ଭୁବନେଶ୍ୱର: କରୋନା ଲକଡାଉନ ମଧ୍ୟରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକଙ୍କ ଦ୍ୱାରା ‘ଘରେ ରୁହନ୍ତୁ, ସୁରକ୍ଷିତ ରୁହନ୍ତୁ’ ଉପଦେଶ ଦେଉଥିବା ବାଲୁକାକଳାକୁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(WHO) ଓ ଜାତିସଙ୍ଘ ପ୍ରଂଶସା କରିଛନ୍ତି । କରୋନାଭାଇରସ ସଂକ୍ରମଣକୁ ରୋକିବା ପାଇଁ ସାରା ଦେଶରେ ଲକଡାଉନ ଘୋଷଣା କରାଯାଇଛି ।
ପୂର୍ବରୁ ସୁଦର୍ଶନ ପଟ୍ଟନାୟକ ଏକ ବାଲୁକାକଳା ଫଟୋକୁ ଟ୍ୱିଟ କରି ଲେଖିଥିଲେ, “ଲକଡାଉନ ସମୟରେ ମୋ ବାଲୁକାକଳା ମାଧ୍ୟମରେ ବିନମ୍ର ଅପିଲ, ଘରେ ରୁହନ୍ତୁ, ସୁରକ୍ଷିତ ରୁହନ୍ତୁ ଓ ସରକାରଙ୍କୁ ସହଯୋଗ କରନ୍ତୁ । ନିଜ ଜୀବନ ଓ ଅନ୍ୟମାନଙ୍କ ଜୀବନ ବଞ୍ଚାଇବା ପାଇଁ ନିଜକୁ ଲକ୍ କରନ୍ତୁ ।”
Amid the #COVID19 pandemic, people around the world are showing support & solidarity to help others. See some acts of kindness in this @Twitter moment. #coronavirus.https://t.co/Rnmhq1kk3E
— United Nations (@UN) March 25, 2020
ଓଡିଶାର ଜନ୍ମିତ କଳାକାର ସୁଦର୍ଶନ ପଟ୍ଟନାୟକଙ୍କ ପ୍ରଂଶସା କରି ଜାତିସଙ୍ଘ ବାଲୁକାକଳା ଫଟୋକୁ ରିଟ୍ୱିଟ କରି ଲେଖିଛି, “କୋଭିଡ-୧୯ ମହାମାରୀ ମଧ୍ୟରେ ସାରା ଦୁନିଆର ଲୋକ ପରସ୍ପରକୁ ସାହାଯ୍ୟ କରିବା ପାଇଁ ସମର୍ଥନ ଓ ସଂହିତାର ପ୍ରଦର୍ଶନ କରୁଛନ୍ତି । ଟ୍ୱିଟରରେ ଦୟାର କିଛି କାର୍ଯ୍ୟ ଦେଖନ୍ତୁ ।”
ନିଜ ତରଫରୁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ମହାନିର୍ଦ୍ଦେଶକ ଟେଡ୍ରୋସ ଏଡହୋମ ଘେବ୍ରେୟେସସ ମଧ୍ୟ ସୁଦର୍ଶନଙ୍କ ପଦକ୍ଷେପକୁ ପ୍ରଂଶସା କରିଛନ୍ତି । ସେ ଟ୍ୱିଟ କରି ଲେଖିଛନ୍ତି, “କଳା ଦୁନିଆକୁ ଶକ୍ତିଶାଳୀ ସଂଦେଶ ପଠାଇବା ପାଇଁ ଏକ ଶକ୍ତିଶାଳୀ ଉପକରଣ ଅଟେ । କୋଭିଡ-୧୯ ବିରୁଦ୍ଧରେ ସବୁଠାରୁ ସୁନ୍ଦର ବାର୍ତ୍ତା ହୋଇଥିବାରୁ ସୁଦର୍ଶନ ପଟ୍ଟନାୟକ ତୁମକୁ ଧନ୍ୟବାଦ ।”
Comments are closed.