ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ତାତ୍ସଲ୍ୟ କରି ଅଡୁଆରେ ପଡିଛନ୍ତି ତୃଣମୂଳ କଂଗ୍ରେସ ନେତା ଅଖିଳ ଗିରି । ଏପରି ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଅଖିଳ ଗିରି ନନ୍ଦିଗ୍ରାମରେ ଏକ ରାଲିରେ ଭାଷଣ ଦେଉଛନ୍ତି । ରାଷ୍ଟ୍ରପତିଙ୍କ ରଙ୍ଗ, ରୂପକୁ ନେଇ ସେ ଅତି କୁତ୍ସିତ ମନ୍ତବ୍ୟ ଦେଉଛନ୍ତି ।
ସେଥିପାଇଁ ସୋସିଆଲ ମିଡିଆରେ ତାଙ୍କୁ ଟ୍ରୋଲର ଶିକାର ହେବାକୁ ପଡିଛି । ବିଜେପି ଖୁଲମଖୁଲା ଅଖିଲଙ୍କୁ ସମାଲୋଚନା କରିବାକୁ ପଛାଇନାହିଁ । ବିଜେପି ନେତା ଶୁଭେନ୍ଦୁ ଅଧିକାରୀଙ୍କୁ ଟାର୍ଗେଟ୍ କରି ଭାଷଣ ଦେବା ବେଳେ ସେ ରାଷ୍ଟ୍ରପତିଙ୍କ ରୂପ ସମ୍ପର୍କରେ ପ୍ରଶ୍ନ ଉଠାଇଥିଲେ । ଏହାପରେ ପଶ୍ଚିମବଙ୍ଗ ବିଜେପି ଟ୍ୱିଟରରେ ଏକ ଭିଡିଓ ସେୟାର କରିଛି ।
President Droupadi Murmu, hails from the Tribal community. Akhil Giri, TMC Minister of Correctional Homes made objectionable comments about her in the presence of Shashi Panja, another minister from the women’s welfare department
Mamata Banerjee and TMC are anti-tribal. pic.twitter.com/vJNiZ7nBLM
— BJP Bengal (@BJP4Bengal) November 11, 2022
ଯେଉଁଥିରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ଟିଏମସିକୁ ଆଣ୍ଟି-ଟ୍ରାଇବାଲ୍ ବୋଲି ଉଲ୍ଲେଖ କରାଯାଇଛି । ଦ୍ରୌପଦୀ ମୁର୍ମୁ ଜନଜାତି ହୋଇଥିବାରୁ ଟିଏମସି ନେତା ତାତ୍ସଲ୍ୟ କରୁଛନ୍ତି ବୋଲି ବିଜେପି ଅଭିଯୋଗ ଆଣିଛି । ସବୁଠୁ ବଡ଼ କଥା ସେହି ରାଲିରେ ରାଜ୍ୟ ମହିଳା ଜନକଲ୍ୟାଣ ମନ୍ତ୍ରୀ ଶଶି ପଞ୍ଜା ମଧ୍ୟ ଉପସ୍ଥିତ ଥିଲେ । ଟିଏମସିର ଭିଡିଓକୁ ରିଟ୍ୱିଟ୍ କରିଛି ବିଜେପି । ଟିଏମସି ଆଣ୍ଟି-ଟ୍ରାଇବାଲ୍ ବୋଲି କଟାକ୍ଷ କରିଛନ୍ତି ବିଜେପି ନେତା ଅମିତ୍ ମାଲବୀୟ ।
