ନୂଆଦିଲ୍ଲୀ: ବିଶ୍ୱ ମହାମାରୀ କରୋନା ଜୀବାଣୁ ଯୋଗୁଁ ବିଶ୍ୱ ସ୍ତରରେ ମୃତ୍ୟୁସଂଖ୍ୟା ୫୮୩୩ କୁ ବୃଦ୍ଧି ପାଇଥିବାବେଳେ ଏହାର ସଂକ୍ରମଣ ୧.୫୫ ଲକ୍ଷରୁ ଅଧିକ ଲୋକଙ୍କ ନିକଟକୁ ବ୍ୟାପି ସାରିଛି। ଭାରତରେ ମଧ୍ୟ ଏହି ସଂକ୍ରମଣ ୧୦୦ ଅତିକ୍ରମ କରିଥିବା ବେଳେ ଏଥିରେ ଦୁଇ ଜଣଙ୍କର ମୃତ୍ୟୁ ହୋଇଛି।
ଭାରତର ଜନସଂଖ୍ୟା ୧୩୫ କୋଟିରୁ ଅଧିକ, କିନ୍ତୁ ତା’ପରେ ମଧ୍ୟ ଅନ୍ୟଦେଶ ତୁଳନାରେ ଏଠାରେ ସଂକ୍ରମଣ କମ୍ ବ୍ୟାପୁଛି । ଅନ୍ୟପକ୍ଷରେ ଇଟାଲୀ ପରି ଏକ ଛୋଟ ଦେଶରେ ଏହି ସଂକ୍ରମଣ ହଇଚଇ ସୃଷ୍ଟି କରିଛି ।
ଏହି ମାରାତ୍ମକ ରୋଗ ମୁକାବିଲ କରିବା କ୍ଷେତ୍ରରେ ଭାରତ ଚୀନ,ଆମେରିକା ସମେତ ବଡ଼ ବଡ଼ ବିଶ୍ୱକୁ ପଛରେ ପକାଇ ଦେଇଛି ।
ଭାରତ କିପରି ଆମେରିକା-ଚୀନ୍-ଇଟାଲୀକୁ ପଛରେ ପକାଇ ଦେଇଛି ଜାଣନ୍ତୁ…
ଚାଇନାରେ ଉହାନ ସହର ଯେଉଁ ସ୍ଥାନରୁ କରୋନା ଜୀବାଣୁ ବିସ୍ତାର ହେବାକୁ ଲାଗିଲା ବର୍ତ୍ତମାନ ସେଠାରେ ମୃତ୍ୟୁ ସଂଖ୍ୟା ୩ ହଜାର ମାର୍କ ଅତିକ୍ରମ କରିସାରିଥିବା ବେଳେ ପ୍ରାୟ ୮୧ ହଜାର ଲୋକଙ୍କଠାରେ ଏହାର ସଂକ୍ରମଣ ନିଶ୍ଚିତ ହୋଇଛି।
ଯୁକ୍ତରାଷ୍ଟ୍ର ଆମେରିକାରେ କରୋନା ଜୀବାଣୁ ଯୋଗୁଁ ଏଯାବତ ୫୭ ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ ୩୦୦୦ ଲୋକ ସଂକ୍ରମିତ ହୋଇଛନ୍ତି।
ସବୁଠାରୁ ଖରାପ ରାହୁଛୁ ଇଟାଲୀର ସ୍ଥିତି । ଯେଉଁଠାରେ ୧୪୦୦ ରୁ ଅଧିକ ଲୋକ ପ୍ରାଣ ହରାଇଥିବାବେଳେ ୨୧ ହଜାରରୁ ଅଧିକ ଲୋକ ଏହି ଭୂତାଣୁରେ ସଂକ୍ରମିତ ହୋଇଛନ୍ତି।
ଏହି ଦେଶ ଗୁଡିକ ତୁଳନାରେ ଭାରତରେ କରୋନା ପ୍ରଭାବିତଙ୍କ ସଂଖ୍ୟା ଯଥେଷ୍ଟ କମ୍ । ଏହି ଗୁରୁତ୍ୱପୂର୍ଣ୍ଣ ତଥ୍ୟ ସ୍ପଷ୍ଟ କରିବ ଯେ କରୋନା ବିରୋଧରେ ଲଢେଇରେ ଆମେରିକା ଏବଂ ଚୀନ୍ ଭଳି ଦେଶକୁ ଭାରତ କିପରି ପଛରେ ପକାଇ ଦେଇଛି ।
ଆମେରିକା ପୂର୍ବରୁ ବିମାନବନ୍ଦରରେ ସ୍କ୍ରିନିଂ ଆରମ୍ଭ କରିଥିଲା ଭାରତ:
