ବାଲେଶ୍ୱର: ବାଲେଶ୍ୱର ଜିଲ୍ଲାରେ ଏକ ସଡ଼କ ଦୁର୍ଘଟଣାରେ ବୁଧବାର ଦିନ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଆଉ ଗୋଟିଏ ଦିନ ପରେ ସେ ବିବାହ ବନ୍ଧନରେ ବାନ୍ଧି ହୋଇଥାନ୍ତେ।
ମୃତକଙ୍କ ନାମ ହରେକୃଷ୍ଣ ମହାଳିକ ହୋଇଥିଲା ବେଳେ ଦିନକ ପରେ ବିବାହ କରିଥାନ୍ତେ।
ରାଜ୍ୟ ରାଜପଥ-୧୯ର ବାଲିଗୋହିରୀ ନିକଟରେ ଏହି ଦୁର୍ଘଟଣା ଘଟିଥିଲା। ସୂଚନା ଅନୁଯାୟୀ, ସେ ବିବାହ ପାଇଁ ତାଙ୍କ ଭଉଣୀଙ୍କୁ ଆଣିବାକୁ ଯାଉଥିବା ବେଳେ ତାଙ୍କ କାର ଏକ ଡମ୍ପର ସହିତ ମୁହାଁମୁହିଁ ଧକ୍କା ହୋଇଥିଲା। କାରରେ ଥିବା ତାଙ୍କ କାକା ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଏହି ଖବର ଶୁଣି ବିବାହ ପାଇଁ ପ୍ରସ୍ତୁତ ହୋଇଥିବା ପରିବାର କାନ୍ଦ ବୋବାଳିରେ ଫାଟି ପଡୁଛି।
ତେବେ ପୋଲିସ ଘଟଣାରେ ତଦନ୍ତ ଆରମ୍ଭ କରିବା ସହ ଡମ୍ପରକୁ ଜବତ କରିଛି।
Comments are closed.