ପାକିସ୍ତାନର ଅଣ୍ଟା ଭାଙ୍ଗିଥିଲା ୧୫ ବ୍ରହ୍ମୋସ୍: ଧଡାଧଡ୍ ମାଡରେ ମାଟି କାମୁଡିଥିଲା ପାକ୍ ଏୟାର ଡିଫେନ୍ସ

ନୂଆଦିଲ୍ଲୀ: ଅପରେସନ ସିନ୍ଦୂରରେ ପାକିସ୍ତାନରେ ତାଣ୍ଡବ ରଚିଥିଲା ବିଧ୍ୱଂସୀ ବ୍ରହ୍ମୋସ୍‌ । ପାକିସ୍ତାନ ଉପରେ ୧୫ଟି ବ୍ରହ୍ମୋସ୍ ଆଟାକ୍ କରିଥିଲା ଭାରତ । ୧୫ ବ୍ରହ୍ମୋସ୍ ମାଡରେ ପାକିସ୍ତାନ ଏୟାର ଡିଫେନ୍ସ ସିଷ୍ଟମକୁ ଧୂଳି ଚଟାଇଥିଲା ଭାରତ । ଭାରତ ଦ୍ୱାରା ଅପରେସନ ସିନ୍ଦୂର ଆରମ୍ଭ ହେବା ପରେ ପାକିସ୍ତାନ ଭୟଭୀତ ଅବସ୍ଥାରେ ଥିଲା। ଯାହାକୁ ନେଇ ସେ କେବଳ ଭାରତ ଉପରେ ଆକ୍ରମଣ କରିବାକୁ ନିରନ୍ତର ବିଫଳ ପ୍ରୟାସ କରୁଥିଲା । ସେ ଆକ୍ରମଣରେ ଡ୍ରୋନ୍ ଏବଂ କ୍ଷେପଣାସ୍ତ୍ର ବ୍ୟବହାର କରୁଥିଲା । ହେଲଷ ଭାରତ ପକ୍ଷରୁ ଏହାର କଡା ଜବାବ ଦେଇଥିଲା ବିଧ୍ବସିଂ ବ୍ରହ୍ମୋସ୍ ।  ଏହି ଆକ୍ରମଣର ଜବାବରେ, ଭାରତୀୟ ସେନା ବ୍ରହ୍ମୋସ୍ କ୍ଷେପଣାସ୍ତ୍ର ବ୍ୟବହାର କରିଥିଲା । ଗୋଟିଏ କି ଦୁଇଟି ନୁହେଁ ୧୫ଟି ବ୍ରହ୍ମୋସ୍ ମିସାଇଲ୍ ପାକିସ୍ତାନର ସବୁ ପ୍ରୟାସକୁ ପଣ୍ଡ କରିଥିଲା । ଏନେଇ ପ୍ରତିରକ୍ଷା ସଂସ୍ଥା ପକ୍ଷରୁ ସୂଚନା ଦିଆଯାଇଛି ।

ତେବେ ଭାରତ ଅପରେସନ ସିନ୍ଦୂରରେ ପାକିସ୍ତାନୀ ବାୟୁସେନା ଘାଟି ଉପରେ ୧୫ ଟି ବ୍ରହ୍ମୋସ ଗୁଳି ଚଳାଇଥିଲା। ଏହାର ଲକ୍ଷ୍ୟ ଥିଲା ପାକିସ୍ତାନର ବିମାନ ଉଡ଼ାଣ ଏବଂ ଅନ୍ୟାନ୍ୟ କାର୍ଯ୍ୟ କରିବାର କ୍ଷମତାକୁ ନଷ୍ଟ କରିବା। ମେ ୯ ଏବଂ ୧୦ ରାତିରେ, ଭାରତୀୟ ବାୟୁସେନା ଅନ୍ୟ ବାହିନୀର ସହାୟତାରେ ପାକିସ୍ତାନର ୧୩ ଟି ଏୟାରବେସରୁ ୧୧ ଟିକୁ ଟାର୍ଗେଟ କରି ଚୀନର ବାୟୁ ପ୍ରତିରକ୍ଷା ପ୍ରଣାଳୀକୁ ଧ୍ୱଂସ କରିଦେଇଥିଲା। ଭାରତୀୟ ବାୟୁସେନା ଆଇଏଏଫର ଏହି କାର୍ଯ୍ୟ ଅସୀମ ମୁନିରଙ୍କ ପାକିସ୍ତାନୀ ସେନାରେ ହଇଚଇ ସୃଷ୍ଟି କରିଥିଲା ।

