ଭୁବନେଶ୍ୱର : ରାଜ୍ୟରେ ଆଉ ୩ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ଦୁଇ ଜଣ ବାଲେଶ୍ୱରର ହୋଇଥିବା ବେଳେ ଜଣେ ଜଗତସିଂହପୁରର ବୋଲି ଜଣାପଡିଛି । ଏଥି ସହିତ ରାଜ୍ୟରେ ମୋଟ କରୋନା ପଜିଟିଭଙ୍କ ସଂଖ୍ୟା ୨୦୯ରେ ପହଞ୍ଚିଛି ।
3rd Health Update, 7th May
One positive case in Jagatsinghpur
70 yr Male
(West Bengal returnee. Asymptomatic)2 positive cases in Balasore
26 yr Male & 29 yr Male
(Surat returnees. In quarantine. Asymptomatic)Total Positive Case: 209
— I & PR Department, Odisha (@IPR_Odisha) May 7, 2020
ଗୁରୁବାର ସକାଳେ ଜଗତସିଂହପୁରରେ ୪ କରୋନା ପଜିଟିଭ ଚିହ୍ନଟ ହୋଇଥିଲେ । ଏମାନେ ସୁରତରୁ ଫେରନ୍ତା ହୋଇଥିବା ବେଳେ ଏବେ ନୂଆ ଚିହ୍ନଟ ହୋଇଥିବା କରୋନା ପଜିଟିଭ୍ ରୋଗୀ ପଶ୍ଚିମବଙ୍ଗ ଫେରନ୍ତା ବୋଲି ଜଣାପଡିଛି । ତାଙ୍କ ବୟସ ୭୦ ବର୍ଷ ।
ସେପଟେ ବାଲେଶ୍ୱରରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୭ରେ ପହଞ୍ଚିଛି । ସେମାନଙ୍କ ମଧ୍ୟରୁ ୫ ଜଣ ଚିକିତ୍ସା ପରେ ସୁସ୍ଥ ହୋଇଛନ୍ତି । ନୂଆ ଚିହ୍ନଟ ହୋଇଥିବା ଦୁଇ କରୋନା ପଜିଟିଭ୍ ରୋଗୀ ସୁରତ ଫେରନ୍ତା ବୋଲି ସରକାରଙ୍କ ପକ୍ଷରୁ ସୂଚନା ଦିଆଯାଇଛି । ଏମାନଙ୍କ ବୟସ ୨୯ ଓ ୨୬ ବର୍ଷ ।