ଓଭାଲ: ବିଶ୍ୱକପ କ୍ରିକେଟର ଏକ ପ୍ରତିଦ୍ୱନ୍ଦିତା ମୂଳକ ମ୍ୟାଚରେ ରବିବାର ଦିନ ବିଶ୍ୱର ଦୁଇ ଶକ୍ତିଶାଳୀ ଟିମଙ୍କ ମଧ୍ୟରେ ହୋଇଥିଲା କଡ୍ଡା ଟକ୍କର୍ । ଏହି ମୁକାବିଲାରେ କଙ୍ଗାରୁ ଦଳକୁ ଧୁଳି ଚଟାଇ ଭାରତ ମାରିନେଲା ଜିତାପଟ । ଶକ୍ତିଶାଳୀ ଅଷ୍ଟ୍ରେଲିଆକୁ ୩୬ ରନରେ ପରାସ୍ତ କଲା ଦୁର୍ଦ୍ଦଶ ଭାରତୀୟ କ୍ରିକେଟ ଦଳ ।
ଅଷ୍ଟ୍ରେଲିଆ ଭାରତୀୟ ସ୍କୋର ୩୫୨ ରନକୁ ଅତିକ୍ରମ କରିବାକୁ ମ୍ୟାଚର ଅନ୍ତିମ ବଲ୍ ପର୍ଯ୍ୟନ୍ତ ସଂଘର୍ଷ କରିଥିଲା ।
WATCH: The wickets that kept pegging Australia back in their massive chase#INDvAUS #CWC19 #TeamIndia pic.twitter.com/Mq1lNWhTDj
— ICC (@ICC) June 9, 2019
ମାତ୍ର ଭାରତୀୟ ବୋଲିଂ ବାହିନୀର ଶାଣିତ ବୋଲିଂ ଆଗରେ କଙ୍ଗାରୁ ଦଳ ପରାଜୟ ବରଣ କରିବାକୁ ଏକରକମ ବାଧ୍ୟ ହେଲା ।
Chahal gets another and #TeamIndia are closing in on their second victory!
Substitute Ravindra Jadeja takes a fine catch running in off the boundary.#INDvAUS #CWC19 pic.twitter.com/7Zxo0sl18g
— Cricket World Cup (@cricketworldcup) June 9, 2019
ଭାରତୀୟ ଫାଷ୍ଟ ବୋଲର୍ ବୁମରା ଓ ଭୁବନେଶ୍ୱର କୁମାର ବ୍ୟାଟିଂ ପିଚରେ ମାପଚୁପ ବୋଲିଂ କରି ୬ଟି ଅଷ୍ଟ୍ରେଲୀୟ ୱିକେଟ ଅକ୍ତିଆର କରିଥିଲେ । ସ୍ପିନ ଯାଦୁକର ୟଜବେନ୍ଦ୍ର ଚହଲ ଚମତ୍କାର ବୋଲିଂ କରି ମୂଲ୍ୟବାନ ୨ଟି ୱିକେଟ ଅକ୍ତିଆର କରିପାରିଛନ୍ତି । ଭାରତୀୟ ବିଶାଳ ସ୍କୋରକୁ ଛୁଇଁବାକୁ କଙ୍ଗାରୁ ଦଳ ରନ୍ ପଛରେ ଧାଉଁଥିବାର ଦେଖାଯାଇଥିଲା, ଏହାର ଫାଇଦା ଉଠାଇ ଦକ୍ଷ ଭାରତୀୟ ଫିଲ୍ଡର୍ ୨ଟି ରନଆଉଟ କରିଥିଲେ ।
Today’s Player of the Match is Shikhar Dhawan for his magnificent 117 off 109 balls, hitting 16×4!#TeamIndia #INDvAUS #CWC19 pic.twitter.com/auEziC5Ill
— Cricket World Cup (@cricketworldcup) June 9, 2019
