ପୁରୀ: ଆଜି ହେଉଛି ଓ୍ବାଲ୍ଡ ହାର୍ଟ ଡେ ବା ବିଶ୍ୱ ହୃଦୟ ଦିବସ । ବିଶ୍ୱ ସ୍ୱାସ୍ଥ୍ୟ ସଂଗଠନ ସହ ମିଶି ୱାର୍ଲଡ ହାର୍ଟ ଫେଡେରେସନ ଏହି ଦିବସ ପାଳନ କରିବାକୁ ୧୯୯୯ରେ ନିଷ୍ପତ୍ତି ନେଇଥିଲା। ଆରମ୍ଭରୁ ଏହା ସେପ୍ଟେମ୍ବର ମାସ ଶେଷ ରବିବାର ପାଳିତ ହେଉଥିଲା। ମାତ୍ର ୨୦୧୧ରୁ ଏହା ସେପ୍ଟେମ୍ବର ୨୯ ତାରିଖରେ ପାଳିତ ହେଉଛି । ତେବେ ଚଳିତ ବର୍ଷର ଥିମ୍ ରହିଛି ୟୁଜ୍ ହାର୍ଟ, ନୋ ହାର୍ଟ । ହୃଦରୋଗର ପ୍ରତିଷେଧ ଓ ନିରାକରଣ ସଂପର୍କରେ ଲୋକଙ୍କୁ ସଚେତନ କରିବା ଏହି ଦିବସର ମୁଖ୍ୟ ଲକ୍ଷ୍ୟ ।
ଏହି ଅବସରରେ ଗ୍ଲେନମାର୍କ ଫାର୍ମାସ୍ୟୁଟିକାଲ୍ସ ଲିମିଟେଡ୍ ପ୍ରସିଦ୍ଧ ବାଲୁକା କଳାକାର ପଦ୍ମଶ୍ରୀ ସୁଦର୍ଶନ ପଟ୍ଟନାୟକଙ୍କ ସହଯୋଗରେ “ଇଣ୍ଡିଆ ପ୍ରଥମ ହାର୍ଟ ପ୍ରଥମ” ନାମକ ଏକ ଅଭିଯାନ ପୁରୀରୁ ଶୁଭାରମ୍ଭ କରାଯାଇଛି । ଏହି ଅଭିଯାନର ଏକ ଅଂଶ ଭାବରେ, ଗ୍ଲେନମାର୍କ ଦଳ ଏହି କାର୍ଯ୍ୟ ପାଇଁ ସହଯୋଗ କରିବା ପାଇଁ ଦେଶର ୩୫ ହଜାରରୁ ଅଧିକ ସ୍ୱାସ୍ଥ୍ୟସେବା ଏଚସିପି ଙ୍କ ନିକଟରେ ପହଞ୍ଚିଥିଲେ । ପଦ୍ମଶ୍ରୀ ସୁଦର୍ଶନ ପଟ୍ଟନାୟକଙ୍କ ଦ୍ୱାରା ସୃଷ୍ଟି ହେବାକୁ ଥିବା ହୃଦୟ ଗଠନ ଡିଜାଇନ୍ ଉପରେ ସେମାନଙ୍କର ମତାମତ ସଂଗ୍ରହ କରାଯାଇଥିଲା । ଯେଉଁଥିରେ ୬୫ ପ୍ରତିଶତ ରୁ ଅଧିକ ଏଚସିପି ଭୋଟ୍ ଦେଇଥିଲେ । କେବଳ ଏତିକି ନୁହେଁ, ଦେଶର ସମସ୍ତ ଏଚସିପି ବାଲି ବୋତଲରେ ଦସ୍ତଖତ କରିଥିଲେ । ଯାହା ପୁରୀ ବେଳାଭୂମିକୁ ପଠାଯାଇଥିଲା । ଏବଂ ଯେଉଁ ଗୁଡିକୁ ହୃଦୟ ଗଠନ ସୃଷ୍ଟିରେ ବ୍ୟବହୃତ ହୋଇଥିଲା ।
ଏହି କାର୍ଯ୍ୟକ୍ରମକୁ ଜାତୀୟ ଏଚସିପିର ବିଶିଷ୍ଟ ପ୍ୟାନେଲ୍ ଡକ୍ଟର ଏ ଶ୍ରୀନିଭାସ କୁମାର, ଡ.ଉଦୟ ଯାଦବ, ଡକ୍ଟର ବ୍ରିଏନ୍ ପିଂଟୋ, ଡକ୍ଟର ଜେପିଏସ୍ ସାୱନି ଏବଂ ଡକ୍ଟର ଦିଲୀପ କୁମାର ମଧ୍ୟ ସମର୍ଥନ କରିଥିଲେ । ଯେଉଁମାନେ ସାଧାରଣ ଜନତାଙ୍କୁ ହୃଦୟ ସ୍ୱାସ୍ଥ୍ୟର ଗୁରୁତ୍ୱ ତଥା ସଚେତନତା ବିଷୟରେ ସୂଚନା ପ୍ରଦାନ କରିଥିଲେ । ପ୍ରାୟ ୩୬ ହଜାର ସ୍ୱାସ୍ଥ୍ୟସେବା କର୍ମଚାରୀ ଟିମ୍ ସୁଦର୍ଶନଙ୍କ ସହ ହାତ ମିଳାଇ ଏକ ହୃଦୟ, ସୁସ୍ଥ ପରିବାର ରହିବାକୁ ପ୍ରତିଶ୍ରୁତି ଦେଇଛନ୍ତି ।