ମୁମ୍ବାଇ: ଫିଲ୍ମ ବ୍ୟତୀତ ଅକ୍ଷୟ କୁମାର ତାଙ୍କ ମ୍ୟୁଜିକ୍ ଭିଡିଓ ପାଇଁ ସବୁବେଳେ ପ୍ରଶଂସା ସାଉଁଟିଥାନ୍ତି । ବଲିଉଡର ଖିଲାଡି କୁମାର ତାଙ୍କର ଆଗାମୀ ଫିଲ୍ମ ‘ବଡେ ମିୟାଁ ଛୋଟେ ମିୟାଁ’ ପାଇଁ ଆଜିକାଲି ଚର୍ଚ୍ଚାରେ ରହୁଛନ୍ତି । ଏହି ଅଭିନେତା ସୋସିଆଲ ମିଡିଆରେ ମଧ୍ୟ ବହୁତ ସକ୍ରିୟ ଅଟନ୍ତି । ସେ ସବୁବେଳେ ତାଙ୍କ ଫ୍ୟାନ୍ସମାନଙ୍କ ସହିତ ତାଙ୍କର ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ବିଷୟରେ ଅଫଡେଟ୍ ସେୟାର କରିଥାନ୍ତି ।
ଏସବୁ ମଧ୍ୟରେ ଅକ୍ଷୟ କୁମାରଙ୍କର ଏକ ନୂଆ ମ୍ୟୁଜିକ୍ ଭିଡିଓ ରିଲିଜ ହେବାକୁ ଯାଉଛି ଯାହା ଭଗବାନ ଶିବଙ୍କ ଉପରେ ଆଧାରିତ । ଅଭିନେତା ଅକ୍ଷୟ କୁମାର ତାଙ୍କ ଶିବ ଅବତାରର ପ୍ରଥମ ଲୁକ୍ ‘ଶମ୍ଭୁ’ ଗୀତର ମୋସନ ପୋଷ୍ଟର ସେୟାର କରିଛନ୍ତି ।
ଏଥର ଫ୍ୟାନ୍ସମାନେ ଅକ୍ଷୟ କୁମାରଙ୍କୁ ରୋମାଣ୍ଟିକ ଗୀତରେ ନୁହେଁ ବରଂ ଏକ ଭକ୍ତି ଗୀତରେ ଦେଖିବାକୁ ପାଇବେ । ଏହି ଅଭିନେତା ସୋସିଆଲ ମିଡିଆରେ ତାଙ୍କର ଆଗାମୀ ମ୍ୟୁଜିକ୍ ଭିଡିଓ ‘ଶମ୍ଭୁ’ର ଟିଜର ରିଲିଜ୍ କରିଛନ୍ତି ।
ଅକ୍ଷୟ କୁମାରଙ୍କ ‘ଶମ୍ଭୁ’ ମ୍ୟୁଜିକ୍ ଭିଡିଓଗୁଡିକର ମୋସନ ପୋଷ୍ଟରକୁ ବହୁତ ପସନ୍ଦ କରାଯାଉଛି । ପ୍ରଶଂସକମାନେ ସୋସିଆଲ ମିଡିଆରେ ଅକ୍ଷୟଙ୍କ ଶିବ ଅବତାରକୁ ବହୁତ ପସନ୍ଦ କରିଛନ୍ତି । ଫିଲ୍ମ ‘ଓଏମଜି ୨’ ପରେ ଅକ୍ଷୟ କୁମାରଙ୍କୁ ପୁଣି ଥରେ ଭଗବାନ ଶିବ ରୂପେ ଦେଖିବାକୁ ମିଳିବ । ପ୍ରଶଂସକମାନେ ଏହି ମ୍ୟୁଜିକ୍ ର ଭିଡିଓ ରିଲିଜ୍ ପାଇଁ ଅପେକ୍ଷା କରିଛନ୍ତି । ଏହି ଗୀତ ଟି ଏଥର ମହାଶିବ ରାତ୍ରୀ ୫ ଫେବୃଆରୀ ୨୦୨୪ ରେ ରିଲିଜ ହେବ ।