ଅଷ୍ଟ୍ରେଲିଆ ପକ୍ଷରୁ ସ୍ମିଥ ସର୍ବାଧିକ ୬୯ ରନ କରିଥିଲେ । ଓପନର ୱାର୍ଣ୍ଣର୍ ୫୬ ଏବଂ କପ୍ତାନ ଫିଞ୍ଚ ୩୬ ରନ କରିପାରିଥିଲେ । ସେହିପରି ୱିକେଟରକ୍ଷକ କ୍ୟାରି ଉପଯୋଗୀ ୫୫ ରନ କରି ଅପରାଜିତ ରହିଥିଲେ । ଖ୍ୱାଜା ୪୨ ରନ କରିଥିବା ବେଳେ ବୁମରାଙ୍କ ଦ୍ୱାରା ବୋଲ୍ଡ ଆଉଟ ହୋଇଥିଲେ ।
ଭାରତୀୟ ଓପନର ଶିଖର ଧାୱନଙ୍କ ଶତକୀୟ ଇନିଂସ ଲାଗି ତାଙ୍କୁ ‘ପ୍ଲେୟାର୍ ଅଫ ଦି ମ୍ୟାଚ’ ଘୋଷିତ କରାଯାଇଛି ।
ଭାରତ ତା’ର ଆଗାମୀ ମ୍ୟାଚ ଆସନ୍ତା ୧୩ ତାରିଖରେ ନ୍ୟୁଜିଲାଣ୍ଡକୁ ଟ୍ରେଣ୍ଟବ୍ରିଜ ନଟିଂହାମଠାରେ ଭେଟିବ । ଭାରତ ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆ ପରି ଦୁଇଟି ଶକ୍ତିଶାଳୀ ଟିମ ବିପକ୍ଷରେ ମ୍ୟାଚ ଖେଳି ୨ଟି ବିଜୟ ହାସଲ କରିଛି । ଏବେ ଭାରତର ପଏଣ୍ଟ ୪ ରହିଛି ।
କେଉଁଦିନ କେଉଁ ଦଳକୁ ଭେଟିବ ବିରାଟଙ୍କ ଟିମ୍ ଇଣ୍ଡିଆ:
ବିପକ୍ଷ ଦଳ ଷ୍ଟାଡ଼ିୟମ / ସ୍ଥାନ ତାରିଖ / ସମୟ
ଭାରତ ବନାମ ଦକ୍ଷିଣ ଆଫ୍ରିକା – ସାଉଥମ୍ପଟନ୍ ଜୁନ ୫ (ଦିନ ୩ଟା)
ଭାରତ ବନାମ ଅଷ୍ଟ୍ରେଲିଆ – ଓଭାଲ୍, ଲଣ୍ଡନ ଜୁନ ୯ (ଦିନ ୩ଟା)
ଭାରତ ବନାମ ନ୍ୟୁଜିଲାଣ୍ଡ – ଟ୍ରେଣ୍ଟବ୍ରିଜ, ନଟିଂହାମ ଜୁନ ୧୩ (ଦିନ ୩ଟା)
ଭାରତ ବନାମ ପାକିସ୍ତାନ – ଓଲ୍ଡ ଟ୍ରାଫୋର୍ଡ଼, ମାଞ୍ଚେଷ୍ଟର୍ ଜୁନ ୧୬ (ଦିନ ୩ଟା)
ଭାରତ ବନାମ ଆଫଗାନିସ୍ତାନ – ହାମ୍ପସାୟାର, ସାଉଥମ୍ପଟନ ଜୁନ ୨୨ (ଦିନ ୩ଟା)
ଭାରତ ବନାମ ୱେଷ୍ଟଇଣ୍ଡିଜ – ଓଲ୍ଡ ଟ୍ରାଫୋର୍ଡ଼, ମାଞ୍ଚେଷ୍ଟର୍ ଜୁନ ୨୭ (ଦିନ ୩ଟା)
ଭାରତ ବନାମ ଇଂଲଣ୍ଡ – ଏଜବାଷ୍ଟନ, ବର୍ମିଂହାମ ଜୁନ ୩୦ (ଦିନ ୩ଟା)
ଭାରତ ବନାମ ବାଂଲାଦେଶ – ଏଜବାଷ୍ଟନ, ବର୍ମିଂହାମ ଜୁଲାଇ ୨ (ଦିନ ୩ଟା)
ଭାରତ ବନାମ ଶ୍ରୀଲଙ୍କା – ହେଡ଼ିଂଲେ, ଲିଡ୍ସ୍ ଜୁଲାଇ ୬ (ଦିନ ୩ଟା)
ପ୍ରଥମ ସେମିଫାଇନାଲ୍ – ଓଲ୍ଡ ଟ୍ରାଫୋର୍ଡ଼, ମାଞ୍ଚେଷ୍ଟର୍ ଜୁଲାଇ ୯ (ଦିନ ୩ଟା)
ଦ୍ୱିତୀୟ ସେମିଫାଇନାଲ୍ – ଏଜବାଷ୍ଟନ, ବର୍ମିଂହାମ ଜୁଲାଇ ୧୧ (ଦିନ ୩ଟା)
ଫାଇନାଲ୍ – ଲର୍ଡସ୍, ଲଣ୍ଡନ ଜୁଲାଇ ୧୪ (ଦିନ ୩ଟା)