ରାଜସ୍ଥାନ: ନିଜ ଶ୍ୱଶୁରଙ୍କ ଶେଷ ଇଛା ପୂରଣ କଲେ ଜ୍ୱାଇଁ । ବର ବେଶରେ ସଜ୍ଜିତ ହୋଇ ହେଲିକ୍ଟପରରେ ଆସିଲେ । ଆଉ ଯୌତୁକ ବାବଦକୁ ନେଲେ ମାତ୍ର ୧ ଟଙ୍କା ଓ ଗୋଟିଏ ନଡ଼ିଆ । ଏଭଳି ଏକ ବିରଳ ବିବାହକୁ ନେଇ ଏବେ ସବୁଆଡ଼େ ଚର୍ଚ୍ଚା ।
ରାଜସ୍ଥାନ ଅଲୱାର ମାଧୋଗଡ ଗ୍ରାମର ବାସିନ୍ଦା ରବିନ ସିଂହ ରାଜୱାତ । ସେ ଭାରତୀୟ ସେନାରେ କାମ କରନ୍ତି । ତାଙ୍କର ନିକଟସ୍ଥ ରିୟାୱାଡି ତହସିଲ ଅନ୍ତର୍ଗତ ବନୱାଡା ଗ୍ରାମର ଜଣେ ଯୁବତୀଙ୍କ ସହ ବିବାହ ଠିକ୍ ହେଲା । ଯୁବତୀଙ୍କ ବାପାଙ୍କ ଇଛା ଥିଲା ତାଙ୍କ ଝିଅକୁ ଯିଏ ବିବାହ କରିବ ସେ ହେଲିକ୍ପ୍ଟରରେ ବରବେଶରେ ଆସି ତାଙ୍କ ଝିଅକୁ ନେବ । ହେଲେ ଦୁଃଖର ବିଷୟ ଝିଅର ବିବାହ ପୂର୍ବରୁ ତାଙ୍କର ମୃତ୍ୟୁ ହୋଇଗଲା । ଏହା ଜାଣିବା ପରେ ରବିନ୍ ତାଙ୍କ ଭାବି ଶ୍ୱଶୁରଙ୍କ ଇଛା ପୂରଣ କରିବାକୁ ନିଷ୍ପତ୍ତି ନେଲେ । ଏନେଇ ସେ ନିଜ ଘର ଲୋକଙ୍କ ସହ ଆଲୋଚନା କଲେ । ରବିନଙ୍କ ଏହି କଥାରେ ତାଙ୍କ ଘର ଲୋକ ସମର୍ଥନ କଲେ । ପରେ ରବୀନ ହେଲିକପ୍ଟର ବୁକ୍ କଲେ । ବିବାହ ଦିନ ବରବେଶରେ ସଜ୍ଜିତ ହୋଇ ବରଯାତ୍ରୀ ଧରି ହେଲିକ୍ପ୍ଟରରେ କନିଆ ଘରେ ପହଞ୍ôଚଲେ । ବର ଓ ବରଯାତ୍ରୀଙ୍କୁ ଦେଖିବା ପାଇଁ ଗ୍ରାମରେ ଭିଡ଼ ଜମିଲା । ଏମିତି କି ଗ୍ରାମବାସୀ ହେଲିକ୍ପ୍ଟର ଆଗରେ ସେଲଫି ନେବାକୁ ଲାଗିଲେ । ଧୁମ୍ଧାମ୍ରେ ଆୟୋଜିତ ହେଲା ବିବାହ । ହେଲିକ୍ପ୍ଟରରେ କନିଆକୁ ଧରି ବିଦାୟ ମଧ୍ୟ ନେଲେ । ସବୁଠୁ ବଡ଼ କଥା ହେଲା, ଯୌତୁକ ବାବଦକୁ ରବିନ୍ ମାତ୍ର ୧ ଟଙ୍କା ଓ ଗୋଟିଏ ନଡ଼ିଆ ନେଇଥିଲେ । କନ୍ୟାପକ୍ଷରୁ ତାଙ୍କୁ ନଗଦ ୫ ଲକ୍ଷ ଟଙ୍କା ଯୌତୁକ ଦିଆଯାଇଥିଲା । ହେଲେ ବର ଘର ଲୋକେ ଏହାକୁ ନେବାକୁ ରୋକ୍ଠୋକ୍ ମନା କରି ଦେଇଥିଲେ । ବରର ପିତା ନନ୍ଦ ସିଂ ରାଜୱାତ କହିଛନ୍ତି ଯେ, ବର୍ତ୍ତମାନ ସମୟରେ ଗୋଟିଏ ଝିଅକୁ ବିବାହ ଦେବାକୁ ଗୋଟେ ବାପା ବହୁତ କଷ୍ଟ କରିବାକୁ ପଡ଼ିଥାଏ । ତେଣୁ ସବୁ ପୁଅ ଘର ଲୋକ ବିନା ଯୌତୁକରେ ବିବାହ କରିବା ଉଚିତ୍ । ରବିନ ଓ ତାଙ୍କ ପରିବାରର ଏପରି କାର୍ଯ୍ୟକୁ ଗ୍ରାମବାସୀ ବେଶ୍ ପ୍ରଶଂସା କରିଛନ୍ତି । ଏହି ବିବାହ ଏବେ ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି ।
BREAKING NEWS
- ନାମାଙ୍କନ ଦାଖଲ କଲେ କଂଗ୍ରେସ ପାର୍ଥୀ ସୁଜିତ ମହାପାତ୍ର
- ନାମାଙ୍କନ ଭରିଲେ ଉପାସନା; କହିଲେ, ବ୍ରହ୍ମଗିରି ଲୋକଙ୍କ ସ୍ୱର ହେବି
- ଓଡିଶାରେ ଗ୍ରୀନ ଆମୋନିଆ ଓ ଗ୍ରୀନ ହାଇଡ୍ରୋଜେନ ପ୍ରକଳ୍ପ
- ରାଣୀଙ୍କ ଆଖିରେ ଲୁହ !
- ହାତ ଛାଡି ପଦ୍ମ ଧରିଲେ ପୂର୍ବତନ ଦିଲ୍ଲୀ କଂଗ୍ରେସ ଅଧ୍ୟକ୍ଷ ଅରବିନ୍ଦର ସିଂ ଲଭଲୀ
- ‘ରାହୁଲ ଗାନ୍ଧୀ ପାକିସ୍ତାନରୁ ନିର୍ବାଚନ ଲଢିବା ଉଚିତ୍’
- ରାଜ୍ୟପାଳଙ୍କ ଉପରେ ଯୌନ ଉତ୍ପୀଡନ ଅଭିଯୋଗ; ରାଜଭବନର ସିସିଟିଭ ଫୁଟେଜ୍ ମାଗିଲେ କଲିକତା ପୋଲିସ୍
- ଆମ୍ରି ହସ୍ପିଟାଲ ପକ୍ଷରୁ ମାଗଣା ଯକୃତ ପରାମର୍ଶ ଶିବିର ଆୟୋଜିତ
- ଓଡିଶା ପାଇଁ କଂଗ୍ରେସର ଷ୍ଟାର ପ୍ରଚାରକ ତାଲିକା ଘୋଷଣା
- ପ୍ରଚାର ବେଳେ ବୃଦ୍ଧାଙ୍କୁ ଚାପୁଡ଼ା ମାରିଲେ କଂଗ୍ରେସ ପ୍ରାର୍ଥୀ, ଭିଡିଓ ଭାଇରାଲ