ଦିଲ୍ଲୀରେ ପ୍ରଦୂଷଣ ବୋର୍ଡର ପଲ୍ୟୁଟେଡ୍ ଏୟାର ସଫା ଉଦ୍ୟମ, ଜାଣିବା କାହିଁକି ସର୍ବାଧିକ ଏକ୍ୟୁଆଇ ୫୦୦ରେ ସୀମିତ ?

ନୂଆଦିଲ୍ଲୀ: ଗତ କିଛିଦିନ ଧରି ଦିଲ୍ଲୀରେ ଏକ୍ୟୁଆଇ ସଂଖ୍ୟା ବିଷୟରେ ବହୁତ ଆଲୋଚନା ଏବଂ ଯାଂଚ ଆରମ୍ଭ ହୋଇଛି । ଦୀପାବଳିରେ କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସମୀର ଆପ୍ ଗମ୍ଭୀର ବର୍ଗରେ ପ୍ରାୟ ୪ଶହ ଥିବା ସଂଖ୍ୟା ଦେଖାଇଥିଲେ । ୱେବସାଇଟ୍ ଓ ଘରୋଇ ଆପ୍ ହଜାରେ ଉପରେ ଏକ୍ୟୁଆଇ ସଂଖ୍ୟା ଦେଖାଉଛି । ସଙ୍ଗେ ସଙ୍ଗେ ଉଭୟ ଡାଟା ମେଳ କରି ଯୁବପିଢୀ ସରକାରୀ ସଂଖ୍ୟା ଅସ୍ପଷ୍ଟ ଥିବା ନେଇ ସମାଲୋଚନା କରିଥିଲେ । ଯେଉଁଥିରେ ସିପିସିବି ଏବେ ନୀରବତା ଭଙ୍ଗ କରିଛିା ଭାରତୀୟ ଜାତୀୟ ବାୟୁ ଗୁଣବତ୍ତା ସୂଚକାଙ୍କ ଢାଂଚାର ମୂଳ ଯତ୍ନ, ଡିଜାଇନ ପଦ୍ଧତି ଓ ଆନ୍ତର୍ଜାତୀୟ ସଂରଚନା ଉପରେ ସ୍ପଷ୍ଟୀକରଣ ଦେଇଛି ।

ଲୋକଙ୍କ ବୁଝିବା ପାଇଁ ସହଜ ଶବ୍ଦରେ ବାୟୁ ଗୁଣବତ୍ତା ସ୍ଥିତିରେ ସମ୍ଭାବ୍ୟ ସ୍ୱାସ୍ଥ୍ୟ ପ୍ରଭାବ ଜଣାଇବାକୁ ଡିଜାଇନ ହୋଇଥିବା ଏକ ସୂଚକ ସ୍କେଲ୍ ହେଉଛି ଏକ୍ୟୁଆଇ । ଏନଏକ୍ୟୁଆଇ ମଡେଲଟି ଲୋକଙ୍କ ଅନୁଭବ ଠାରୁ ପରିସ୍ଥିତି ଭିନ୍ନ କାହିଁକି ଜାଣିବାକୁ ସିପିସିବି ଏନଏକ୍ୟୁଆଇ ଗଣନା କରେ । ସୂଚକାଙ୍କ ବ୍ୟାପକ ସ୍ୱାସ୍ଥ୍ୟ ମାପଦଣ୍ଡକୁ ବିଚାରକୁ ନିଏ । ଏନଏକ୍ୟୁଆଇ ସିଷ୍ଟମ ଭାରତୀୟ ଏବଂ ଅନ୍ତର୍ଜାତୀୟ ସ୍ୱାସ୍ଥ୍ୟ ଅଧ୍ୟୟନ, ଭାରତୀୟ ପୃଷ୍ଠଭୂମି ସାନ୍ଦ୍ରତା ଏବଂ ଆନ୍ତର୍ଜାତୀୟ ସ୍ତରରେ ତୁଳନାତ୍ମକ ସାନ୍ଦ୍ରତା ବ୍ରେକ୍ ପଏଂଟକୁ ବିଚାରକୁ ନିଏ । ସିପିସିବି କହିଛି ସୂଚକାଙ୍କଟି ଓଜନଯୁକ୍ତ ସ୍ୱଳ୍ପକାଳୀନ ଏବଂ ଦୀର୍ଘକାଳୀନ ହାରାହାରି (୨୪କିମ୍ବା ୮ ଘଂଟା ଉଇଣ୍ଡୋ) ଉପରେ ନିର୍ଭର କରେ ।

