ଭୁବନେଶ୍ୱର: ଆଜିଠାରୁ ଦୁଇ ଦିନିଆ ଓଡ଼ିଶା ଗସ୍ତରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବା ପରେ ପ୍ରଥମେ ଲୋକସେବା ଭବନରେ ଆୟୋଜିତ ହେବାକୁ ଥିବା ପୂର୍ବ ଭାରତ ରଜ୍ୟମାନଙ୍କର ମୁଖ୍ୟମନ୍ତ୍ରୀ ସମ୍ମିଳନୀରେ ଶାହା ଯୋଗଦେବେ।
ଏହାପରେ ଜନତା ମଇଦାନରେ ଆୟୋଜିତ ସଭା କାର୍ଯ୍ୟରେ ଯୋଗଦେଇ ସିଏଏ ଓ ଏନ୍ଆର୍ସିକୁ ନେଇ ଲୋକଙ୍କୁ ସଚେତନ କରିବେ । ସନ୍ଧ୍ୟାରେ ହୋଟେଲ ମେ ଫେୟାରରେ ବିଜେପି କର୍ମୀଙ୍କ ସହ ଆଲୋଚନା କରିବେ ଗୃହମନ୍ତ୍ରୀ ।
ଏହା ପରେ ସେ ପୁରୀ ଗସ୍ତ କରିବା ସହ ୨୯ ତାରିଖ ସକାଳୁ ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରିବେ ଏବଂ ପରେ ଦିନ ୧୧ଟାରେ ଭୁବନେଶ୍ୱର ପହଂଚି ଲିଙ୍ଗରାଜ ମନ୍ଦିର ଯିବେ ଅମିତ ଶାହା ।
ଏହାପରେ ଅପରାହ୍ନରେ ଗୃହମନ୍ତ୍ରୀ ଭୁବନେଶ୍ୱରରେ ଏକ ଘରୋଇ ହସ୍ପିଟାଲର ଉଦ୍ଘାଟନ କାର୍ଯ୍ୟକ୍ରମରେ ଯୋଗ ଦେଇ ଦିଲ୍ଲୀ ଫେରିଯିବେ।
Comments are closed.