ବଢ଼ିପାରେ ଲକ୍‌ଡାଉନ୍ ଅବଧି, ସଂକେତ ଦେଲେ ମୋଦି

ନୂଆଦିଲ୍ଲୀ: ବଢ଼ିପାରେ ଲକ୍‌ଡାଉନ୍ ଅବଧି । ଆଜି ଏନେଇ ସଂକେତ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସମସ୍ତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଭିଡିଓ କନଫରେନ୍ସିଂରେ ଆଲୋଚନା ପରେ ନିଜ ପ୍ରତିକ୍ରିୟାରେ ଲକଡାଉନ ବୃଦ୍ଧି କରିବା ନେଇ ମୋଦି କହିଛନ୍ତି । ସେ କହିଛନ୍ତି, ଜୀବନ ଅଛି ତ ବିଶ୍ୱ ଅଛି । ଦେଶବାସୀ ସାମାଜିକ ଦାୟିତ୍ୱକୁ ବୁଝି ଲକଡାଉନ ନିୟମକୁ ପାଳିଛନ୍ତି । ଲକ୍‌ଡାଉନ୍ ବଢ଼ାଇବା ବିନା ଆଉ କୌଣସି ବିକଳ୍ପ ନାହିଁ ବୋଲି ମୋଦି କହିଛନ୍ତି ।

PM has taken the correct decision to extend lockdown. Today, India’s position is better than many developed countries because we started lockdown early. If it is stopped now, all gains would be lost. To consolidate, it is important to extend it: Delhi CM Arvind Kejriwal pic.twitter.com/NNbqAZ0NsU

— ANI (@ANI) April 11, 2020

ସୂଚନା ମୁତାବକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧନ କରି ଆଉ ଦୁଇ ସପ୍ତାହ ଲକଡାଉନ୍ ବଢ଼ାଇବା ନେଇ ଘୋଷଣା କରିପାରନ୍ତି । ସେପଟେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଲକଡାଉନ ଅବଧି ବଢ଼ିବା ନେଇ ଟ୍ୱିଟ୍ କରି ସଂକେତ ଦେଇଛନ୍ତି । ସେ ନିଜ ଟ୍ୱିଟ୍‌ରେ ଲେଖିଛନ୍ତି ଯେ, ମୋଦି ଉଚିତ ନିଷ୍ପତ୍ତି ନେଇଛନ୍ତି । ଅନ୍ୟ ଦେଶ ତୁଳନାରେ ଭାରତର ସ୍ଥିତି ଭଲ ରହିଛି ବୋଲି ସେ କହିଛନ୍ତି ।