ବୁଷ୍ଟର ଡୋଜର ଦିନକ ଆଗରୁ କମିଗଲା ଟୀକା ଦର

ଭୁବନେଶ୍ୱର: ସାରା ଦେଶରେ ଏପ୍ରିଲ ୧୦ରୁ କରୋନା ଟୀକାର ବୁଷ୍ଟର ଡୋଜ ଦିଆଯିବ । ଏହାର ଦିନକ ପୂର୍ବରୁ କମିଯାଇଛି ଟୀକାର ଦର । ସରକାର ଉଭୟ କୋଭିସିଲ୍ଡ ଓ କୋଭାକ୍ସିନ ଟୀକାକୁ ସର୍ବସାଧାରଣ ପାଇଁ ମାଗଣା କରିଛନ୍ତି ।

କିନ୍ତୁ ସ୍ୱେଚ୍ଛାକୃତ ଭାବେ ବେସରକାରୀ ଡାକ୍ତରଖାନାରେ ନେଉଥିବା ବ୍ୟକ୍ତିଙ୍କୁ ଦେୟଯୁକ୍ତ ଅଟେ । ଏହି ଦେୟଯୁକ୍ତ ଟୀକାର ଦରଟି କମିଯାଇଛି । ଉଭୟ ଟୀକାର ମୂଲ୍ୟ କମି ୨୨୫ ଟଙ୍କା ଧାର୍ଯ୍ୟ ହୋଇଛି । ପୂର୍ବରୁ କୋଭାକ୍ସିନ ଗୋଟିଏ ଡୋଜର ଦର ଥିଲା- ୧୨୦୦ ଟଙ୍କା । ଏବଂ କୋଭିସିଲ୍ଡର ମୂଲ୍ୟ ଥିଲା- ୬୦୦ ଟଙ୍କା ପ୍ରତି ଡୋଜ ।

ଶନିବାର କୋଭିସିଲ୍ଡ ପ୍ରସ୍ତୁତକାରୀ ସଂସ୍ଥା ସେରମ ଇନଷ୍ଟିଚ୍ୟୁଟ ଅଫ ଇଣ୍ଟିଆର ସିଇଓ ଆଦର ପୁନାୱାଲା ଟ୍ୱିଟ କରି ଏହି ସୂଚନା ଦେଇଛନ୍ତି । ଆଦର ଲେଖିଛନ୍ତି, କେନ୍ଦ୍ର ସରକାରଙ୍କ ସହ ଆଲୋଚନା କରିବା ପରେ ଏହି ଟୀକାର ଦର କମାଯାଇଛି ।

We are pleased to announce that after discussion with the Central Government, SII has decided to revise the price of COVISHIELD vaccine for private hospitals from Rs.600 to Rs 225 per dose. We once again commend this decision from the Centre to open precautionary dose to all 18+.

— Adar Poonawalla (@adarpoonawalla) April 9, 2022

ସମସ୍ତ ନାଗରିକଙ୍କୁ ବୁଷ୍ଟର ଡୋଜ ନେବାକୁ ବ୍ୟବସ୍ଥା କରିବା ପାଇଁ ସେ କେନ୍ଦ୍ର ସରକାରଙ୍କ ପ୍ରଶଂସା କରିଛନ୍ତି । ଅନ୍ୟପଟେ କୋଭାକ୍ସିନ ନିର୍ମାତା ଭାରତ ବାୟୋଟେକର ସହପ୍ରତିଷ୍ଠାତା ସୁଚିତ୍ରା ଇଲ୍ଲା ମଧ୍ୟ ସମାନ କଥା ଲେଖି ଦର ହ୍ରାସ ସୂଚନା ଦେଇଛନ୍ତି ।

Announcing #CovaxinPricing .
We welcome the decision to make available precautionary dose for all adults. In consultation with the Central Government, we have decided to revise the price of #COVAXIN from Rs 1200 to Rs 225 per dose, for #privatehospitals.🇮🇳💉💉💉😷

— Suchitra Ella (@SuchitraElla) April 9, 2022

ଘରୋଇ ହସ୍ପିଟାଲରେ ହେଉଥିବା ଟୀକାକରଣରେ ବାବଦକୁ ୧୫୦ ଟଙ୍କା ପର୍ଯ୍ୟନ୍ତ ସେବା କର ନେଇପାରିବେ ।