କଂଗ୍ରେସ ଆଉ ପୂର୍ବ ଭଳି ନାହିଁ: ସିନ୍ଧିଆ

ନୂଆଦିଲ୍ଲୀ: ବିଜେପିରେ ସାମିଲ ହେଲେ ମଧ୍ୟପ୍ରଦେଶର କଂଗ୍ରେସ ନେତା ଜ୍ୟୋତିରାଦିତ୍ୟ ସିନ୍ଧିଆ । ସେ ବିଜେପିରେ ଯୋଗ ଦେବା ପରେ କମଲନାଥ ସରକାରଙ୍କ ଉପରେ ବର୍ଷିଛନ୍ତି । ସେ କହିଛନ୍ତି ଯେ, ମୋ ଜୀବନରେ ଦୁଇଟି ତାରିଖ ୩୦ ସେପ୍ଟେମ୍ବର ଓ ୧୦ ମାର୍ଚ୍ଚ ୨୦୨୦ ବେଶ୍ ମହତ୍ୱପୂର୍ଣ୍ଣ । ୩୦ ମାର୍ଚ୍ଚରେ ବାପାଙ୍କୁ ହରାଇଥିବା ବେଳେ ୧୦ ମାର୍ଚ୍ଚରେ କଂଗ୍ରେସ ଛାଡି ଏକ ବଡ ନିର୍ଣ୍ଣୟ ନେଇଛି ।
ସେ କହିଛନ୍ତି ଯେ, କଂଗ୍ରେସ ଦଳ ଆଉ ପୂର୍ବ ଭଳି ନାହିଁ । ସେ ବାସ୍ତବିକତାକୁ ଗ୍ରହଣ କରୁନାହିଁ । ନୂଆ ନେତୃତ୍ୱଙ୍କୁ କଂଗ୍ରେସ ସୁଯୋଗ ଦେଉନାହିଁ । ସରକାର ଗଢ଼ିବା ପରେ କଂଗ୍ରେସ ଦେଇଥିବା ପ୍ରତିଶ୍ରୁତି ପୂରଣ କରିବାରେ ବିଫଳ ହୋଇଛି । ଏଭଳି ଦଳରେ ରହି ଜନସେବା କରିହେବ ନାହିଁ ବୋଲି ସିନ୍ଧିଆ କହିଛନ୍ତି । ଏହାସହ ବିଜେପିରେ ସାମିଲ ହୋଇ ଦେଶ ପାଇଁ ସେବା କରିପାରିବି ବୋଲି କହିଛନ୍ତି ସିନ୍ଧିଆ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହ ମନ୍ତ୍ରୀ ଅମିତ ଶାହା ଜାତୀୟ ସ୍ତରରେ ଏକ ନୂଆ ମଞ୍ଚ ଦେଇଥିବାରୁ ଧନ୍ୟବାଦ ଜଣାଇଛନ୍ତି ଜ୍ୟୋତିରାଦିତ୍ୟ ।