଡଲାର ନଗଦ ଅନ୍ତର୍ଭୁକ୍ତ, ବର୍ତ୍ତମାନ କୌଣସି ଆର୍ଥିକ ବିନିମୟ ହେବ ନାହିଁ।

ଇରାନ ଚୁକ୍ତି ବିଷୟରେ ଏକ ସାହସିକ ଦାବି କରି, ଟ୍ରମ୍ପ ଟ୍ରୁଥ୍ ସୋସିଆଲରେ ଲେଖିଛନ୍ତି ଯେ ଇରାନ ସହିତ ବାରାକ ଓବାମାଙ୍କ ଚୁକ୍ତି, JCPOA, ପରମାଣୁ ଅସ୍ତ୍ର ହାସଲ କରିବାର ଏକ ସହଜ, ଉଜ୍ଜ୍ୱଳ ଏବଂ ସରଳ ପଥ ଥିଲା। ଯଦି ସେହି ଚୁକ୍ତି ରହିଥାନ୍ତା, ତେବେ ଇରାନ ଛଅ ବର୍ଷ ପୂର୍ବରୁ ପରମାଣୁ ଅସ୍ତ୍ର ହାସଲ କରିଥାନ୍ତା ଏବଂ ବର୍ତ୍ତମାନ ସୁଦ୍ଧା ସେଗୁଡ଼ିକୁ ବ୍ୟବହାର କରିଥାନ୍ତା। ଇରାନ ସହିତ ମୋର ଚୁକ୍ତି ଠିକ୍ ବିପରୀତ। ଏହା ପରମାଣୁ ଅସ୍ତ୍ରର ଅନୁପସ୍ଥିତିର ଦୃଢ଼ ଗ୍ୟାରେଣ୍ଟି ପ୍ରଦାନ କରେ। ପ୍ରକୃତରେ, ସେମାନେ ଆଉ ପରମାଣୁ ଅସ୍ତ୍ର ଚାହାଁନ୍ତି ନାହିଁ, କିମ୍ବା କ୍ରୟ, ନିର୍ମାଣ କିମ୍ବା ଅନ୍ୟ କୌଣସି ଉପାୟରେ ସେଗୁଡ଼ିକୁ ହାସଲ କରିବେ ନାହିଁ।

ଟ୍ରମ୍ପ୍ ଏହା ମଧ୍ୟ ଦାବି କରିଛନ୍ତି ଯେ ଇରାନର ପରମାଣୁ କାର୍ଯ୍ୟକ୍ରମକୁ ପ୍ରଭାବଶାଳୀ ଭାବରେ ନିଷ୍କ୍ରିୟ କରାଯାଇଛି। ଅବଶିଷ୍ଟ ପରମାଣୁ ସାମଗ୍ରୀ ପରେ ନିଷ୍କାସନ କରାଯିବ। ସେ କହିଛନ୍ତି, “ସଠିକ ସମୟରେ, ଯେତେବେଳେ ସବୁକିଛି ଶାନ୍ତ ହେବ, ଆମେ ଆମର ଚମତ୍କାର B-2 ବୋମାବର୍ଷୀ ବିମାନ ଏବଂ ସେମାନଙ୍କର ସର୍ବୋତ୍ତମ ପାଇଲଟଙ୍କ ସହାୟତାରେ ଭିତରକୁ ଯିବୁ ଏବଂ ପର୍ବତମାଳାରେ ପୋତାଯାଇଥିବା ପରମାଣୁ ସାମଗ୍ରୀ ବାହାର କରିବୁ। ଏହା ପରେ, ଆମେ ଏହାକୁ ପ୍ରକ୍ରିୟାକରଣ କରି ଇରାନ କିମ୍ବା ଆମେରିକାର ଯେକୌଣସି ସ୍ଥାନରେ ନଷ୍ଟ କରିଦେବୁ।”

ପୂର୍ବରୁ, ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ କହିଥିଲେ ଯେ ଆସନ୍ତା ୨୪ ଘଣ୍ଟା ମଧ୍ୟରେ ଆମେରିକା-ଇରାନ ଶାନ୍ତି ଚୁକ୍ତି ଚୂଡ଼ାନ୍ତ ହୋଇପାରେ। ଏବେ, ଟ୍ରମ୍ପ୍ ଏହା ମଧ୍ୟ କହିଛନ୍ତି ଯେ ଦୁଇ ଦେଶ ରବିବାର ଚୁକ୍ତି ସ୍ୱାକ୍ଷର କରିବେ।