ଗମ୍ଭୀର ଧୂଆଁ ଘଟଣା ସମୟରେ ଦ୍ୱନ୍ଦ୍ୱର ଏକ କେନ୍ଦ୍ର ବିନ୍ଦୁ ହେଉଛି ସୂଚକାଙ୍କ ୫ଶହରେ ବୃଦ୍ଧି ପାଇବା ବନ୍ଦ କରିଦିଏ । ସିପିସିବି ସ୍ପଷ୍ଟ କରିଛି, ଏହି ସୀମା ବିଶ୍ୱ ମାନଦଣ୍ଡ ଅନୁସାରେ ମଡେଲ୍ ହୋଇଥିବା ଏକ ଉଦ୍ଦେଶ୍ୟମୂଳକ ଡିଜାଇନ୍ । ୫ଶହର ଉପର ସୀମା ସ୍ୱାସ୍ଥ୍ୟ ଚିନ୍ତାର ସର୍ବୋଚ୍ଚ ସ୍ତରକୁ ବୁଝାଏ । ତେଣୁ ୫ଶହ କିମ୍ବା ତାଠାରୁ ଅଧିକ ଏକ୍ୟୁଆଇ ପ୍ରାୟ ସମାନ ସ୍ୱାସ୍ଥ୍ୟ ବିପଦକୁ ସୂଚିତ କରେ । ଗମ୍ଭୀର ବର୍ଗ ସୁସ୍ଥ ଲୋକଙ୍କ ଉପରେ ଶ୍ୱାସକ୍ରୀୟା ପ୍ରଭାବ ଏବଂ ଫୁସଫୁସ ରୋଗ ଥିବା ଲୋକଙ୍କ ଉପରେ ଗମ୍ଭୀର ପ୍ରଭାବ ପକାଇପାରେ । ପ୍ରଦୂଷଣ ଶିଖର ସମୟରେ ବିଶ୍ୱସ୍ତରୀୟ କିମ୍ବା ଘରୋଇ ଆପ୍ସ ଅଧିକ ଏକ୍ୟୁଆଇ ମୂଲ୍ୟ ଦେଖାଏ ବୋଲି ବ୍ୟାପକ ଧାରଣାକୁ ସମ୍ବୋଧିତ କରି ସିପିସିବି ସେନ୍ସର ପ୍ରଯୁକ୍ତିବିଦ୍ୟା, ତଥ୍ୟ ଉତ୍ସ ଏବଂ ଗାଣିତିକ ପଦ୍ଧତିରେ ମୌଳିକ ପାର୍ଥକ୍ୟକୁ ସିଧାସଳଖ ସୂଚିତ କରେ । ନିଟିଜେନ୍ସ ଆଣିଥିବା ତଥ୍ୟ ହେରଫେର ଅଭିଯୋଗକୁ ଖଣ୍ଡନ କରିଛି ସିପିସିବି । ତେଣୁ ଏକ୍ୟୁଆଇ ମୂଲ୍ୟରେ ପାର୍ଥକ୍ୟ, ପ୍ରଦୂଷଣ ସାନ୍ଦ୍ରତା ମାପ ଏବଂ ପଦ୍ଧତିରେ ପାର୍ଥକ୍ୟ ପାଇଁ ଦାୟୀ । ଏବଂ କମ୍ ରିପୋର୍ଟିଂ ପାଇଁ ନୁହେଁ ବୋଲି ସ୍ପଷ୍ଟ କରିଛି ସିପିସିବି ।