ଅଙ୍ଗଦାନ କରି ଅମର ୭ ବର୍ଷୀୟ ବାଳକ: ଛୋଟ ପିଲା ଦାନ କରିପାରିବେ କି ଅଙ୍ଗ, କ’ଣ ରହିଛି ପ୍ରକ୍ରିୟା ?

ଚେନ୍ନାଇ: ବାପା ମାଆଙ୍କ କୋଳରେ ଖେଳୁଥିଲା। ଦୁଷ୍ଟାମୀ କରୁଥିଲା। ଅଳି ଅଝଟ କରୁଥିଲା। ଭଲ ପାଠ ପଢାଇବାକୁ ନେଇ ବାପା ମାଆ ମଧ୍ୟ ସ୍ୱପ୍ନ ଦେଖିବା ଆରମ୍ଭ କରିଥିଲେ। ମାତ୍ର ଅଧାରେ ରହିଗଲା ବାପା ମାଆଙ୍କ ସ୍ୱପ୍ନ। ଆଖି ବୁଜିଦେଲା ୭ ବର୍ଷର ନିଷ୍ପାପ ଶିଶୁ ଲୋକିନେନି ଯଶୱନ। ଏକ ସଡ଼କ ଦୁର୍ଘଟଣାରେ ବାପା ମାଆଙ୍କ ଠାରୁ ଛଡେଇ ନେଲା ନିରୀହ ଶିଶୁର ଜୀବନ। ଆତ୍ମହରା ହୋଇପଡିଲେ ବାପା ମାଆ। ଭାଙ୍ଗିପଡ଼ିଲା ପୂରା ପରିବାର। ହେଲେ ବାପା ମାଆ ଲୋକିନେନିଙ୍କ ସ୍ମୃତିକୁ ସାଇତି ରଖିବା ପାଇଁ ତାର ଅଙ୍ଗ ଦାନ କରିଛନ୍ତି। ଏବେ ମୃତ୍ୟୁ ପରେ ବି ସେ ଅମର।

ହାଇଦ୍ରାବାଦର ତିରୁମାଲାଗିରି ଜିଲ୍ଲାର ମୂଳ ବାସିନ୍ଦା ଲୋକିନେନି ଯଶୱନ ତିରୁନେଲଭେଲି ଜିଲ୍ଲାର ରାଧାପୁରମ ତାଲୁକରେ ରହୁଥିଲେ। ସେ ଜୁନ ୨୯ ତାରିଖ ରାତିରେ ଅନୁବିଜୟ ଟାଉନସିପରେ ସାଇକେଲରେ ରାସ୍ତା ପାର ହେଉଥିବା ସମୟରେ ଏକ ଆମ୍ବୁଲାନ୍ସ ତାଙ୍କୁ ଧକ୍କା ଦେଇଥିଲା। ଫଳରେ ଶିଶୁଟି ଗୁରୁତର ହୋଇଯାଇଥିଲା। ତାକୁ ଥିରୁବନନ୍ତପୁରମର କିମଶ୍ ହେଲ୍ଥରେ ଭର୍ତ୍ତି କରାଇଥିଲେ। ଜୁଲାଇ ୫ ତାରିଖରେ ତାଙ୍କର ବ୍ରେନ ଡେଡ ହେଲା। ଶିଶୁଟିର ମୃତ୍ୟ ହେବା ପରେ ତାଙ୍କ ପିତାମାତା ତାଙ୍କ ଅଙ୍ଗ ଦାନ କରିବାକୁ ଇଚ୍ଛୁକତା ପ୍ରକାଶ କରିଥିଲେ। ଏହି ସାତ ବର୍ଷର ବାଳକର ଅଙ୍ଗଦାନ ଛଅ ଜଣଙ୍କୁ ନୂତନ ଜୀବନ ଦେଇଛି। ସାତ ବର୍ଷର ବାଳକ ଲୋକିନେନି ଯଶୱାନଙ୍କ କାହାଣୀ ସାରା ଦେଶର ଲୋକଙ୍କ ହୃଦୟକୁ ଛୁଇଁଛି।

