Latest Odisha News

ଓକିଲଙ୍କ ଆନ୍ଦୋଳନ ଜାରି, ହାଇକୋର୍ଟ ମୁଖ୍ୟ ଫାଟକରେ ଝୁଲିଲା ତାଲା

କଟକ: କଟକ ହାଇକୋର୍ଟ ପରିସରରେ ଶୁକ୍ରବାର ସକାଳେ ଉତ୍ତେଜନା ବୃଦ୍ଧି ପାଇଛି । ଓକିଲମାନେ ସେମାନଙ୍କ ଆନ୍ଦୋଳନ ଜାରି ରଖିବା ସହିତ ତୁରନ୍ତ ସେମାନଙ୍କ ଦାବି ପୂରଣ ଲାଗି ଆଜି ସକାଳେ ହାଇକୋର୍ଟର ମେନ୍ ଗେଟରେ ତାଲା ପକାଇ ଦେଇଛନ୍ତି ।

“ଆନ୍ଦୋଳନ ପ୍ରତ୍ୟାହୃତ କରି କାର୍ଯ୍ୟରେ ଯୋଗଦାନ କରିବାକୁ ମାନ୍ୟବର ସୁପ୍ରିମକୋର୍ଟ କହିଥିଲେ, କିନ୍ତୁ ଆମକୁ ନ୍ୟାୟ ନମିଳିବା ପର୍ଯ୍ୟନ୍ତ ଆମେ ଏହି ଆନ୍ଦୋଳନ ଜାରି ରଖିବୁ,” ବୋଲି ଆଜି ହାଇକୋର୍ଟ ପରିସରରେ ଥିବା ଜଣେ ଆନ୍ଦୋଳନରତ ଓକିଲ କହିଛନ୍ତି ।

ସୂଚନାଯୋଗ୍ୟ, ଆପେକ୍ସ କୋର୍ଟ ଗୁରୁବାର ଦିନ ଓଡ଼ିଶା ହାଇକୋର୍ଟ ବାର୍ ଆସୋସିଏସନ ଏବଂ ଅନ୍ୟ ଓକିଲ ସଂଘ ଗୁଡ଼ିକୁ ଏହି ଆନ୍ଦୋଳନ ବନ୍ଦ କରି କାର୍ଯ୍ୟରେ ଯୋଗ ଦେବାକୁ ଅନୁରୋଧ କରିଥିଲେ ।

ଏସମ୍ପର୍କୀୟ ଏକ ପିଆଇଏଲର ଶୁଣାଣି କରି ଉଚ୍ଚ କୋର୍ଟ ଏହି ମାମଲାର ତଦନ୍ତ ଭାର କ୍ରାଇମବ୍ରାଞ୍ଚର ପୋଲିସ ଆଜିଙ୍କୁ ହସ୍ତାନ୍ତର କରିବାକୁ ପୋଲିସ ଡ଼ିଜିପି ଆର ପି ଶର୍ମାଙ୍କୁ ନିର୍ଦ୍ଦେଶ ଦେଇଥିଲେ ।

ଏପରିକି କୋର୍ଟ ମଧ୍ୟ କହିଥିଲେ ଏହାର ତଦନ୍ତ ଭାର ପୋଲିସ ଆଜିଙ୍କ ଅଧିନରେ ହେବା ସହିତ ଘଟଣାର ନିରପେକ୍ଷ ଯାଞ୍ଚ ହେବା ଜରୁରୀ ।

ପୋଲିସର ନିର୍ଯ୍ୟାତନାର ଶିକାର ହୋଇଥିବା ଓକିଲଙ୍କୁ ନ୍ୟାୟ ଦେବା ଲାଗି ବୁଧବାର ଦିନ ଏହି ଆନ୍ଦୋଳନକୁ ଚାଲୁ ରଖିବାକୁ ଓକିଲମାନଙ୍କ ପକ୍ଷରୁ ଚେତାବନୀ ମଧ୍ୟ ଦିଆଯାଇଥିଲା ।

Leave A Reply

Your email address will not be published.