ପହଲଗାମ୍ ଆକ୍ରମଣର ବଡ ଭରଣା ଭରିଛି ପାକିସ୍ତାନ । ଭାରତ ଉପରେ ଆକ୍ରମଣ ପାଇଁ ପାକିସ୍ତାନକୁ ବହୁତ ମୂଲ୍ୟ ଦେବାକୁ ପଡିଛି । ଅସୀମ ମୁନିରଙ୍କ ପାକିସ୍ତାନୀ ସେନା ଭାରତ ଉପରେ ଆକ୍ରମଣ କରିବାକୁ ନିରନ୍ତର ଚେଷ୍ଟା କରି ବିଫଳ ହେଉଥିବା ବେଳେ ଡ୍ରୋନ୍ ଏବଂ କ୍ଷେପଣାସ୍ତ୍ର ବ୍ୟବହାର କରି ଦେଶର ୨୬ଟି ସ୍ଥାନରେ ଆକ୍ରମଣ କରିବାକୁ ଚେଷ୍ଟା କରିଥିଲା ପାକିସ୍ତାନ ସେନା । ଜବାବରେ ଭାରତୀୟ ସେନା ପାକିସ୍ତାନ ଉପରେ ଆକ୍ରମଣ କରିଥିଲା । ଭାରତୀୟ ସେନା ଲାହୋର ସ୍ଥିତ ଶତ୍ରୁ ରାଡାର ସମେତ ପାକିସ୍ତାନୀ ବାୟୁ ପ୍ରତିରକ୍ଷା ରାଡାରକୁ ଟାର୍ଗେଟ କରିଥିଲେ । ଭାରତ ପାକିସ୍ତାନ ଉପରେ ପ୍ରାୟ ୧୫ଟି ବ୍ରହ୍ମୋସ୍ କ୍ଷେପଣାସ୍ତ୍ର ମାଡ଼ କରିଥିଲା।

ଭାରତର ସଠିକ୍ ଆକ୍ରମଣରେ, ପାକିସ୍ତାନ ବହୁ ଗୁରୁତ୍ୱପୂର୍ଣ୍ଣ ଉପକରଣ ସହିତ ଏହାର ଅନେକ ୟୁଏଭି ଏବଂ ଏକ ବାୟୁ ନିରୀକ୍ଷଣ ବିମାନ ଧ୍ବଂସ ହୋଇଯାଇଛି । ଏହି ସମ୍ପୂର୍ଣ୍ଣ ଅପରେସନ୍ ଭାରତର ପ୍ରତିରକ୍ଷା ମୁଖ୍ୟ, ସିଡିଏସ୍ ଏବଂ ଜାତୀୟ ସୁରକ୍ଷା ପରାମର୍ଶଦାତା, ଏନଏସଏ ମିଳିତ ଭାବରେ ନେତୃତ୍ୱ ନେଇଥିଲେ। ରଣନୀତିଟି ଏପରି ଭାବରେ ପ୍ରସ୍ତୁତ କରାଯାଇଥିଲା ଯେ ପାକିସ୍ତାନ ନିଜେ ପ୍ରତାରିତ ହୋଇଥିଲା । ଫଳରେ ମାଟି କାମୁଡିଥିଲା ପାକ୍ ।

