ଭଦ୍ରକ: ଭଦ୍ରକରେ ୫ଟି ନୂଆ କରୋନା ପଜିଟିଭ୍ ଆକ୍ରାନ୍ତ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ ୫ଟି ଗ୍ରାମ ପଞ୍ଚାୟତକୁ ସିଲ୍ କରିଦେବା ସହିତ କଣ୍ଟେନ୍ମେଣ୍ଟ୍ ଜୋନ୍ ଭାବେ ଘୋଷିତ କରିଛନ୍ତି ।
Containment Zones notified by District Administration Bhadrak. https://t.co/HfWIT4nYrr pic.twitter.com/rnENoZiI8g
— GYANA DAS (@gyana_r_das) April 20, 2020
ଭଦ୍ରକ ଜିଲ୍ଲାର ବାସୁଦେବପୁର ବ୍ଲକରେ ୩ ଜଣ ଏବଂ ଭଣ୍ଡାରିପୋଖରୀ ବ୍ଲକରେ ୨ଜଣ ନୂଆ କରୋନା ପଜିଟିଭ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ଦୁଇଟି ବ୍ଲକର ୫ଟି ଗ୍ରାମ ପଞ୍ଚାୟତରେ କଟକଣା ଜାରି ହେବା ସହିତ ସମ୍ପୂର୍ଣ୍ଣ ସିଲ୍ କରିଦିଆଯିବା ନେଇ ଜିଲ୍ଲା ପ୍ରଶାସନ ଟ୍ୱିଟ୍ ମାଧ୍ୟମରେ ସୂଚନା ପ୍ରଦାନ କରିଛନ୍ତି ।
In view of notification of Containment Zone, distribution of PDS and other individual benefits in the FIVE GPs of Basudevpur and Bhandaripokhari blocks remain suspended during the containment period. @bdobasudevpur @bhandaripokhari
— GYANA DAS (@gyana_r_das) April 20, 2020
ଜିଲ୍ଲାରେ ପୂର୍ବରୁ ୨ଟି ସ୍ଥାନକୁ କଣ୍ଟେନମେଣ୍ଟ୍ ଜୋନ୍ ଭାବେ ଘୋଷଣା କରାଯାଇଥିଲା । ଗତକାଲି ଏହି ଦୁଇଟି ସ୍ଥାନରୁ କଟକଣା ହଟିଥିଲା । ପୂର୍ବରୁ ଏହି ଦୁଇଟି ସ୍ଥାନରେ ୨ଜଣ ବ୍ୟକ୍ତି କରୋନା ପଜିଟିଭ୍ ଚିହ୍ନଟ ହୋଇଥିଲେ । ତେବେ ସେମାନେ ଗତକାଲି ନେଗେଟିଭ୍ ହେବା ସହିତ ସୁସ୍ଥ ହୋଇ ଘରକୁ ଫେରିଥିଲେ ।
ପୂର୍ବରୁ ଭଦ୍ରକ ସହରର ପୂରୁଣା ବଜାର, ଚରମ୍ପା ଏବଂ ଏରେଇଁ ଅଞ୍ଚଳକୁ କଣ୍ଟେନମେଣ୍ଟ୍ ଜୋନ୍ ଭାବେ ଘୋଷଣା କରାଯାଇ କଟକଣା ଜାରି କରାଯାଇଥିଲା । ପୂରୁଣା ବଜାରରୁ ଏପ୍ରିଲ୍ ୧୫ରେ ଏବଂ ଏହି ଦୁଇଟି ସ୍ଥାନରେ ଏପ୍ରିଲ୍ ୧୯ ତାରିଖରେ କଟକଣା ଉଠାଇ ଦିଆଯାଇଛି ।
ଭଦ୍ରକରେ ମାର୍ଚ୍ଚ ୩୧ରେ ଜଣେ ଦୁବାଇ ଫେରନ୍ତା ଯୁବକ କରୋନା ପଜିଟିଭ୍ ଚିହ୍ନଟ ହୋଇଥିଲେ । ପରେ ଅନ୍ୟ ୨ଜଣ ବ୍ୟକ୍ତି କରୋନା ପଜିଟିଭ୍ ଚିହ୍ନଟ ହୋଇଥିଲେ ।
Comments are closed.