ନୂଆଦିଲ୍ଲୀ: ଗତ କିଛି ଦିନ ହେବ ଦେଶରେ କରୋନା ସଂକ୍ରମଣର ନୂଆ ମାମଲା ଦେଖାଦେଇଛି। ଅଧିକ ସଂଖ୍ୟକ ରୋଗୀ ପ୍ରତିଦିନ ସୁସ୍ଥ ହେଉଛନ୍ତି। ଏହି କାରଣରୁ, ସକ୍ରିୟ ମାମଲାଗୁଡ଼ିକର ସଂଖ୍ୟା ମଧ୍ୟ କ୍ରମାଗତ ଭାବେ ହ୍ରାସ ପାଉଛି। ମହାମାରୀ ଯୋଗୁଁ ଦୈନିକ ମୃତ୍ୟୁ ସଂଖ୍ୟା ମଧ୍ୟ ପ୍ରାୟ ୧୫୦ରେ ପହଞ୍ଚିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୧୪ ହଜାର ୮୪୯ ନୂଆ ମାମଲା, ୧୫ ହଜାର ୯୪୮ ରୋଗୀ ଆରୋଗ୍ୟ ଲାଗ କରିଥିବା ବେଳେ ୧୫୫ ଜଣ ରୋଗୀଙ୍କ ମୃତ୍ୟୁ ହୋଇଛି।
ଏହା ସହିତ ମୋଟ ସଂକ୍ରମିତ ସଂଖ୍ୟା ୧ କୋଟି ୬ ଲକ୍ଷ ୫୪ ହଜାର ୫୩୩ ରେ ପହଞ୍ଚିଛି। ଏଥିମଧ୍ୟରୁ ୧ କୋଟି ତିନି ଲକ୍ଷରୁ ୧୬ ହଜାର ୭୮୬ ରୋଗୀ ସଂକ୍ରମଣମୁକ୍ତ ହୋଇଛନ୍ତି ଏବଂ ୧,୫୩,୩୩୯ ରୋଗୀ ପ୍ରାଣ ହରାଇଛନ୍ତି। ରୋଗୀଙ୍କ ସୁସ୍ଥ ହାର ୯୬.୩୮ ପ୍ରତିଶତକୁ ବୃଦ୍ଧି ପାଇଛି ଏବଂ ମୃତ୍ୟୁହାର ୧.୪୪ ପ୍ରତିଶତରେ ରହିଛି। ସମୁଦାୟ ସକ୍ରିୟ ମାମଲା ୧,୮୪,୪୦୮ ରେ ରହିଥାଏ, ଯାହାକି ମୋଟ ମାମଲାର ୧.୭୩ ପ୍ରତିଶତ ରହିଛି।