ନୟାଗଡ଼: ପରୀ ହତ୍ୟା ମାମଲାରେ ଅଭିଯୁକ୍ତକୁ ଗିରଫ ପରେ ରିମାଣ୍ଡରେ ନେଇ ଜେରା କରୁଛି ଏସଆଇଟି । ଅଧିକ ତଥ୍ୟ ହାସଲ କରୁଛି । ଏପଟେ ସାଇଣ୍ଟିଫିକ୍ ତଥ୍ୟ ପ୍ରମାଣ ଯୋଗାଡ଼ ଚାଲିଛି । ଆଜି ଯଦୁପୁର ଗାଁରେ ପହଞ୍ଚି ଖୋଳତାଡ କରୁଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା । ପୋଖରୀ ନିକଟରେ ଓଡ୍ରାଫ ଓ ଏସଆଇଟି ସଦସ୍ୟଙ୍କ ସହ ସେ ଆଲୋଚନା କରିଛନ୍ତି । ଅଧିକ ପ୍ରମାଣ ପାଇଁ ପୋଖରୀ ଭିତରେ ଯାଞ୍ଚ କରୁଛନ୍ତି ଓଡ୍ରାଫ୍ ଟିମ୍ । ସ୍କୁବା ଡାଇଭର ସାହାଯ୍ୟରେ ଚାଲିଛି ଖୋଜାଖୋଜି ।
ଗତକାଲି ପୋଖରୀ ଭିତରୁ ନାବାଳିକାଙ୍କ ଲେଗିଙ୍ଗସ ମିଳିଥିଲା । ପୋଖରୀ ନିକଟ ଏକ ବୁଦା ନିକଟରୁ ଉଦ୍ଧାର ହୋଇଥିଲା ଗଳିତ ମୃତଦେହ । ଗତକାଲି ପ୍ରେସମିଟରେ ପରୀ ହତ୍ୟା ଉପରୁ ପରଦା ହଟାଇଥିଲେ ଅସଆଇଟି ମୁଖ୍ୟ ଅରୁଣ ବୋଥ୍ରା । କାହିଁକି ଓ କିଭଳି ଘଟଣା ଘଟିଥିଲା କହିଥିଲେ । ଅଭିଯୁକ୍ତ ସରୋଜ ସେଠୀ ନାବାଳିକାଙ୍କୁ ହତ୍ୟା ପରେ ଦୁଷ୍କର୍ମ ଉଦ୍ୟମ କରିଥିବା ମାନିଛି । ତାକୁ ତିନି ଦିନିଆ ରିମାଣ୍ଡରେ ନେଇ ଜେରା କରୁଛି ଏସଆଇଟି ।
Comments are closed.