ନିଷ୍ପତ୍ତି ପରେ ନିର୍ଭୟା ମା’ଙ୍କ ପ୍ରତିକ୍ରିୟା, ମୁଁ ବହୁତ ଖୁସି ନୁହେଁ

ନୂଆଦିଲ୍ଲୀ: ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାରେ ନୂଆ ଡେଥ୍ ୱାରେଂଟ ଜାରି ହୋଇଛି । ମାର୍ଚ୍ଚ ୩ ସକାଳ ୬ଟାରେ ଫାଶୀ ଖୁଂଟରେ ଝୁଲିବେ ୪ ଦୋଷୀ । ଦିଲ୍ଲୀ ପଟିଆଲା ହାଉସ କୋର୍ଟ ଆଜି ଏହି ନିଷ୍ପତି ଶୁଣାଇଛନ୍ତି । ତେବେ କୋର୍ଟଙ୍କ ନିଷ୍ପତି ଆସିବା ପରେ ନିର୍ଭୟାଙ୍କ ମାଆ ଅଶା ଦେବୀ ପ୍ରତିକ୍ରିୟା ପ୍ରକାଶ କରିଛନ୍ତି । ସେ କହିଛନ୍ତି, ମୁଁ କୋର୍ଟଙ୍କ ନିଷ୍ପତିରେ ଖୁସି । ହେଲେ ବହୁତ ଖୁସି ନୁହେଁ । ଏଥରକୁ ମିଶାଇ ତୃତୀୟ ଥର ପାଇଁ ୪ ଦୋଷୀଙ୍କୁ ଫାଶୀ ଦେବା ପାଇଁ ଡେଥ୍ ୱାରେଂଟ ଜାରି ହୋଇଛି । ବାରମ୍ବାର ଆଇନର ଗଳାବାଟ ଦେଇ ଦୋଷୀମାନେ ବର୍ତ୍ତିଯାଉଛନ୍ତି । ସେମାନେ ଆଇନ୍ ସହ ଖେଳ ଖେଳୁଛନ୍ତି । ଏବେ ଯାଏଁ ମୋ ଝିଅକୁ ନ୍ୟାୟ ମିଳି ନାହିଁ । ତାକୁ ନ୍ୟାୟ ଦେବା ପାଇଁ ବହୁତ ସଂଘର୍ଷ କରିବାକୁ ପଡୁଛି । ଏବେ ମାର୍ଚ୍ଚ ୩ ତାରିଖରେ ହିଁ ଦୋଷୀଙ୍କୁ ଫାଶୀ ଦିଆଯିବ ବୋଲି ମୁଁ ଆଶା କରୁଛି ବୋଲି ନିର୍ଭୟାଙ୍କ ମା’ କହିଛନ୍ତି ।