ଅଯୋଧ୍ୟା: ଅଯୋଧ୍ୟାରେ ରାମ ମନ୍ଦିର ନିର୍ମାଣ କାମ ଜୋରସୋରରେ ଚାଲିଛି । ଇତି ମଧ୍ୟରେ ମନ୍ଦିର ପରିସର ଖୋଳିବା ସମୟରେ ମିଳିଛି ପୁରୁଣା ମନ୍ଦିରର ଅବଶେଷାଂଶ । ଏହି ଅବଶେଷାଂଶକୁ ସୁରକ୍ଷିତ ଉଦ୍ଧାର କରାଯାଇଛି । ଏଥିରେ ରହିଛି ବଡବଡ ସ୍ତମ୍ଭ ଏବଂ ମୂର୍ତ୍ତି । ରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର ମହାସଚିବ ଚମ୍ପତ ରାୟ ନିଜେ ଏହି ତଥ୍ୟ ସମ୍ପର୍କରେ ସୋସିଆଲ ମିଡିଆ ଜରିଆରେ ଜଣାଇଛନ୍ତି । ସେ ଏକ ଫଟୋ ସେୟାର କରିଛନ୍ତି ଯେଉଁଥିରେ ଫଟୋର ଅବଶେଷାଂଶ ଏକାଠି ରଖାଯାଇଛି ।
ରାମ ମନ୍ଦିର ନିର୍ମାଣ ସମୟରେ ଯେଉଁ ଖନନ କାମ ଚାଲିଛି ସେଥିରୁ ଉଦ୍ଧାର ହୋଇଥିବା ଜିନିଷ ପ୍ରଥମ ଥର ପାଇଁ ସାମ୍ନାକୁ ଆସିଛି । ଏଥିରେ ରହିଛି ଡର୍ଜନ ଡର୍ଜନ ମୂର୍ତ୍ତି, ସ୍ତମ୍ଭ ଏବଂ ଶିଳା ଯେଉଁଥିରେ ଦେବଦେବୀଙ୍କ ମୂର୍ତ୍ତି ଖୋଦେଇ ହୋଇ ରହିଛି । ଚମ୍ପତ ରାୟ ସେୟାର
କରିଥିବା ଫଟୋରେ ମନ୍ଦିରରେ ଲାଗିବାକୁ ଥିବା ସ୍ତମ୍ଭ ମଧ୍ୟ ଥିବା ଦେଖିବାକୁ ମିଳିଛି । କୁହାଯାଉଛି, ଖନନ ବେଳେ ମିଳିଥିବା ଏହି ପୁରାତନ ଅବଶେଷାଂଶ ରାମଲାଲାଙ୍କ ଭବ୍ୟ ମନ୍ଦିରରେ ଶ୍ରଦ୍ଧାଳୁଙ୍କ ଦର୍ଶନ ପାଇଁ ରଖାଯିବ ।
ସୂଚନାଥାଉ କି, ବରିଷ୍ଠ ସାଧୁସନ୍ଥମାନେ କହିଛନ୍ତି ୨୦୨୪ ଜାନୁଆରି ତୃତୀୟ ସପ୍ତାହରେ ଅଯୋଧ୍ୟାରେ ନବନିର୍ମିତ ରାମ ମନ୍ଦିର ଉଦ୍ଘାଟନ କରାଯିବ।
श्री रामजन्मभूमि पर खुदाई में मिले प्राचीन मंदिर के अवशेष। इसमें अनेकों मूर्तियाँ और स्तंभ शामिल हैं। pic.twitter.com/eCBPOtqE1W
— Champat Rai (@ChampatRaiVHP) September 12, 2023