ଅଙ୍ଗଦାନ କରି ଲୋକିନେନି ସମସ୍ତଙ୍କ ପାଇଁ ଉଦାହରଣ ସାଜିଛନ୍ତି। ତେବେ ଏଠାରେ ପ୍ରଶ୍ନ ଉଠୁଛୁ ଯେ କୌଣସି ଛୋଟ ପିଲା କେବେ ଅଙ୍ଗ ଦାନ କରିପାରିବେ କି ଏବଂ ଶିଶୁର ଅଙ୍ଗ ଗ୍ରହଣ ପାଇଁ କୌଣସି ବୟସ ସୀମା ଅଛି କି?
ଏହି ସାତ ବର୍ଷର ଶିଶୁ ଦ୍ୱାରା ଦାନ କରାଯାଇଥିବା ଅଙ୍ଗ କେବଳ ପିଲାମାନଙ୍କ ଶରୀରରେ ପ୍ରତିରୋପଣ କରାଯାଇପାରିବ, ନା ବୟସ୍କମାନେ ମଧ୍ୟ ଏହାକୁ ଗ୍ରହଣ କରିପାରିବେ।

ସାତ ବର୍ଷର ଶିଶୁ ଦ୍ୱାରା ଦାନ କରାଯାଇଥିବା ଅଙ୍ଗ ଯେକୌଣସି ବୟସର ରୋଗୀଙ୍କ ଶରୀରରେ ପ୍ରତିରୋପଣ କରାଯାଇପାରିବ। କିନ୍ତୁ ଏଠାରେ ଏକମାତ୍ର ସର୍ତ୍ତ ହେଉଛି ବ୍ଲଡ ଗ୍ରୁପ, ଟିସୁ ପ୍ରକାର ଏବଂ ଶରୀର ଆକାର ମେଳ ଖାଉଥିବା ନିହାତି ଆବଶ୍ୟକ। ନ୍ୟାଶନାଲ ଅର୍ଗନା ଆଣ୍ଡ ଟିସୁ ଟ୍ରାନ୍ସପ୍ଲାଣ୍ଟ ଅର୍ଗାନାଇଜେଶନର ନିର୍ଦ୍ଦେଶାବଳୀ ଅନୁଯାୟୀ, ଅଙ୍ଗ ଦାତାଙ୍କ ପାଇଁ ସର୍ବାଧିକ ୬୫ ବର୍ଷ ବୟସ ସୀମା ଥିଲା ତାହାକୁ ହଟାଇ ଦିଆଯାଇଛି।

କେଉଁ ରୋଗୀମାନେ ପିଲାମାନଙ୍କ ଅଙ୍ଗ ଗ୍ରହଣ କରିପାରିବେ?

ଅଙ୍ଗର ପ୍ରକାର ମୁଖ୍ୟତଃ କିଏ ଏହାକୁ ଗ୍ରହଣ କରିପାରିବ ତାହା ନିର୍ଣ୍ଣୟ କରେ। ୭ ବର୍ଷର ପିଲାର ହାର୍ଟ, ଫୁସଫୁସ ଏବଂ ଲିଭର ଭଳି ଛୋଟ ଅଙ୍ଗଗୁଡ଼ିକ ସାଧାରଣତଃ ସମାନ ବୟସ କିମ୍ବା ଶରୀର ଆକାରର ପିଲାମାନଙ୍କ ସହିତ ମେଳ ଖିଆଯାଇଥାଏ। ତଥାପି, କିଛି ଅଙ୍ଗ ମଧ୍ୟ ବୟସ୍କଙ୍କଠାରେ ପ୍ରତିରୋପଣ କରାଯାଇପାରିବ। ଏକ ଛୋଟ ପିଲାର ଉଭୟ କିଡଣୀ ଏକକାଳୀନ ଜଣେ ବୟସ୍କଙ୍କଠାରେ ପ୍ରତିରୋପଣ କରାଯାଇପାରିବ, ଯେଉଁଠାରେ ସେମାନେ ସାଧାରଣ ଭାବରେ ବଢ଼ିପାରିବେ ଏବଂ କାର୍ଯ୍ୟ କରିପାରିବେ। କିଛି କ୍ଷେତ୍ରରେ, ଏକ ପିଲାର ଲିଭର, କିମ୍ବା ଏହାର ଏକ ଅଂଶ, ବିଶେଷ ଚିକିତ୍ସା କୌଶଳ ବ୍ୟବହାର କରି ଏକ ଛୋଟ ଶରୀର ଆକାରର ବ୍ୟକ୍ତିଠାରେ ପ୍ରତିରୋପଣ କରାଯାଇପାରିବ।

