Indian sailor’s death in Venezuela:ମସ୍ତିଷ୍କ,ହୃଦୟ,ଫୁସଫୁସ ନାହିଁ: ଭେନେଜୁଏଲାରୁ ଫେରିଥିବା ଭାରତୀୟ ନାବିକଙ୍କ ଶରୀରରୁ ଅଙ୍ଗ ଗାଏବ

ନୂଆଦିଲ୍ଲୀ: ଭେନେଜୁଏଲାରେ ମୃତ ଘୋଷିତ ଜଣେ ଭାରତୀୟ ନାବିକଙ୍କ ଶରୀରରୁ ଆଭ୍ୟନ୍ତରୀଣ ଅଙ୍ଗ ଗାଏବ ହେବା ଏକ ଗମ୍ଭୀର ମାମଲା ସାମ୍ନାକୁ ଆସୁଛି । ଭେନେଜୁଏଲାରେ ଡ୍ୟୁଟି ସମୟରେ ପ୍ରାଣ ହରେଇଥିଲେ ଭାରତୀୟ ନାବିକ ରାକେଶ ଚୌହାନ । ରିପୋର୍ଟ ଅନୁଯାୟୀ ମୃତଦେହରେ ମସ୍ତିଷ୍କ, ହୃଦୟ, ଫୁସଫୁସ ଏବଂ ଯକୃତ ସମେତ ଅନେକ ଆଭ୍ୟନ୍ତରୀଣ ଅଙ୍ଗ ନିଖୋଜ ଥିବା ଜଣାପଡ଼ିଛି। ମୃତଦେହ ଭାରତରେ ପହଞ୍ଚିବା ପରେ ପୁଣିଥରେ ପୋଷ୍ଟମର୍ଟମ ପରୀକ୍ଷା ସମୟରେ ଏହି କଥା ପ୍ରକାଶ ପାଇବା ପରେ, ପରିବାର ଏହି ଘଟଣାର ନିରପେକ୍ଷ ତଦନ୍ତ ଦାବି କରିଛନ୍ତି। ଫେଡେରେସନ ଅଫ୍ ସିଫେରର୍ସ ୟୁନିଅନ୍ ଅଫ୍ ଇଣ୍ଡିଆ (FSUI) ଘଟଣା ସମ୍ପର୍କରେ ଗମ୍ଭୀର ପ୍ରଶ୍ନ ଉଠାଇଛି ଏବଂ ଭେନେଜୁଏଲ କର୍ତ୍ତୃପକ୍ଷ ଏବଂ ଭାରତୀୟ ଦୂତାବାସ ଦ୍ୱାରା ତୁରନ୍ତ ତଦନ୍ତ ଦାବି କରିଛି।

୩୩ ବର୍ଷୀୟ ରାକେଶ ଚୌହାନଙ୍କ ପରିବାର ଅଭିଯୋଗ କରିଛନ୍ତି ଯେ ତାଙ୍କ ଶରୀରରୁ ମସ୍ତିଷ୍କ, ହୃଦୟ ଏବଂ ଫୁସଫୁସ ସମେତ ଅନେକ ଅଙ୍ଗ ଗାଏବ ହୋଇଯାଇଛି। ଏହା ପରେ, ଫେଡେରେସନ ଅଫ୍ ସିଫେରର୍ସ ୟୁନିଅନ୍ସ ଅଫ୍ ଇଣ୍ଡିଆ (FSUI) ଏହି ଘଟଣାର ପୁଙ୍ଖାନୁପୁଙ୍ଖ ତଦନ୍ତ ଦାବି କରିଛି। FSUI ନିଜର X ଆକାଉଣ୍ଟରେ କହିଛି ଯେ ଚୌହାନଙ୍କ ମୃତଦେହକୁ ପୋଷ୍ଟମର୍ଟମ ରିପୋର୍ଟ କିମ୍ବା ଭେନେଜୁଏଲା କର୍ତ୍ତୃପକ୍ଷଙ୍କ କୌଣସି ସୂଚନା ବିନା ତାଙ୍କ ଜନ୍ମସ୍ଥାନ ଉତ୍ତର ପ୍ରଦେଶର ଦେଓରିଆକୁ ପଠାଯାଇଥିଲା।

