Latest Odisha News

BREAKING NEWS

ୱେଲିଂଟନ୍ ଟେଷ୍ଟ ପୂର୍ବରୁ ଟିମ୍ ଇଣ୍ଡିଆ ପାଇଁ ବଡ଼ ଚାଲେଞ୍ଜ, ୫୮ ବର୍ଷରେ ଭାରତ ଜିତିଛି ମାତ୍ର ୫ ମ୍ୟାଚ

ନୂଆଦିଲ୍ଲୀ: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ନଭେମ୍ବର ୧୯ରୁ ଆରମ୍ଭ ହେବାକୁ ଯାଉଛି । ପ୍ରଥମ ଟେଷ୍ଟ ମ୍ୟାଚ୍ ୱେଲିଂଟନ୍‌ର ବେସିନ୍ ରିଜର୍ଭ ଷ୍ଟାଡିୟମ୍‌ରେ ଖେଳାଯିବ । ଟି-୨୦ ଏବଂ ଦିନିକିଆ ସିରିଜ୍ ହାରିବା ପରେ ନ୍ୟୁଜିଲାଣ୍ଡ ଦଳ ଏବେ ଟେଷ୍ଟ ସିରିଜ୍ ଜିତି ପ୍ରତିଶୋଧ ନେବାକୁ ଲକ୍ଷ୍ୟ ରଖିଛି । ୧୯୬୮ ମସିହାରୁ ନ୍ୟୁଜିଲାଣ୍ଡ ଗସ୍ତ କରିଥିବା ଟିମ୍ ଇଣ୍ଡିଆ ସେଠାରେ ଖେଳାଯାଇଥିବା ମୋଟ ୨୫ଟି ଟେଷ୍ଟ ମ୍ୟାଚ୍‌ରୁ ମାତ୍ର ୫ଟି ଜିତିପାରିଛି । । ଭାରତ ସେଠାରେ ମୋଟ ୧୦ଟି ଟେଷ୍ଟ ସିରିଜ୍ ଖେଳିଛି, ଯେଉଁଥିରୁ ମାତ୍ର ୨ଟି ସିରିଜ୍ ଜିତିବାରେ ସଫଳ ହୋଇଛି (ପ୍ରଥମଟି ୧୯୬୮ରେ ମହେଶ ଅଲୀ ଖାନ୍ ପାଟୌଦୀଙ୍କ ଅଧିନାୟକତ୍ୱରେ ଏବଂ ଦ୍ୱିତୀୟଟି ୨୦୦୯ରେ ଏମ୍.ଏସ୍. ଧୋନୀଙ୍କ ଅଧିନାୟକତ୍ୱରେ) ।

୨୦୦୦ ମସିହା ପରଠାରୁ ଭାରତ ନ୍ୟୁଜିଲାଣ୍ଡରେ ୯ଟି ଟେଷ୍ଟ ମ୍ୟାଚ୍ ଖେଳି କେବଳ ଗୋଟିଏ ଜିତିଥିବା ବେଳେ ୫ଟିରେ ହାରିଛି  ଏବଂ ୩ଟି   ମ୍ୟାଚ ଡ୍ର ରହିଛି । ବର୍ତ୍ତମାନ ନ୍ୟୁଜିଲାଣ୍ଡ ଦଳ ବିଶ୍ୱ ଟେଷ୍ଟ ଚାମ୍ପିୟନସିପ୍ ୨୦୨୫-୨୭ ପଏଣ୍ଟ ଟେବୁଲ୍‌ର ଶୀର୍ଷରେ ରହିଥିବା ବେଳେ ଭାରତ ଚତୁର୍ଥ ସ୍ଥାନରେ ଅଛି । ଟମ୍ ଲାଥାମ୍‌ଙ୍କ ଅଧିନାୟକତ୍ୱରେ ନ୍ୟୁଜିଲାଣ୍ଡ ଦଳ ନିଜ ଘରୋଇ ମାଟିରେ ଭାରତ ବିପକ୍ଷରେ କ୍ରମାଗତ ଭଲ ପ୍ରଦର୍ଶନ କରିଆସୁଛି ।

ଭାରତୀୟ ଟେଷ୍ଟ ସ୍କ୍ୱାଡ୍: ଶୁଭମନ ଗିଲ୍ (ଅଧିନାୟକ), ଯଶସ୍ୱୀ ଜୈସୱାଲ, କେ.ଏଲ୍. ରାହୁଲ, ଦେବଦତ୍ତ ପଡ଼ିକ୍କଲ, ଋଷଭ ପନ୍ତ, ଧ୍ରୁବ ଜୁରେଲ, ରବୀନ୍ଦ୍ର ଜାଡେଜା, ଅଂଶୁଲ କମ୍ବୋଜ, ଜସପ୍ରୀତ ବୁମ୍ରା, ପ୍ରସିଦ୍ଧ କ୍ରିଷ୍ଣା, ଆକାଶଦୀପ, ସାଇ ସୁଦର୍ଶନ, ନିତୀଶ କୁମାର ରେଡ୍ଡୀ, ୱାଶିଂଟନ୍ ସୁନ୍ଦର, ମହମ୍ମଦ ସିରାଜ ଏବଂ ଗୁରୁନୁର ବ୍ରାର୍।

Leave A Reply

Your email address will not be published.