ଗୋଟିଏ ଲୋକର ଶରୀରରୁ ଅତି କମରେ ୮ରୁ ୧୦ ଜଣ ଲୋକଙ୍କୁ ଜୀବନ ଦାନ ଦେଇପାରିବେ। ହାର୍ଟ, ଲିଭର, ଫୁସଫୁସ, ଦୁଇଟି କିଡନୀ, ଆଖି ଦାନ କରିପାରିବେ। ଯାହା ଫଳରେ ସେହି ଲୋକଙ୍କ ଭିତର ଦେଇ ବର୍ଷ ବର୍ଷ ପର୍ଯ୍ୟନ୍ତ ଜୀବନ୍ତ ରହିପାରିବେ।

ରୋଗୀଙ୍କୁ ବ୍ରେନ ଡେଡ ଘୋଷଣା କରାଯିବା ପରେ ହିଁ ଅଙ୍ଗ ଦାନ କରାଯାଇପାରିବ। ସରକାରୀ ନିୟମ ଅନୁଯାୟୀ, ଡାକ୍ତରଙ୍କ ଏକ ସ୍ୱତନ୍ତ୍ର ପ୍ୟାନେଲ୍ ଛଅ ଘଣ୍ଟା ବ୍ୟବଧାନରେ ଦୁଇଟି ପୃଥକ ମସ୍ତିଷ୍କ କାର୍ଯ୍ୟ ପରୀକ୍ଷା କରନ୍ତି। ବ୍ରେନ ଡେଡ ନିଶ୍ଚିତ ହେବା ପରେ ହିଁ ଏକ ମୃତ୍ୟୁ ପ୍ରମାଣପତ୍ର ପ୍ରଦାନ କରାଯାଏ।

ଯେହେତୁ ଏହି କ୍ଷେତ୍ରରେ ଦାତା ଜଣେ ନାବାଳକ, ତେଣୁ ପିତାମାତା କିମ୍ବା ଆଇନଗତ ଅଭିଭାବକଙ୍କ ଲିଖିତ ସମ୍ମତି ଆବଶ୍ୟକ। ପରିବାରର ଅନୁମୋଦନ ବିନା ହସ୍ପିଟାଲ ପ୍ରକ୍ରିୟା ଆରମ୍ଭ କରିପାରିବ ନାହିଁ।

ସମ୍ମତି ପାଇବା ପରେ, ହସ୍ପିଟାଲ ଜାତୀୟ ଅଙ୍ଗ ଏବଂ ଟିସୁ ପ୍ରତିରୋପଣ ସଂଗଠନକୁ ସୂଚିତ କରେ। ଏହା ସବୁଠାରୁ ଉପଯୁକ୍ତ ଗ୍ରହୀତାଙ୍କୁ ଚିହ୍ନଟ କରିବା ପାଇଁ ଏକ ଜାତୀୟ ପ୍ରତୀକ୍ଷା ତାଲିକା ବ୍ୟବହାର କରେ। ପ୍ରତିରୋପଣର ସର୍ବୋତ୍ତମ ଫଳାଫଳ ସୁନିଶ୍ଚିତ କରିବା ପାଇଁ ବ୍ଲଡ ଗ୍ରୁପ, ଟିସୁ କ୍ଷମତା ଏବଂ ରୋଗୀଙ୍କ ସ୍ୱାସ୍ଥ୍ୟ ଅବସ୍ଥା ଉପରେ ଚୟନ କରାଯାଏ।

ଅଙ୍ଗ ଦାନ ଭଳି ମହତ୍ୱପୂର୍ଣ୍ଣ କାର୍ଯ୍ୟ କରିବା ଦ୍ୱାରା ଜୀବନ ସାର୍ଥକ ହୋଇଥାଏ । ଦାନ କରାଯାଇଥିବା ଅଙ୍ଗ କାହାର ଜୀବନ ମଧ୍ୟ ପରିବର୍ତ୍ତନ ହୋଇପାରେ।