⚠️ SHOCKING CASE — Indian Seafarer #RakeshChauhan reported dead in #Venezuela.
Mortal remains sent back to his hometown in Uttar Pradesh without any autopsy report or details from Venezuelan authorities.
Family demanded re-autopsy. The official Post-Mortem Report conducted in… pic.twitter.com/4dGSZtPEfp

— FSUI (@FSUIINDIA) June 30, 2026

ପରିବାର ଦ୍ୱିତୀୟ ପୋଷ୍ଟମର୍ଟମ୍ ଦାବି କରିଥିଲେ। ସଂଗଠନ ଲେଖିଥିଲା, “ଭାରତରେ କରାଯାଇଥିବା ସରକାରୀ ପୋଷ୍ଟମର୍ଟମ୍ ସମୟରେ ଗୋଟିଏ ବି ଅଙ୍ଗ ମିଳିଲା ନାହିଁ। ମସ୍ତିଷ୍କ, ହୃଦୟ, ଉଭୟ ଫୁସଫୁସ, ଯକୃତ, ବୃକକ୍, ଅଗ୍ନାଶୟ, ପେଟ ଏବଂ ଅନ୍ତନଳୀ, ଥାଇରଏଡ୍, ହାଇଏଡ୍, ସ୍ୱରଯନ୍ତ୍ର ଏବଂ ଶ୍ୱାସନଳୀ – ସବୁକିଛି ଗାୟବ ଥିଲା।” ପୋଷ୍ଟରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ ବେକରୁ ପବ୍ବିକ୍ ଯାଏଁ ୨୨ଟି ଷ୍ଟିଚ୍ ଏବଂ ଗୋଟିଏ କାନରୁ ଅନ୍ୟ କାନକୁ ୨୧ଟି ଷ୍ଟିଚ୍ ପୂର୍ବରୁ ଶରୀରରେ ଉପସ୍ଥିତ ଥିଲା। ଶରୀରରେ ପ୍ରାରମ୍ଭିକ ଭାବରେ କୌଣସି ଆଘାତର ଚିହ୍ନ ନଥିଲା। ଶରୀରକୁ ପ୍ରାୟ ଗୋଟିଏ ମାସ ଧରି ଏକ ଡିପ୍ ଫ୍ରିଜରରେ ରଖାଯାଇଥିଲା। ସମସ୍ତ ଅଙ୍ଗ ନ ଥିବାରୁ, ମୃତ୍ୟୁର ପ୍ରକୃତ କାରଣ ଜଣାପଡି ନାହିଁ ।

୩୩ ବର୍ଷୀୟ ରାକେଶ ଚୌହାନ ମୂଳତଃ ଉତ୍ତର ପ୍ରଦେଶର ଦେଓରିଆ ଜିଲ୍ଲାର ବାସିନ୍ଦା ଥିଲେ ଏବଂ ତାଙ୍କ ପରିବାର ସହିତ ମୁମ୍ବାଇରେ ରହୁଥିଲେ। ସେ ନଭେମ୍ବର ୨୦୨୫ରେ ମର୍ଚ୍ଚାଣ୍ଟ ନେଭିରେ ଯୋଗ ଦେଇଥିଲେ ଏବଂ ଭେନେଜୁଏଲାରେ ଜଣେ ସାମୁଦ୍ରିକ ଫିଟର ଭାବରେ କାମ କରୁଥିଲେ।

ତାଙ୍କ ପରିବାର ଅନୁଯାୟୀ, କମ୍ପାନୀ ସେମାନଙ୍କୁ ମେ ୭ ତାରିଖରେ ଜଣାଇଥିଲା ଯେ ଜାହାଜରେ ରାକେଶ ମୁଣ୍ଡ ବୁଲାଇବା କରାଣରୁ ପଡିଯାଇଥିଲେ ଏବଂ ଗୁରୁତର ଆହତ ହୋଇଛନ୍ତି। ପରଦିନ ତାଙ୍କ ଅବସ୍ଥା ଅତ୍ୟନ୍ତ ସଙ୍କଟଜନକ ବୋଲି ରିପୋର୍ଟ କରାଯାଇଥିଲା ଏବଂ ପରେ କମ୍ପାନୀ ତାଙ୍କୁ ମୃତ୍ୟୁ ଘୋଷଣା କରିଥିଲା। କମ୍ପାନୀ ଦାବି କରିଥିଲା ​​ଯେ ପଡ଼ିଯିବା ପରେ ଚିକିତ୍ସା ଚାଲିଥିବା ସମୟରେ ତାଙ୍କୁ ହୃଦଘାତ ହୋଇଥିଲା, ଯାହା ଫଳରେ ତାଙ୍କର ମୃତ୍ୟୁ ହୋଇଥିଲା।

