ଆଡିଲେଡ: ବର୍ଡର-ଗାଭାସ୍କର ଟ୍ରଫିର ଦ୍ୱିତୀୟ ମ୍ୟାଚ ଆଡିଲେଡରେ ଖେଳାଯିବ । ଏହି ଦିବାରାତ୍ର ଟେଷ୍ଟରେ ଭାରତ ଭଲ ପ୍ରଦର୍ଶନ ଲକ୍ଷ୍ୟରେ ରହିଛି । ତେବେ ଗୋଲାପୀ ବଲ ମୁକାବିଲାରେ ଅଷ୍ଟ୍ରେଲିଆ ପ୍ରଦର୍ଶନ ଉତ୍ସାହଜନକ ରହିଛି । ଯାହାକି ଟିମ ଇଣ୍ଡିଆ ପାଇଁ ଚିନ୍ତାର କାରଣ ସାଜିଛି । ପର୍ଥ ଟେଷ୍ଟରେ ବିଜୟ ହାସଲ କରିବା ଯୋଗୁ ଭାରତୀୟ ଟିମ ମନୋବଳ ଉଚ୍ଚରେ ରହିଛି । ଅଷ୍ଟ୍ରେଲିଆକୁ ମଧ୍ୟ ଏହି ମ୍ୟାଚରେ ଭାରତ କଡା ଚ୍ୟାଲେଞ୍ଜ ଦେବ । ରୋହିତ ଶର୍ମା ଓ ଶୁଭମନ ଗିଲ ଏହି ମ୍ୟାଚରେ ଖେଳିବା ଏକପ୍ରକାର ନିଶ୍ଚିତ ହୋଇଛି । ଦେବଦତ ପାଡିକଲ ଓ ଧ୍ରୁବ ଜୁରେଲ ବାଦ ପଡିବା ନିଶ୍ଚିତ । କେଏଲ ରାହୁଲଙ୍କୁ କେଉଁ ସ୍ଥାନରେ ବ୍ୟାଟିଂ କରିବା ପାଇଁ ପଠାଯିବ ସେ ଟିମ ଇଣ୍ଡିଆ ଦ୍ୱନ୍ଦ୍ୱରେ ରହିଛି ।
ବିରାଟ କୋହଲି ଶତକ ମାରି ଫର୍ମକୁ ଫେରିଥିବା ବେଳେ ଏବେ ରୋହିତ ଶର୍ମାଙ୍କ ପ୍ରଦର୍ଶନ ଉପରେ ନଜର ରହିବ । ଭାରତ ୪ଟି ଦିବାରାତ୍ର ଟେଷ୍ଟ ଖେଳି ୩ଟି ବିଜୟ ହାସଲ କରିଥିବା ବେଳେ ଗୋଟିକରେ ପରାଜିତ ହୋଇଛି । ସେହିପରି ଅଷ୍ଟ୍ରେଲିଆ ୧୨ଟି ମ୍ୟାଚ ଖେଳି ୧୧ରେ ବିଜୟ ହୋଇଛି ।
୨୦୨୦ରେ ଭାରତ ଏଠାରେ ଶୋଚନୀୟ ଭାବେ ପରାଜିତ ହୋଇଥିଲା । ଭାରତ ପ୍ରଥମ ଇନିଂସରେ ୨୪୪ ରନ କରିଥିଲା । ଅଷ୍ଟ୍ରେଲିଆ ୧୯୧ ରନରେ ଅଲଆଉଟ ହୋଇ ଯାଇଥିଲା । ଜବାବରେ ଟିମ ଇଣ୍ଡିଆ ୩୬ ରନରେ ଅଲଆଉଟ ହୋଇ ଯାଇଥିଲା । ଅଷ୍ଟ୍ରେଲିଆ ୨ ୱିକେଟ ହରାଇ ବିଜୟ ଲକ୍ଷ୍ୟ ହାସଲ କରିନେଇଥିଲା । ଜୋଶ ହାଜେଉଡଙ୍କ ଅନୁପସ୍ଥିତି ଭାରତକୁ ଫାଇଦାରେ ରଖିବ ବୋଲି ଆଶା କରାଯାଉଛି ।
Comments are closed.