ଆମେରିକା ପୂର୍ବରୁ ବିଦେଶରୁ ଫେରୁଥିବା ଯାତ୍ରୀମାନଙ୍କୁ ଭାରତ ଯାଞ୍ଚ କରିବା ଆରମ୍ଭ କରିଥିଲା। ଭାରତରେ, ଜାନୁୟାରୀ ୨୨ ରେ କରୋନା ଜୀବାଣୁ ବିଷୟରେ ବିମାନ ବନ୍ଦରରେ ଯାଞ୍ଚ ଆରମ୍ଭ ହୋଇଥିଲା, କିନ୍ତୁ ଜାନୁଆରୀ ୨୫ ପରେ ଆମେରିକା ଏହି ପଦକ୍ଷେପ ନେଇଥିଲା।
ଉଦ୍ଧାର କାର୍ଯ୍ୟ କ୍ଷେତ୍ରରେ ମଧ୍ୟ ଶୀର୍ଷରେ ରହିଛି ଭାରତ…
ରେସ୍କ୍ୟୁ ଅପରେସନ୍ ଦୃଷ୍ଟିରୁ ଭାରତ ସର୍ବାଧିକ ସଂଖ୍ୟକ ବିମାନ ନେଇଛି। ଚୀନ୍, ଇରାନ, ଇଟାଲୀ ଇତ୍ୟାଦି ଦେଶରୁ ହଜାର ହଜାର ଭାରତୀୟଙ୍କୁ ସ୍ଥାନାନ୍ତର କରାଯାଇଛି। ରବିବାର ଦିନ, ଇରାନରୁ ୨୩୪ ଜଣ ଭାରତୀୟ ଏବଂ ଇଟାଲୀରୁ ୨୧୮ ଜଣ ଭାରତୀୟଙ୍କୁ ଭାରତ ଅଣାଯାଇଛି।
ବେଳ ଥାଉଥାଉ ଆଇସୋଲେସନ ୱାର୍ଡ ବ୍ୟବସ୍ଥା:
ଏହି ଭୁତାଣୁ ଭୟାଭତାକୁ ଦୃଷ୍ଟିରେ ରଖି ଭାରତରେ ଆରମ୍ଭରୁ ଆଇସୋଲେସନ ୱାର୍ଡ ବ୍ୟବସ୍ଥା କରାଯାଇଥିଲା ।, ଯାହାଫଳରେ ବିଦେଶରୁ ବାହାର କରାଯାଇଥିବା ଲୋକଙ୍କୁ ଏବଂ ଅନ୍ୟ କରୋନା ସଂକ୍ରମିତ ଲୋକଙ୍କୁ ପୃଥକ ଭାବରେ ରଖାଯାଇପାରିବ। ଏପର୍ଯ୍ୟନ୍ତ କୌଣସି ପ୍ରଭାବିତ ବ୍ୟକ୍ତି ସରକାରଙ୍କ ଉପରେ ଅଙ୍ଗୁଳି ନିର୍ଦ୍ଦେଶ କରିନାହାଁନ୍ତି। କେବଳ ଏତିକି ନୁହେଁ, ଭାରତ ସରକାରଙ୍କ ପ୍ରସ୍ତୁତି ଉପରେ କୌଣସି ପ୍ରାମାଣିକ ସଂଗଠନ କୌଣସି ଣସି ନକାରାତ୍ମକ ପ୍ରତିକ୍ରିୟା ମଧ୍ୟ ଦେଇନାହାଁନ୍ତି।
ସ୍ୱତନ୍ତ୍ର ପରୀକ୍ଷା ଏବଂ ଲ୍ୟାବ ବ୍ୟବସ୍ଥା:
ଏପର୍ଯ୍ୟନ୍ତ ଭାରତରେ ପ୍ରାୟ ୭୦ ହଜାର ନମୁନା ପରୀକ୍ଷା କରାଯାଇଛି । ଆଇସିଏମଆର ବୈଜ୍ଞାନିକ ଗଙ୍ଗା ଖେଡକର କହିଛନ୍ତି ଯେ ଆମ ପାଖରେ ବର୍ତ୍ତମାନ ୧ ଲକ୍ଷ କିଟ୍ ଉପଲବ୍ଧ ଅଛି ଏବଂ ୨ ଲକ୍ଷ ଅତିରିକ୍ତ କିଟ୍ ଅର୍ଡର ଦିଆଯାଇଛି। ତାଙ୍କ କହିବାନୁସାରେ, ବର୍ତ୍ତମାନ ଭାରତରେ ଦୈନିକ ପ୍ରାୟ ୧୦ ହଜାର ପରୀକ୍ଷା କରିବାର କ୍ଷମତା ରହିଛି। ନମୁନା ପରୀକ୍ଷା କରିବା ପାଇଁ ୬୫ ଟି ଲ୍ୟାବ ଅଛି ଏବଂ ଦଳୀୟ ପରୀକ୍ଷା ପାଇଁ ୩୨ ଟି ଲ୍ୟାବ ମଧ୍ୟ ଉପଲବ୍ଧ | କରୋନା ସହିତ ଲଢ଼ିବା ପାଇଁ ଭାରତ କେତେ ଦୃଢ଼ ପ୍ରସ୍ତୁତ ତାହା ଏସବୁ ଦର୍ଶାଏ ।