କିନ୍ତୁ ପ୍ରାୟ ଗୋଟିଏ ମାସ ପରେ ଯେତେବେଳେ ମୃତଦେହ ଭାରତରେ ପହଞ୍ଚିଲା ଏବଂ ଦ୍ୱିତୀୟ ପୋଷ୍ଟମର୍ଟମ କରାଗଲା, ପରିବାର ଅଭିଯୋଗ କଲେ ଯେ ମସ୍ତିଷ୍କ, ହୃଦୟ, ଫୁସଫୁସ ଏବଂ ଯକୃତ ସମେତ ଅନେକ ଗୁରୁତ୍ୱପୂର୍ଣ୍ଣ ଆଭ୍ୟନ୍ତରୀଣ ଅଙ୍ଗ ନିଖୋଜ ଥିଲା। ଏହା ପରେ ମାମଲାଟି ଏକ ଗମ୍ଭୀର ମୋଡ଼ ନେଇଛି।

ରାକେଶଙ୍କ ବାପା ରାମଦେବ ଚୌହାନ ଅଭିଯୋଗ କରିଛନ୍ତି ଯେ ପରିବାରକୁ ସମ୍ପୂର୍ଣ୍ଣ ଘଟଣା ବିଷୟରେ ଅନ୍ଧାରରେ ରଖାଯାଇଥିଲା। ସେ କହିଛନ୍ତି ଯେ ପୂର୍ବରୁ ହୋଇଥିବା ପୋଷ୍ଟମର୍ଟମର ରିପୋର୍ଟ କିମ୍ବା କୌଣସି ସରକାରୀ କାଗଜପତ୍ର ସେମାନଙ୍କୁ ଉପଲବ୍ଧ କରାଯାଇ ନାହିଁ। ସେ କେନ୍ଦ୍ର ଏବଂ ରାଜ୍ୟ ସରକାରଙ୍କ ଦ୍ୱାରା ଏହି ଘଟଣାର ନିରପେକ୍ଷ ତଦନ୍ତ, ସମ୍ପୃକ୍ତ କମ୍ପାନୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ଏବଂ ଦାୟୀ ଲୋକଙ୍କୁ କଠୋର ଦଣ୍ଡ ଦାବି କରିଛନ୍ତି।

FSUI ଦାବି କରିଛି ଯେ ଭାରତୀୟ ଦୂତାବାସ ତୁରନ୍ତ ହସ୍ତକ୍ଷେପ କରି ପରିବାର ପାଇଁ ନ୍ୟାୟ ଏବଂ କ୍ଷତିପୂରଣ ସୁନିଶ୍ଚିତ କରନ୍ତୁ। ସାଧାରଣତଃ ପ୍ରାରମ୍ଭିକ ପୋଷ୍ଟମର୍ଟମ୍ ପରୀକ୍ଷା ସମୟରେ ହୃଦୟ ଏବଂ କିଡନୀ ଭଳି ଅଙ୍ଗଗୁଡ଼ିକୁ ବାହାର କରାଯାଏ; କିନ୍ତୁ, ଏହି କ୍ଷେତ୍ରରେ, ଭେନେଜୁଏଲା କର୍ତ୍ତୃପକ୍ଷ କିମ୍ବା କମ୍ପାନୀ ମୃତ୍ୟୁର କାରଣ ସମ୍ପର୍କରେ ସ୍ପଷ୍ଟ ସୂଚନା ପ୍ରଦାନ କରିନାହାଁନ୍ତି।