ନୂଆଦିଲ୍ଲୀ: ଏକ ଐତିହାସିକ ନିଷ୍ପତ୍ତିକ୍ରମେ ଲୋକସଭାରେ ମଙ୍ଗଳବାର ଦିନ ଜମ୍ମୁ ଓ କାଶ୍ମୀର ପୁନର୍ଗଠନ ବିଲ୍ ଗୃହୀତ ହୋଇଛି । ଗତକାଲି ଏହି ବିଲଟି ରାଜ୍ୟସଭାରେ ଗୃହିତ ହୋଇଥିଲା । ତେବେ ଏହି ବିଲଟି ପାର୍ଲାମେଣ୍ଟର ଦୁଇଟି ଗୃହରେ ଆଗତ ହୋଇ ସଫଳତାର ସହିତ ପାରିତ ହେବାପରେ ଏବେ ଏହା ଭାରତର ରାଷ୍ଟ୍ରପତିଙ୍କ ମଞ୍ଜୁରୀ ଲାଗି ପଠାଯାଇଛି । ରାଷ୍ଟ୍ରପତିଙ୍କ ଅନୁମୋଦନରେ ବିଲଟି ମଞ୍ଜୁରପ୍ରାପ୍ତ୍ର ହେଲେ ଏହା ଆଇନରେ ପରିଣତ ହୋଇଯିବ ।
The Jammu & Kashmir Reorganization Bill, 2019 has been passed by Lok Sabha with 370 ‘Ayes’ & 70 ‘Noes’ https://t.co/aGZLwcdT3N
— ANI (@ANI) August 6, 2019
ମଙ୍ଗଳବାର ଦିନ ସକାଳେ ଲୋକସଭାରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏହି ବିଲଟି ଆଗତ କରିଥିଲେ । ତେବେ ସନ୍ଧ୍ୟାରେ ଏହି ବିଲ ସପକ୍ଷରେ ୩୭୦ଟି ଭୋଟ ମିଳିଥିବା ବେଳେ ବିପକ୍ଷରେ ମାତ୍ର ୭୦ଟି ଭୋଟ ମିଳିଛି । ତେଣୁ ଏହି ବିଲଟି ଏବେ ଲୋକସଭାରେ ଗୃହିତ ହୋଇଥିବା ସୂଚନା ମିଳିଛି ।
Government in Lok Sabha proposes to withdraw The Jammu & Kashmir Reservation (Second Amendment) Bill 2019. pic.twitter.com/cHGOP8I46U
— ANI (@ANI) August 6, 2019
ଏହାଫଳରେ ଏବେ ଜମ୍ମୁ ଓ କାଶ୍ମୀର ରାଜ୍ୟ ଭାବେ ମାନ୍ୟତା ହରାଇବା ସହିତ ଏହାକୁ ଦୁଇ ଭାଗରେ ବିଭକ୍ତ କରାଯାଇ ଜମ୍ମୁ ଓ କାଶ୍ମୀର ଏବଂ ଲଦାଖ ଭାବେ ଦୁଇଟି କେନ୍ଦ୍ର ଶାସିତ ଅଞ୍ଚଳ ଭାବେ ମାନ୍ୟତା ପ୍ରଦାନ କରାଯିବ ।