ଓଡ଼ିଶା ସମ୍ବାଦ ବ୍ୟୁରୋ: ଡାଏଟିସିଆନ୍ମାନେ କହିଛନ୍ତି ଯେ ଶରୀରକୁ ସୁସ୍ଥ ଏବଂ ଫିଟ୍ ରଖିବା ପାଇଁ ସମସ୍ତ ଲୋକଙ୍କୁ ସେମାନଙ୍କର ଦୈନନ୍ଦିନ ଖାଦ୍ୟରେ ଫଳ-ପନିପରିବା ଜୁସ ରଖିବା ଆବଶ୍ୟକ। ଏହି ଫଳ ଜୁସ୍ ଶରୀର ପାଇଁ ଅତ୍ୟାବଶ୍ୟକ ପୋଷକ ତତ୍ତ୍ୱ ସହଜରେ ଯୋଗାଇ ଦିଏ। କେତେକ ଅଧ୍ୟୟନରୁ ଜଣାପଡିଛି ଯେ ପନିପରିବା ରସ ବା ଜୁସ୍ ନିୟମିତ ଖାଇବା ଅଭ୍ୟାସ କଲେ ଆପଣଙ୍କୁ ହୃଦଘାତ ଏବଂ ମଧୁମେହ ଭଳି କ୍ରୋନିକ ରୋଗ ବିପଦରୁ ରକ୍ଷା କରିବାରେ ସାହାଯ୍ୟ କରିଥାଏ। ଏହି ପନିପରିବା ମଧ୍ୟରେ ଆଜି ଆମେ ଲାଉ ଜୁସ୍ ସମ୍ପର୍କରେ ଆଲୋଚନା କରିବା।
ଲାଉକୁ ପୁଷ୍ଟିକର ଶକ୍ତି ବୋଲି କୁହାଯାଏ। ମଧୁମେହ, ଉଚ୍ଚ ରକ୍ତଚାପ ଏବଂ ଯକୃତ ରୋଗକୁ ନିୟନ୍ତ୍ରଣ କରିବା ସହିତ ଉତ୍ତମ ହଜମ ପ୍ରକ୍ରିୟାକୁ ବଜାୟ ରଖେ। ଶରୀରକୁ ଥଣ୍ଡା କରିବାରେ ଏହା ସାହାଯ୍ୟ କରେ। ଏହାର ଲାଭକୁ ଧ୍ୟାନରେ ରଖି ଅନେକ ଲୋକ ଲାଉ ଜୁସ୍ ମଧ୍ୟ ପିଅନ୍ତି, କିନ୍ତୁ ଲାଉ ଜୁସ୍ ପ୍ରକୃତରେ ସୁସ୍ଥ କି ?
ଗତ କିଛି ବର୍ଷ ଧରି ସାମ୍ନାକୁ ଆସିଥିବା ଏକ ରିପୋର୍ଟରୁ ଜଣାପଡିଛି ଯେ ଲାଉ ଜୁସ୍ ସେବନ କରିବା ଦ୍ୱାରା ବାନ୍ତି ଏବଂ ଅପର୍ ଗ୍ୟାଷ୍ଟ୍ରୋଷ୍ଟାଇନଲ ରକ୍ତସ୍ରାବ ହୁଏ। ଲାଉ ଜୁସ୍ ସେବନ କରିବା ଦ୍ୱାରା ସୃଷ୍ଟି ହେଉଥିବା ସମସ୍ୟାଗୁଡିକ ଜାଣିବା ପାଇଁ ଏକ ଅଧ୍ୟୟନ କରାଯାଇଥିଲା, ଯେଉଁଥିରେ ଅନୁସନ୍ଧାନକାରୀମାନେ ଏହା ଜାଣିଥିଲେ ଯେ ଏହାକୁ ସଠିକ୍ ରାନ୍ଧିବା ପରେ ହିଁ ଖାଇବା ଉଚିତ୍। କଞ୍ଚା ଲାଉ କିମ୍ବା ଏହାର ରସ ଶରୀରକୁ କ୍ଷତି ପହଞ୍ଚାଇ ପରେ। ଅଧ୍ୟୟନରେ, ଅନୁସନ୍ଧାନକାରୀଙ୍କ ଦଳ ଜାଣିବାକୁ ପାଇଲେ ଯେ ଲାଉରେ କୁକର୍ବିଟାସିୟା ରହିଛି ଯାହା ବିଷାକ୍ତ ଟେଟ୍ରାସାଇକ୍ଲିକ୍ ଟ୍ରାଇଟରପେନଏଡ୍ ଯୌଗିକ ଥାଇପାରେ। ଏମାନଙ୍କୁ କୁକୁର୍ବିଟାସିନ୍ କୁହାଯାଏ ଯାହା ତିକ୍ତ ସ୍ୱାଦ ଏବଂ ବିଷାକ୍ତତା ପାଇଁ ଦାୟୀ।
କଞ୍ଚା ଲାଉ ଜୁସ୍ ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି ବିବେଚନା କରାଯାଇପାରିବ ନାହିଁ। ଏହାକୁ ରୋଷେଇ କରିବା ପରେ ଖାଇବା ଉଚିତ୍। ଯଦି ଲାଉକୁ ରନ୍ଧା ଯାଇ ସଠିକ୍ ଭାବରେ ଖିଆଯାଏ, ତେବେ ଏହା ଅନେକ ସ୍ୱାସ୍ଥ୍ୟ ଉପକାର ଦେଇପାରେ। ଲାଉ କମ୍ କ୍ୟାଲୋରୀଯୁକ୍ତ ପନିପରିବା ମଧ୍ୟରୁ ଗୋଟିଏ। ୧୦୦ ଗ୍ରାମ ଲାଉରେ ମାତ୍ର ୧୪ କ୍ୟାଲୋରୀ ଥାଏ। ଓଜନ ନିୟନ୍ତ୍ରଣ କରିବାରେ ଏହା ବହୁତ ଲାଭଦାୟକଯ
ସତେଜ ଲାଉ ଭିଟାମିନ୍-ସି ର ଏକ ଉତ୍ତମ ଉତ୍ସ। ୧୦୦ ଗ୍ରାମ ଲାଉରେ ୧୦ ମିଲିଗ୍ରାମ ଏହି ଭିଟାମିନ୍ ଥାଏ। ଏଥିରୁ ଦୈନିକ ଆବଶ୍ୟକତାର ୧୭% ମିଳିପାରିବ। ସେହିପରି ହଜମ ପାଇଁ ଲାଉ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ। ଏହା କୋଷ୍ଠକାଠିନ୍ୟର ସମସ୍ୟାକୁ ଦୂର କରିବାରେ ସାହାଯ୍ୟ କରେ। ଲାଉରେ ଥିଆମିନ୍, ନିୟାସିନ୍ (ଭିଟାମିନ୍ ବି-3), ପ୍ୟାଣ୍ଟୋଥେନିକ୍ ଏସିଡ୍ (ଭିଟାମିନ୍ ବି-5)), ପାଇରିଡୋକ୍ସିଇନ୍ (ଭିଟାମିନ୍ ବି-6)) ଏବଂ କ୍ୟାଲସିୟମ୍, ପୋଟାସିୟମ୍, ମାଙ୍ଗାନିଜ୍ ଭଳି ଖଣିଜ ପଦାର୍ଥ ମଧ୍ୟ ରହିଛି।