ଭୁବନେଶ୍ୱର: ଲୋକସଭା ନିର୍ବାଚନରେ ଓଡ଼ିଶା ଏବଂ ପଶ୍ଚିମବଙ୍ଗରେ କ୍ଲିନ୍ ସୁଇପ୍ କରିବୁ। ପ୍ରଚାର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଭୁବନେଶ୍ବରରେ ରାଲି କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ମୋଦୀ ଏବିପି ନ୍ୟୁଜ୍ ସହ ଏକ ସ୍ୱତନ୍ତ୍ର ସାକ୍ଷାତକାର ଦେଇ ଏପରି କହିଛନ୍ତି। ଯେଉଁଥିରେ ସେ ଅନେକ ପ୍ରସଙ୍ଗରେ ଖୋଲାଖୋଲି ମନ୍ତବ୍ୟ ଦେଇଛନ୍ତି।
ମୋଦୀ କହିଛନ୍ତି ଯେ ଓଡ଼ିଶାରେ ଏଭଳି ଉତ୍ସାହ ବହୁତ କମ୍ ଦେଖାଯାଇଛି। ଭାଷା ସମସ୍ୟା ସତ୍ତ୍ୱେ ହୃଦୟ ସହ ସମ୍ପର୍କ ସମ୍ପୂର୍ଣ୍ଣ, ଏହା ଓଡ଼ିଶା ପାଇଁ ଏକ ଟର୍ଣ୍ଣିଂ ପଏଣ୍ଟ ବୋଲି ସେ କହିଛନ୍ତି।
ସେ କହିଛନ୍ତି, ଲୋକସଭାରେ ପଶ୍ଚିମବଙ୍ଗ ଓ ଓଡ଼ିଶାରେ କ୍ଲିନ୍ ସୁଇପ୍ କରିବୁ। ପଶ୍ଚିମବଙ୍ଗ ଏକଦା ଅର୍ଥନୈତିକ ରାଜଧାନୀ ଥିଲା। ବଙ୍ଗଳାର ସାମର୍ଥ୍ୟ ଏବଂ ଯୁବଗୋଷ୍ଠୀଙ୍କୁ ଏବେ ବି ବିଶ୍ୱାସ କରାଯାଏ କିନ୍ତୁ ଭୁଲ ନେତୃତ୍ୱ ଯୋଗୁଁ କଂଗ୍ରେସ ୫୦ ବର୍ଷ ରେ ଏହାକୁ ନଷ୍ଟ କରିଦେଇଛି । ଟିଏମସି ଯେଉଁ ପ୍ରସଙ୍ଗରେ ସଂସଦରେ କାଗଜପତ୍ର ଫିଙ୍ଗୁଥିଲା, ଆଜି ଆତ୍ମସମର୍ପଣ କରିଛି।
ତଦନ୍ତକାରୀ ସଂସ୍ଥାର ଚଢ଼ାଉ ସମ୍ପର୍କରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଇଡିର ସମସ୍ତ ମାମଲାରେ ୩ ପ୍ରତିଶତ ରାଜନୀତିର ଲୋକ। ନୋଟ୍ ଗଦା ବାହାରୁଛି। ନୋଟ୍ ଗଣିବା ସମୟରେ ବ୍ୟାଙ୍କର ମେସିନ୍ ଗୁଡ଼ିକ ଫାଟି ଯାଉଛି। ପାଖାପାଖି ୧.୨୫ ଲକ୍ଷ କୋଟି ଟଙ୍କା ଜବତ ହୋଇଛି। ଟଙ୍କା ଆସିଲା କେଉଁଠୁ? ଅନେକ ମାମଲାରେ ବକ୍ତବ୍ୟ ରଖିବା ସହ ଇଡିର କାର୍ଯ୍ୟାନୁଷ୍ଠାନ ଉପରେ ସେ କହିଛନ୍ତି ଯେ ଯେଉଁ ଟଙ୍କା ବାହାରୁଛି ତାହା ନିରୀହ ଲୋକଙ୍କର।
କଂଗ୍ରେସକୁ ଟାର୍ଗେଟ କରି ପ୍ରଧାନମନ୍ତ୍ରୀ କହିଛନ୍ତି ଯେ କଂଗ୍ରେସ ସମ୍ବିଧାନକୁ ପିଠିରେ ଛୁରୀ ମାରୁଛି। ସଂରକ୍ଷଣ ପାଇଁ ଆମେ ପ୍ରତିଶ୍ରୁତିବଦ୍ଧ। ମୋଦୀ ବଞ୍ଚିଥିବା ପର୍ଯ୍ୟନ୍ତ ଓବିସି, ଏସସି-ଏସଟିରେ ଧର୍ମ ଆଧାରରେ ଟିକିଏ ବି ସଂରକ୍ଷଣ କମାଇବି ନାହିଁ । ଲୋକମାନେ ମୋଦୀଙ୍କ ବିଷୟରେ ଜାଣନ୍ତି ନାହିଁ କିନ୍ତୁ ମହିଳାମାନେ କହନ୍ତି ଯେ ଆମ ପୁଅ ଦିଲ୍ଲୀରେ ବସିଛି । ଜୁନ୍ ୪ ରେ ଭାରତର ଇତିହାସରେ ବିଜେପି ଓ ଏନଡିଏର ଏକ ବିରାଟ ବିଜୟ ହେବ।