ପୁରୀ: ଆଜିଠୁ ସବୁଦିନ ଜଗା ଦୁଆର ଖୋଲା । ଆଜିଠାରୁ ସବୁ ଦିନ ଶ୍ରୀମନ୍ଦିରରେ ଶ୍ରୀଜିଉଙ୍କୁ ଦର୍ଶନ କରି ପାରିବେ ଭକ୍ତ । ରବିବାର ବି ମନ୍ଦିର ଖୋଲା ରହିବ । ସକାଳ ୬ଟାରୁ ଆରମ୍ଭ ହୋଇଛି ସର୍ବସାଧାରଣ ଦର୍ଶନ । କୋଭିଡ୍ ଗାଇଡଲାଇନ୍ ମାନି ମାସ୍କ ପିନ୍ଧି ହାତ ସାନିଟାଇଜ୍ କରିବା ପରେ ସିଂହଦ୍ୱାର ଦେଇ ମନ୍ଦିର ଭିତରେ ପ୍ରବେଶ କରୁଛନ୍ତି ଶ୍ରଦ୍ଧାଳୁ । ଦର୍ଶନ ବ୍ୟବସ୍ଥା କୋହଳ ହେବା ପରେ ଅଧିକ ଭକ୍ତଙ୍କ ସମାଗମ ଆଶା କରାଯାଉଛି ।
ସେହିପରି ଆଜିଠୁ ଆନନ୍ଦବଜାରରେ ବସି ଅବଢ଼ା ଖାଇବାର ସୁଯୋଗ ପାଇବେ ଭକ୍ତ । ଆଜି ୧୦ରୁ ୧୨ ହଜାର ଭକ୍ତ ଆନନ୍ଦବଜାରରେ ବସି ମହାପ୍ରସାଦ ସେବନ କରିବାର ବ୍ୟବସ୍ଥା କରିଛି ପ୍ରଶାସନ । ସାମାଜିକ ଦୂରତା ରକ୍ଷା କରି ଶ୍ରଦ୍ଧାଳୁ ଅବଢ଼ା ସେବନ କରିବା ଉପରେ ଗୁରୁତ୍ୱ ଦିଆଯାଇଛି ।ସେହିପରି ମନ୍ଦିର ଭିତରେ ଆଜିଠାରୁ ଦୀପ ଲଗାଇପାରିବେ ଭକ୍ତ । ଏଥିପାଇଁ ନିର୍ଦ୍ଦିଷ୍ଟ ସ୍ଥାନରେ ଦୀପ ଦାନ ବ୍ୟବସ୍ଥା କରାଯାଇଛି ।
ମନ୍ଦିର ଭିତରେ ପାନ, ଗୁଟଖା ଆଦି ଖାଇବା ମନା । ନିୟମର ଉଲ୍ଲଂଘନ କଲେ ହଜାରେ ଟଙ୍କା ଫାଇନ୍ ଗଣିବେ । ପ୍ଲାଷ୍ଟକ ମୁକ୍ତ ପାଇଁ ପଦକ୍ଷେପ ନେଇଛି ପ୍ରଶାସନ । ପଲିଥିନ୍ ବ୍ୟବହାର କଲେ ଶହେ ଟଙ୍କା ଜରିମାନା ଆଦାୟ ହେବ । ସପ୍ତାହରେ ତିନି ଦିନ ସର୍ବସାଧାରଣ ଦର୍ଶନ ସରିବା ପରେ ଶ୍ରୀମନ୍ଦିରକୁ ସାନିଟାଇଜ୍ କରାଯିବ ।
Comments are closed.