କଳିଙ୍ଗ ଷ୍ଟାଡିୟମରେ ଯୁବ ଆଥଲେଟଙ୍କୁ ଟିପ୍ସ ଦେଲେ ଅନ୍ତର୍ଜାତୀୟ ଷ୍ଟାର ଜାଭେଲିୟନ ଥ୍ରୋୟର ନୀରଜ ଚୋପ୍ରା, ଶିବପାଲ

ଭୁବନେଶ୍ୱର: ଅନ୍ତର୍ଜାତୀୟସ୍ତରର ଜାଭେଲିୟନ ଥ୍ରୋୟର ନୀରଜ ଚୋପ୍ରା ଓ ଶିବପାଲ ସିଂ ରବିବାର କଳିଙ୍ଗ ଷ୍ଟାଡିୟମରେ ଯୁବ ଖେଳାଳିଙ୍କ ମନୋବଳ ବଢ଼ାଇବା ସହ ଗୁରୁତ୍ୱପୂର୍ଣ୍ଣ ଟିପ୍ସ ଦେଇଛନ୍ତି । ଗୌହାଟୀରେ ଆୟୋଜିତ ହେବାକୁ ଥିବା ଜାତୀୟ ଜୁନିୟର ଆଥଲେଟିକ ଚାମ୍ପିୟନଶିପ ପାଇଁ କଳିଙ୍ଗ ଷ୍ଟାଡିୟମରେ ଚୟନ ପ୍ରକ୍ରିୟା ଆରମ୍ଭ ହୋଇଛି । ଚୟନ ପ୍ରକ୍ରିୟାର ଦ୍ୱିତୀୟ ଦିବସରେ ୬୨ ଇଭେଂଟ ଆୟୋଜିତ ହୋଇଥିଲା ।୧୮ରୁ ୨୦ ବର୍ଷ ବୟସର ୧୫୦ ଯୁବ ଆଥଲେଟ ଉଭୟ ବାଳକ ଓ ବାଳିକା ବିଭାଗରେ ଅଂଶଗ୍ରହଣ କରିଥିଲେ । ୪ ଇଭେଂଟରେ ପ୍ରତିଯୋଗୀ ନ ମିଳିବାରୁ ଏହାକୁ ବାତିଲ କରାଯାଇଥିଲା । ଓଡିଶା ସରକାର ଯୁବ ଓ କ୍ରୀଡା ବିଭାଗ ଏବଂ ଓଡିଶା ଆଥଲେଟିକ ଆସୋସିଏଶନ ପକ୍ଷରୁ ଏହା ଆୟୋଜିତ ହେଉଛି । କୋଭିଡ ୧୯ର ସମସ୍ତ ଗାଇଡଲାଇନ ଠିକ୍ ଭାବେ ପାଳନ କରାଯାଇ ଏହାକୁ ଆୟୋଜିତ କରାଯାଉଛି ।