ପାକିସ୍ତାନ ଭାରତ ଉପରେ ଆକ୍ରମଣ କରିବାକୁ ଅନେକ ଚେଷ୍ଟା କରିଥିଲା। ଏଥିପାଇଁ ସେ ତୁର୍କୀ ନିର୍ମିତ ଡ୍ରୋନ୍ ଏବଂ ଚୀନ୍ ଅସ୍ତ୍ରଶସ୍ତ୍ର ବ୍ୟବହାର କରିଥିଲେ। ତଥାପି, ଏହି ଅସ୍ତ୍ରଶସ୍ତ୍ର ଏବଂ କ୍ଷେପଣାସ୍ତ୍ରଗୁଡ଼ିକ ଭାରତୀୟ ପ୍ରତିରକ୍ଷା ବ୍ୟବସ୍ଥା ବିରୁଦ୍ଧରେ ଗୋଟିଏ ମିନିଟ୍ ମଧ୍ୟ ତିଷ୍ଠି ପାରିଲା ନାହିଁ। ଡ୍ରୋନଗୁଡ଼ିକ ଭାରତୀୟ ସୀମାରେ ପ୍ରବେଶ କରିବା ମାତ୍ରେ ପ୍ରତିରକ୍ଷା ବ୍ୟବସ୍ଥା ସେମାନଙ୍କୁ ଧ୍ୱଂସ କରିଥିଲା ।

୨୨ ଏପ୍ରିଲରେ ମଧ୍ୟ ପାକିସ୍ତାନ ଜମ୍ମୁ-କାଶ୍ମୀରର ପହଲଗାମରେ ଆତଙ୍କବାଦୀ ଆକ୍ରମଣ ହେବା ପରେ ତେଜିଥିଲା ଭାରତ ଏବଂ ପାକିସ୍ତାନ ବିବାଦ । ଯେଉଁଠି  ପର୍ଯ୍ୟଟକଙ୍କୁ ସେମାନଙ୍କ ଧର୍ମ ବିଷୟରେ ପଚରାଯିବା ପରେ ଗୁଳି କରାଯାଇଥିଲା। ଏହି ଆକ୍ରମଣରେ ୨୬ ଜଣଙ୍କର ମୃତ୍ୟୁ ହୋଇଥିଲା। ଏହି ଆକ୍ରମଣର ପ୍ରତିଶୋଧ ନେବା ପାଇଁ, ଭାରତ ମେ ୬ ରାତି ଏବଂ ମେ ୭ ଭୋର ସକାଳେ ଅପରେସନ ସିନ୍ଦୂର ଆରମ୍ଭ କରିଥିଲା। ଏହି ଅପରେସନରେ ପାକିସ୍ତାନ ଏବଂ ପିଓକେରେ ଥିବା ୯ଟି ଆତଙ୍କୀ ଅଡ୍ଡା ସମେତ ୧୦୦ରୁ ଅଧିକ ଆତଙ୍କବାଦୀ ନିହତ ହୋଇଥିଲେ । ଭାରତର ଏହି କାର୍ଯ୍ୟାନୁଷ୍ଠାନ ପରେ ପାକିସ୍ତାନ ଭୟଭୀତ ଅବସ୍ଥାରେ ଥିଲା । ଆଉ ବାଚଳଙ୍କ ପରି ଭାରତର ସାଧାରଣ ନାଗରିକ ଏବଂ ସାମରିକ ପ୍ରତିଷ୍ଠାନ ଉପରେ ଆକ୍ରମଣ ଆରମ୍ଭ କରିଥିଲା । ଯାହାର କେବଳ ଜବାବୀ ଆକ୍ରମଣ କରିଥିଲା ଭାରତ । ପରେ ମେ ୧୦ ତାରିଖରେ ଉଭୟ ଦେଶ ମଧ୍ୟରେ ଅସ୍ତ୍ରବିରତି ଲାଗୁ ହୋଇଥିଲା । ତଥାପି ପରେ ଏହାକୁ ଉଲଘଂନ କରିଥିଲା ପାକିସ୍ତାନ ।