ସୁରଟ: ତୁର୍କି ଓ ସିରିଆ ଭୂକମ୍ପ ଭୟାବହତା ମନରୁ ଲିଭିନି, ଭାରତରେ ଅନୁଭୂତ ହେଲା ଭୂକମ୍ପ ଝଟକା । ଗୁଜରାଟରେ ୨୪ ଘଣ୍ଟା ମଧ୍ୟରେ ୨ ଥର ଭୂକମ୍ପ ଝଟକ ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୩.୮ ଓ ୩.୭ ରହିଛି । ଏହି ଭୂକମ୍ପରେ କୌଣସି କ୍ଷୟକ୍ଷତି ହୋଇ ନ ଥିଲେ ହେଁ ଲୋକମାନେ ଭୟଭୀତ ହୋଇପଡିଥିଲେ ।
ପ୍ରଥମେ ଗତ ରାତିରେ ଗୁଜରାଟର ସୁରଟ ଅଞ୍ଚଳରେ ଭୂକମ୍ପ ଅନୁଭୂତ ହୋଇଥିଲା । ପରେ କଚ୍ଛରେ ବି ଭୂକମ୍ପ ଝଟକା ଅନୁଭୂତ ହୋଇଥିଲା । ଭୂକମ୍ପ ବିଜ୍ଞାନୀଙ୍କ ସୂଚନା ଅନୁସାରେ କଚ୍ଛରେ ଅନୁଭୂତ ହୋଇଥିବା ଭୂକମ୍ପର ତୀବ୍ରତା ୩.୮ମାଗ୍ସିଚ୍ୟୁଟ ରହିଛି । ଏହାର କେନ୍ଦ୍ରସ୍ଥଳ ଆରବସାଗର ଥିଲା ।
ଗୁଜରାଟବାସୀ ଅନେକ ବଡ ବଡ ଭୂକମ୍ପକୁ ସାମ୍ନା କରିଛନ୍ତି । ୧୮୧୯, ୧୮୪୫, ୧୮୪୭, ୧୮୪୮, ୧୮୬୪, ୧୯୦୩, ୧୯୩୮, ୧୯୫୬, ଓ ୨୦୦୧ରେ ଭୂକମ୍ପର ଜବରଦସ୍ତ ଝଟକା ଲାଗିଥିଲା ଏହି ରାଜ୍ୟରେ । ୨୦୦୧ରେ ଗୁଜରାଟର ସର୍ବାଧିକ କ୍ଷୟକ୍ଷତି ହୋଇଥିଲା । ଏଥିରେ ୧୩,୮୦୦ରୁ ଅଧିକ ଲୋକ ମୃତ୍ୟୁବରଣ କରିଥିଲେ । ସୂଚନାଥାଉ କି, ରାଜ୍ୟ ବିପଦ ପ୍ରବନ୍ଧନ ପ୍ରାଧୀକରଣ ମୁତାବକ ଗୁଜରାଟରେ ଭୂକମ୍ପ ବିପଦ ସର୍ବାଧିକ ରହିଛି ।
