ୱାଶିଂଟନ୍: ଆମେରିକାର ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନ୍ ଏବଂ ତାଙ୍କ ପତ୍ନୀ ଜିଲ ବାଇଡେନ୍ ଲାଇଭ ଟେଲିକାଷ୍ଟ ଜରିଆରେ କରୋନା ଟିକା ଗ୍ରହଣ କରିବେ। ସୂଚନା ଅନୁଯାୟୀ ବାଇଡେନ୍ କହିଛନ୍ତି ଯେ ମୁଁ ସୀମା ଅତିକ୍ରମ କରି ଟିକା ପାଇବାକୁ ଚାହୁଁ ନାହିଁ, କିନ୍ତୁ ମୁଁ ନିଶ୍ଚିତ କରିବାକୁ ଚାହୁଁଛି ଯେ ଏହି ଟିକା ଆମେରିକାର ଲୋକଙ୍କ ସାମ୍ନାରେ ସମ୍ପୂର୍ଣ୍ଣ ସୁରକ୍ଷିତ ଅଛି।
ଆମେରିକାରେ କରୋନା ଟିକାର ଜରୁରୀକାଳୀ ବ୍ୟବହାରକୁ ଅନୁମୋଦନ ମିଳିବା ପରେ ଟିକାକରଣ ୍ରାରମ୍ଭ ହୋଇଛି। ତଥାପି ଲୋକଙ୍କ ମଧ୍ୟରେ ଟିକାକରଣର ଭୟ ଦେଖାଯାଉଛି। ଅନେକ ସର୍ଭେ ମଧ୍ୟ କରାଯାଇଛି ଯେଉଁଥିରେ ଆମେରିକାର ବିଭିନ୍ନ ଦେଶ ତଥା ବିଶ୍ୱବାସୀ ଟିକାକରଣକୁ ନେଇ ଦ୍ୱିଧା ପ୍ରକାଶ କରିଛନ୍ତି।
ବାଇଡେନ୍ କହିଛନ୍ତି ଯେ ସେ ଚାହୁଁଛନ୍ତି ଯେ ଏହି ଟିକା ଆଗ ଧାଡିରେ କାର୍ଯ୍ୟ କରୁଥିବା ସ୍ୱାସ୍ଥ୍ୟ କର୍ମୀ ଏବଂ ସବୁଠାରୁ ବଡ ବିପଦର ସମ୍ମୁଖୀନ ହେଉଥିବା ବ୍ୟକ୍ତିଙ୍କ ପାଇଁ ପ୍ରାଥମିକତା ହେଉ। ଏଥିସହ ସେ ଏହା ମଧ୍ୟ କହିଛନ୍ତି ଯେ ତାଙ୍କଠାରେ ପ୍ରଥମେ ଟିକାକରଣ ଦ୍ୱାରା ଲୋକମାନେ ଟିକାକରଣ ଉପରେ ଆତ୍ମବିଶ୍ୱାସ ପାଇପାରିବେ।